1 kuThimothi 6:1 - Siswati 1996 Bible

¹ Bonkhe labangaphansi kwelijoko lekuba tisebenti ludvumo lonkhe abalunike baphatsi babo, kuze phela lingahlambalateki libito laNkulunkulu nemfundziso yakhe yonkhe.

1 kuThimothi 6:1 Referencias Cruzadas

Genesisi 16:9

Ingilosi yaSimakadze yatsi kuye: “Ncandzeka, buyela kuSarayi, umphatsi wakho, ufike utitfobe ngaphansi kwakhe.”

Genesisi 24:12

Lenceku yathandaza yatsi: “Simakadze, Nkulunkulu wenkhosi yami, ngicela ungiphe imphumelelo lamuhla, ukhombise umusa wakho enkhosini yami Abrahama.

Genesisi 24:2

Abrahama wakhuluma nenceku yakhe lenkhulu ekhaya lakhe, leyayiphetse konkhe labenako, watsi: “Beka sandla sakho ngaphansi kwelitsanga lami.

Genesisi 24:27

yatsi: “Akabongwe Simakadze, Nkulunkulu wenkhosi yami Abrahama, longakayekeli kukhombisa umusa wakhe nekwetsembeka kwakhe enkhosini yami Abrahama. Mine-ke Simakadze ungihole endleleni, waze wangingenisa endlini yetihlobo tenkhosi yami.”

2 Samuweli 12:14

Kodvwa njengobe sewente loku, wenta kutsi titsa taSimakadze tingamhloniphi, lendvodzana yakho letawutalwa itakufa.”

2 Emakhosi 5:13

Tinceku taNamani taya kuye, tafike tatsi: “Babe, kube lomphrofethi abetsite yenta intfo lelukhuni, bewungeke uyente yini leyontfo? Kakhulu kanganani-ke njengobe akutjele watsi: ‘Geza utewuhlambuluka.’ ”

Nehemiya 9:5

LamaLevi lekwakuboJeshuwa, naKhadmiyeli, naBani, naHashabneya, naSherebiya, naHodiya, naShebaniya kanye naPhethahiya bakhuluma batsi: “Sukumani nidvumise Simakadze Nkulunkulu wenu kusukela phakadze kuze kube nguphakadze. Alidvunyiswe Libito lakhe lelikhatimulako, Libito lelaphakanyiswa laba ngetulu kwato tonkhe tindvumiso netibongo.”

Isaya 47:6

Ngangisitfukutselele sive sami, ngalilahla lifa lami, ngabanikela esandleni sakho, nawe awuzange ubahawukele ngemusa; ngisho nalasebagugile, wabagaca ngelijoko lelimatima.

Isaya 52:5

Simakadze utsi: “Pho, yini nje manje loku lese ngikukhandza lapha? Ngobe sive sami sitsetfwe kwahanjwa naso mahhala, nalabo labasibusako bayaphukuta,” kusho Simakadze. “Libito lami liyahlanjalatwa ngaso sonkhe sikhatsi.

Isaya 58:6

“Ngiyo lena yini inhlobo yekuzila kudla lengiyikhetsile? Akusiko yini kutfukulula tibopho tebubi, nekukhumula tintsambo telijoko, nekukhulula labacindzetelwe, nekwephula onkhe emajoko?

Hezekeli 36:20

Yonkhe indzawo lapho baya khona etiveni balihlambalata Libito lami lelingcwele, ngobe kwakukhulunywa ngabo kutsiwe: ‘Lesi sive saSimakadze, kodvwa noko kwakufanele balishiye live lakhe.’

Hezekeli 36:23

Ngitawukhombisa bungcwele beLibito lami lelikhulu, lebeselihlanjalatwe emkhatsini wetive, Libito lenilihlambalate emkhatsini wato. Ngulapho-ke tive tiyawukwati khona kutsi mine nginguSimakadze, nase ngitibonakalisa ngani kutsi mine ngingcwele, embikwemehlo ato, kusho iNkhosi Simakadze.

Malakhi 1:6

Simakadze Somandla utsi: “Indvodzana ihlonipha uyise, kantsi nesisebenti sihlonipha inkhosi yaso. Nangabe nginguyihlo, aningihloniphi leni? Nangabe ngiyinkhosi, aningihloniphi ngani? Ngini nine baphristi, lenedzelela Libito lami. “Kodvwa niyabuta nitsi: ‘Siledzelele kanjani Libito lakho?’

Matewu 11:30

ngobe lijoko lami lilula, nemtfwalo wami awusindzi.”

Matewu 11:9

Kodvwa vele nje, nanisukele kuyawubonani, umphrofethi? Yebo, empeleni nabona lomkhulu kakhulu kunemphrofethi.

Lukha 17:1

Jesu watsi kubafundzi bakhe: “Tilingo tetono kufanele kutsi tenteke; kodvwa maye kulowo letita ngaye!

Imisebenti yebaPhostoli 10:22

Baphendvula batsi: “Khoneliyuse, indvuna yelibutfo, usitfumile. Uyindvodza lelungile naleyesaba Nkulunkulu, futsi uhlonishwa ngiso sonkhe sive semaJuda. Watjelwa yingilosi lengcwele kutsi akumeme ute emtini wakhe, kuze atewuva emavi akho.”

Imisebenti yebaPhostoli 10:7

Lengilosi leyayikhuluma naye yase iyahamba, Khoneliyuse wase ubita tisebenti tasekhaya kakhe letimbili kanye nelisotja, indvodza leyayikholwa, ingulenye yabogadzi bakhe.

Imisebenti yebaPhostoli 15:10

Pho, nifunelani kulinga Nkulunkulu ngekubeka lijoko emahlombe emakholwa lokungazange bokhokho nome tsine sibe nemandla ekuletfwala?

KubaseRoma 2:24

Kubhaliwe kutsi: “Ngenca yenu, betive bahlambalata ligama laNkulunkulu.”

1 kubaseKorinthe 10:32

Ningabi sikhubekiso kumaJuda nakumaGriki, nakulo libandla laNkulunkulu,

KubaseGalathiya 5:1

Khristu wasikhululela kutsi sihlale sikhululekile. Manini-ke, nicine, ningaphindzi niboshelwe ejokeni lebugcili.

Dutheronomi 28:48

ngako-ke ekulambeni nasekomeni, ekudzikiteni nasebuphuyeni benu niyawukhonta titsa tenu Simakadze latitfumele kini. Uyakunetfwesa lijoko lensimbi etintsanyeni tenu, aze anibhubhise.

1 kuThimothi 5:14

Ngifisa kutsi bafelokati labasebancane bendze, batale bantfwana, baphatse imindeni yabo, kuze sitsa singetilitfola litfuba lekunyembenya labakholwako.

kuThithusi 2:5

babe ngulabacondzile nalabacotfo; baphatse kahle emakhaya abo, balunge, batfobele emadvodza abo, kuze lingahlanjalatwa livi laNkulunkulu.

1 yaPhetro 2:12

Philani imphilo yekulunga emkhatsini wemahedeni, khona kutawutsi nome banihleba ngekutsi nenta lokubi, kodvwa batsi bangabona imisebenti yenu lemihle, badvumise Nkulunkulu ngelilanga lekubuya kwakhe.

1 yaPhetro 3:16

Loku nikwente ngebumnene nangekuhlonipha, nibe nanembeza lomsulwa, kuze kutsi kuloko labanihleba ngako bajabhiswe labo labetfuka kuhamba kwenu lokuhle kuKhristu.