1 Samuweli 1:17 - Siswati 1996 Bible

¹⁷ Eli waphendvula watsi: “Hamba ngekuthula, shangatsi Nkulunkulu wema-Israyeli angakupha loko lokucele kuye.”

1 Samuweli 1:17 Referencias Cruzadas

Genesisi 25:21

Isaka wathandazela umkakhe kuSimakadze, ngobe abeyinyumba. Simakadze wawuphendvula umthandazo wakhe; Rebheka, umka-Isaka, wakhulelwa.

2 Samuweli 15:9

Inkhosi yakhuluma kuye yatsi: “Hamba kahle.” Ngako wavele waya eHebroni.

2 Emakhosi 5:19

Elisha wakhuluma watsi: “Hamba kahle.” Watsi Namani nasahambe libanga lelidze,

1 Tikhronike 4:10

Jabesi wakhala kuNkulunkulu wema-Israyeli, watsi: “Ngicela ungibusise ungandzisele live lami! Shangatsi sandla sakho singaba nami, ungiphephise engotini, khona ngitewukhululeka ebuhlungwini.” Nkulunkulu wamupha loko labekucelile.

Makho 5:34

Jesu watsi kuye: “Ndvodzakati yami, kukholwa kwakho kukuphilisile. Hamba ngekuthula, uphile esifeni sakho.”

Lukha 7:50

Kodvwa Jesu wase utsi kulomfati: “Kukholwa kwakho kukusindzisile, hamba ngekuthula.”

Lukha 8:48

Jesu watsi kuye: “Ndvodzakati, kukholwa kwakho kukusindzisile; hamba ngekuthula.”

Tikhulu 18:6

Umphristi wawaphendvula watsi: “Hambani nekuthula. Luhambo lwenu luvunywe nguSimakadze.”

1 Samuweli 1:16

Incekukati yakho ungayitsatsi njengemfati lomubi, konkhe loku bengithandaziswa buhlungu benhlitiyo yami nelusizi lolukhulu.”

1 Samuweli 1:23

Elkhana, indvodza yakhe, watsi kuye: “Yenta loko lobona kukulungela kakhulu. Hlala lapha, uze umlumule lomntfwana; shangatsi Simakadze angenta leso setsembiso sibe liciniso.” Ngako Hana wahlala ekhaya, wakhulisa umntfwana, waze walunyulwa.

1 Samuweli 20:42

Jonathani wakhuluma kuDavide, watsi: “Hamba ngekuthula, ngobe lobungani betfu sesibufungele egameni laSimakadze satsi: ‘Simakadze ungufakazi emkhatsini wetfu sobabili nasemkhatsini wetitukulwane tetfu phakadze naphakadze.’ ” Davide wahamba, naJonathani wancandzeka, wabuyela emuva edolobheni.

1 Samuweli 25:35

Davide wakwemukela esandleni sa-Abigayili loko bekakuletse kuye, watsi: “Hamba ngekuthula ubuyele ekhaya. Ngiyivile lenkhulumo yakho, kantsi futsi naloko lokucelako nako sengikunikile.”

1 Samuweli 29:7

Ncandzeka-ke uhambe ngekuthula; ungenti lutfo lolutawucunula letindvuna temaFilisti.”