1 Samuweli 1:19 - Siswati 1996 Bible

¹⁹ Ekuseni ngakusasa besuka bayawukhonta Simakadze, base bayancandzeka babuyela ekhaya labo eRama. Elkhana walala naHana, umkakhe, Simakadze wamkhumbula Hana.

1 Samuweli 1:19 Referencias Cruzadas

Genesisi 21:1

Simakadze wabusisa Sara njengobe abeshito. Simakadze wentela Sara loko abemetsembise kona.

Genesisi 30:22

Nkulunkulu wakhumbula Rakheli, wawuva umthandazo wakhe, wasivula sitalo sakhe.

Genesisi 4:1

Adamu wamati Eva, umkakhe; Eva wakhulelwa watala Khayini, watsi: “Ngitfole indvodzana ngekusitwa nguSimakadze.”

Genesisi 8:1

Nkulunkulu wamkhumbula Nowa, netilwane tonkhe, kanye nato tonkhe tifuyo labenato emkhunjini. Nkulunkulu waletsa umoya waphuphutsa etikwemhlaba, emanti etja.

2 Emakhosi 4:17

Kodvwa lomfati wakhulelwa, kwatsi ngemnyaka lolandzelako wabeleka indvodzana, cishe ngasona leso sikhatsi lesasibekwe ngu-Elisha; kwaya njengobe Elisha abeshito.

Tihlabelelo 119:147

Ngivuka lokwa kuseluvivi, ngicele lusito, litsemba lami libambelele evini lakho.

Tihlabelelo 136:23

Nguye lowasikhumbula ekwehlulekeni kwetfu, ngobe umusa wakhe ume kuze kube phakadze.

Tihlabelelo 25:7

Ungatikhumbuli tono tami, netiphambuko tebusha bami, kodvwa ngikhumbule ngekwemusa wakho, Simakadze, ngikhumbule ngekulunga kwakho.

Tihlabelelo 5:3

Simakadze, nakudzabuka kusa, uyaliva livi lami; nakudzabuka kusa, ngihlela ticelo tami kuwe, bese ngiyema ngilindzela wena.

Tihlabelelo 55:17

Kusihlwa, nasekuseni, nasemini ngiyatikhalela ngibubule kuye, bese uyaliva livi lami.

Makho 1:35

Ekuseni kusemnyama kakhulu Jesu wavuka wahamba, waphumela ngephandle kwelidolobha waya ehlane, lapho afike wathandaza khona.

Lukha 23:42

Wase utsi kuJesu: “Ungikhumbule, Jesu, nase ufikile ebukhosini bakho.”

Joshuwa 18:25

BekuyiGibeyoni, neRama, neBherothi,

1 Samuweli 1:1

Kwakukhona indvodza letsite leyayingumSufi waseRamathayimu, eveni letintsaba kulaka-Efrayimu; libito layo bekungu-Elkhana, umsa waJerohamu, umsa wa-Elihu, umsa waThohu, umsa waSufi, um-Efrayimu.

1 Samuweli 1:11

Wenta setsembiso, watsi: “Awu, Simakadze Somandla, nawungamane ubukisise lusizi lwencekukati yakho, ungikhumbule, ungayikhohlwa incekukati yakho, kodvwa incekukati yakho uyiphe indvodzana, leyo ndvodzana ngiyakunikela ngayo kuSimakadze, tonkhe tinsuku tekuphila kwayo, kuyawubate insingo leyawutsintsa inhloko yayo.”

1 Samuweli 15:34

Samuweli wesuka waya eRama, kodvwa Sawula wenyuka waya kakhe eGibeya yaSawula.

1 Samuweli 16:13

Ngako Samuweli watsatsa luphondvo lwakhe lwemafutsa wamgcoba ebaleni embikwabomnakabo. Kusukela ngalelo langa Moya waSimakadze wehlela etikwaDavide ngemandla lamakhulu. Samuweli wesuka lapho waya eRama.

1 Samuweli 19:18

Watsi kube Davide abaleke, waya kuSamuweli eRama, wafike wamtjela konkhe loko Sawula labesakwente kuye. Yena naSamuweli bahamba baya eNayothi, bafike bahlala lapho.

1 Samuweli 2:11

Elkhana wabe sewubuyela ekhaya lakhe eRama, kodvwa lomfana wakhe wasala akhonta Simakadze ngaphansi kwemphristi Eli.

1 Samuweli 25:1

Samuweli wafa, kwatsi sonkhe sive sema-Israyeli seta, sahlangana ndzawonye, satakumlilela. Wangcwatjwa ekhaya lakhe, eRama. Davide wase uyehla waya eHlane laseMayoni.

1 Samuweli 7:17

Kodvwa sonkhe sikhatsi abencandzeka abuyele eRama, lapho likhaya lakhe lalikhona khona, nakhona lapho abehlulela ema-Israyeli. Wakha lilati laSimakadze khona lapho eRama.

1 Samuweli 8:4

Ngako bonkhe baholi baka-Israyeli babutsana ndzawonye beta kuSamuweli eRama.

1 Samuweli 9:26

Samuweli wavuka ekuseni ngeluvivi, wenyukela kuSawula labesendlini lesetulu, wafike watsi: “Tilungiselele, sengitakubuyisela ekhaya.” Watsi kube Sawula atilungiselele, yena naSamuweli base baphumela ngaphandle kanyekanye.