1 kuThimothi 6:11 - Siswati 1996 Bible

¹¹ Kodvwa wena, muntfu waNkulunkulu, kubalekele loko; jonga kulunga, nekwesaba Nkulunkulu, nekukholwa, nelutsandvo, nekubeketela, nebumnene.

1 kuThimothi 6:11 Referencias Cruzadas

1 Emakhosi 13:1

Ngelivi laSimakadze kwefika umuntfu waNkulunkulu eBetheli aphuma kaJuda, Jerobowamu aseme eceleni kwelilati kutekwenta umhlatjelo.

1 Emakhosi 13:26

Watsi lomphrofethi lamncandza endleleni kube akuve loko, watsi: “Ngulomuntfu waNkulunkulu longalilalelanga livi laSimakadze, Simakadze umnikele kulelibhubesi lelimdladlabule lambulala, njengobe livi laSimakadze belimcaphelisile.”

1 Emakhosi 17:18

Lomfelokati wakhuluma ku-Elija, watsi: “Ngoneni kuwe, muntfu waNkulunkulu? Kantsi lapha kami utele kutangikhumbuta sono sami, ubulale nendvodzana yami.”

1 Emakhosi 17:24

Lomfelokati watsi ku-Elija: “Manje sengiyati kutsi ungumuntfu waNkulunkulu, nekutsi livi laSimakadze leliphuma emlonyeni wakho liliciniso.”

1 Emakhosi 20:28

Lomuntfu waNkulunkulu wefika wakhuluma enkhosini yaka-Israyeli, watsi: “Naku-ke lokushiwo nguSimakadze, utsi: ‘Njengobe emaSiriya acabanga kutsi Simakadze ungunkulunkulu wemagcuma, akasiye nkulunkulu wematsafa, yonkhe lemphi yawo ngitayinikela etandleni tenu, kuze nati kutsi mine nginguSimakadze.’ ”

2 Emakhosi 1:13

Inkhosi yaphindze yatfumela kwesitsatfu indvuna nemadvodza langema-50. Lendvuna yesitsatfu yenyuka, yafike yaguca embikwa-Elija, yamncenga yatsi: “Awu, muntfu waNkulunkulu, ngicela umane uhawukele mine, uphephise mine ekufeni kanye nalaba lengihamba nabo, emadvodza langema-50, tinceku takho!

2 Emakhosi 1:9

Wabe sewutfumela indvuna ku-Elija leyayihamba nelibutfo layo lelalingemadvodza langema-50. Lendvuna yenyuka yaya ku-Elija labehleti etulu esicongweni sentsaba, yafike yakhuluma kuye yatsi: “Ye muntfu waNkulunkulu, inkhosi itsi: ‘Yehla!’ ”

2 Emakhosi 23:17

Inkhosi yabuta yatsi: “Labani lela dliza?” Bantfu baseBetheli baphendvula batsi: “Lidliza lalowo muntfu waNkulunkulu labephuma kaJuda, wakhuluma ngato letintfo telilati laseBetheli kutsi titakwenteka, njengobe setentekile nje.”

2 Emakhosi 5:20

Gehazi, inceku ya-Elisha, umuntfu waNkulunkulu, wacabanga watsi: “Inkhosi yami ihambise Namani, umSiriya, ngaphandle kwekumkhokhisa lutfo; ngabe ukwemukele loku abemnika kona. Ngifunga kuphila kwaSimakadze, mine ngitamlandzela, khona ngitawufike ngitsatse intfo letsite.”

1 Tikhronike 23:14

Emadvodzana aMosi, inceku yaNkulunkulu, nawo abalwa njengalabanye besive semaLevi.

2 Tikhronike 8:14

Ngaloko abelandzela imiyalo yeyise Davide, wemisa ticheme tebaphristi wabaniketa nemisebenti yabo, nemaLevi kutsi ahole kubonga abuye abambisane nebaphristi kuloko lokwakudzingeka ngawo onkhe emalanga. Wabuye wabeka nabomahlalesangweni ngeticheme tabo, njengekwehlukana kwalamasango. Loko kwaba njengaloku Davide, inceku yaNkulunkulu, abeshito.

Nehemiya 12:24

Baholi bemaLevi bekuboHashabiya, naSherebiya, naJeshuwa, umsa waKhadmiyeli; ticheme tabomnakabo tatima malungana nabo, kuze tidvumise tiletse netibongo, sicheme sabomnakabo lesinye siphendvule lesinye, njengobe abeshito Davide, inceku yaNkulunkulu.

Nehemiya 12:36

nabomnakabo: boShemaya, na-Azareli, naMilalayi, naGilalayi, naMayi, naNethaneli, naJuda, naHanani, netingubhu tabo telikhetselo laDavide, inceku yaNkulunkulu. Ezra, ingcweti yetemtsetfo, abehola wonkhe lomkhumbi walowo mkhosi.

Tihlabelelo 34:14

Khwesha kulokubi wente lokuhle; funisisa kuthula, ukubambisise.

Tihlabelelo 38:20

Labo labangiphindzisela lokubi ngalokuhle, batitsa tami, ngobe ngilandzela lokulungile.

Taga 15:9

Simakadze uyayitondza indlela yekutiphatsa kwalomubi; kodvwa uyamtsandza lowo lohlose kwenta lokulungile.

Isaya 51:1

“Lalelani kimi, nine lenifunisisa kulunga, nalenifuna Simakadze: Bukani kulelo dvwala lenacetulwa kulo nakuleyo nkwali lenacotwa kuyo,

Jeremiya 35:4

Ngabangenisa endlini yaSimakadze, ekamelweni lemadvodzana aHanana, umsa wa-Igdaliya, umuntfu waNkulunkulu. Laliseceleni kwelikamelo letindvuna, lelalingetulu kwaleli laMaseya, umsa waShalumi, labengumahlalesangweni.

KubaseRoma 14:19

Ngako-ke, asilangatelele lokuletsa kuthula nekwakhana.

1 kubaseKorinthe 10:14

Ngaloko-ke, batsandzekako bami, balekelani kukhonta tithico.

1 kubaseKorinthe 14:1

Jongani lutsandvo, kutsi nilangatelele tiphiwo taMoya, kakhulu kuphrofetha.

1 kubaseKorinthe 6:18

Balekelani bugwadla nebuphingi. Tonkhe tono latentako umuntfu tingephandle kwemtimba wakhe; kodvwa logwadlako nome lophingako wona umtimba wakhe.

Dutheronomi 16:20

Niyawulandzela umtsetfo wona wodvwa, nehlulele ngebucotfo bodvwa, kuze niphile nilidle lelive Simakadze Nkulunkulu wenu lanipha lona.

Dutheronomi 33:1

Lesi sibusiso Mosi, umuntfu waNkulunkulu, labusisa ngaso ema-Israyeli ngaphambi kwekufa kwakhe.

1 kuThimothi 1:14

INkhosi yamane yangibabala ngemusa wayo yangipha kukholwa nelutsandvo lolukuKhristu Jesu.

1 kuThimothi 4:12

Ungavumi kutsi busha bakho bedzeleleke kubantfu. Kodvwa bani sibonelo kulabakholwako; ube sibonelo ngekukhuluma, nangesimilo, nangelutsandvo, nangekukholwa, nangekuba msulwa.

1 kuThimothi 5:10

Kufanele atiwe ngetento takhe letinhle, njengemuntfu lowake wondla wakhulisa bantfwana, waphatsa kahle tihambi, wageza tinyawo talabangcwele, wasita labahluphekile, futsi kufanele abe ngulabetinikele kwenta lokuhle nome ngayiphi indlela.

1 kuThimothi 6:20

Ye Thimothi, londvolota loko lophatsiswe kona. Ukugege kukhuluma lokulite nekuphikisana lokutsiwa lwati kube kungesilo,

2 kuThimothi 2:21

Nangabe umuntfu atihlanta yena angabi sitja sekusetjentiswa nje nome kunini, uyabe sewuba sitja lesihloniphekile lesingcweliswe sadzimate safanela umniyo wendlu, size silungele nome ngumuphi umsebenti lomuhle.

2 kuThimothi 2:22

Ngako-ke balekela tinkhanuko tebusha, kodvwa hambisana nalabo labakhuleka eNkhosini ngenhlitiyo lehlambululekile, ujonge kulunga, nekukholwa, nelutsandvo, nekuthula.

2 kuThimothi 3:10

Kodvwa wena ungilandzele kunaku: esifundzisweni, nasekutiphatseni, nasemgomeni, nasekukholweni, nasekubeketeleni, naselutsandvweni, nasekubambeleleni,

2 kuThimothi 3:17

kuze umuntfu waNkulunkulu atewuhlonyiswa alungele kwenta wonkhe umsebenti lomuhle lamiselwe wona.

KumaHebheru 12:14

Yetamani kuba nekuthula nabo bonkhe bantfu, nifune kungcweliswa, ngobe kute loyawuyibona iNkhosi angakangcweliswa.

1 yaPhetro 3:11

Akakhweshe kulokubi ente lokulungile; akajonge kuthula ngemandla akhe onkhe.

1 Samuweli 2:27

Kwefika umuntfu waNkulunkulu ku-Eli, watsi: “Naku lokushiwo nguSimakadze, utsi: ‘Angizange yini ngitibonakalise ngalokucacile endlini yeyihlo Aroni ngesikhatsi baseseGibhithe, basabuswa yindlu yakaFaro?

1 Samuweli 9:6

Kodvwa lesisebenti saphendvula satsi: “Ase ubuke la, kulelidolobha kunemuntfu waNkulunkulu, uhlonishwa kakhulu, konkhe lakushoko kuba liciniso, futsi kwenteke. Asambe siye khona nyalo. Mhlawumbe angahle asitjele kutsi kufanele sibheke ngakuphi.”