1 kuThimothi 5:10 - Siswati 1996 Bible

¹⁰ Kufanele atiwe ngetento takhe letinhle, njengemuntfu lowake wondla wakhulisa bantfwana, waphatsa kahle tihambi, wageza tinyawo talabangcwele, wasita labahluphekile, futsi kufanele abe ngulabetinikele kwenta lokuhle nome ngayiphi indlela.

1 kuThimothi 5:10 Referencias Cruzadas

Genesisi 18:4

Ase nginiletsele liyakana lemanti nitewugeza tinyawo tenu, bese niphumula la emtfuntini walesihlahla.

Genesisi 19:2

watsi kuto: “Makhosi, ngiyanicela kutsi niphambuke nitewungenisa endlini yenceku yenu kulobusuku balamuhla, khona nitewugeza tinyawo tenu. Kusasa ngeluvivi seningahamba niye lapho niya khona.” Kodvwa taphendvula tatsi: “Cha, sitawuhlala lapha ngaphandle.”

Genesisi 24:32

Ngako-ke lendvodza yeta, yangena endlini. Labani wakhumula lamakamela, wawafaka esibayeni wawanika kudla, adla. Wanika lendvodza emanti ekugeza tinyawo tayo, nalamadvodza abehamba nawo ageza tinyawo tawo.

Genesisi 43:24

Lendvuna yawatsatsa lamadvodza yawangenisa endlini kaJosefa, yawanika emanti, ageza tinyawo tawo, yabe seyipha netimbongolo tawo kudla.

Tihlabelelo 119:4

Wena, Simakadze, usinike imiyalo yakho, wasiyala kutsi siyitfobele ngenhlonipho.

Isaya 1:17

nifundze kwenta lokulungile! Funani umtsetfocotfo, nikhutsate labacindzetelwe. Vikelani labo labate boyise, niyimele indzaba yemfelokati.”

Levithikusi 25:35

“ ‘Nangabe lomunye emkhatsini wenu aba mphofu ehluleke nekutondla, msiteni njengobe bewungamsita losihambi nome losisebenti sesikhashana, kuze achubeke ahlale emkhatsini wenu.

Matewu 25:17

Kanjalo futsi nalesi lesemukela emathalenta lamabili sawatalisa, atala lamanye lamabili.

Matewu 5:16

Kanjalo-ke akukhanye kukhanya kwenu embikwebantfu, kuze babone lokulungile lenikwentako, bese badvumisa uYihlo losezulwini.”

Lukha 7:38

wafike wema emvakwaJesu, ngasetinyaweni takhe akhala, taze tinyawo taJesu taba manti tinyembeti. Watesula ngetinwele takhe lomfati, watanga, watitsela ngemakha.

Lukha 7:44

Wase ugucukela kulomfati, utsi kuSimoni: “Uyambona lomfati? Seloku ngingenile lapha endlini yakho awukanginiki emanti ekugeza tinyawo tami, kodvwa yena sewugeze tinyawo tami ngetinyembeti takhe, waze watesula ngetinwele takhe.

Imisebenti yebaPhostoli 10:22

Baphendvula batsi: “Khoneliyuse, indvuna yelibutfo, usitfumile. Uyindvodza lelungile naleyesaba Nkulunkulu, futsi uhlonishwa ngiso sonkhe sive semaJuda. Watjelwa yingilosi lengcwele kutsi akumeme ute emtini wakhe, kuze atewuva emavi akho.”

Imisebenti yebaPhostoli 22:12

Kwakukhona indvodza, leyayingu-Ananiyase libito layo; yayikholwa, iwuhlonipha umtsetfo yatiswa ngiwo onkhe emaJuda labehlala eDamaseko,

Imisebenti yebaPhostoli 6:3

Ngako-ke, bazalwane, khetsani emkhatsini wenu emadvodza lasikhombisa leniwatiko kutsi aneludvumo loluhle nalagcwele Moya Longcwele nekuhlakanipha, ngawo-ke lesitakuwanika aphatse lomsebenti.

Imisebenti yebaPhostoli 9:36

EJopha kwakunemfati labelikholwa anguThabitha. Libito lakhe ngesiGriki kwakunguDokhasi, (lokusho kutsi “inyamatane”), abecitsa sonkhe sikhatsi sakhe ngekwenta lokuhle ngekusita timphuya.

Imisebenti yebaPhostoli 9:39

Ngako Phetro watilungisela wahamba nabo. Nasafikile bamtsatsa bamyisa kulendlu leyayisesitezi. Bonkhe bafelokati bamsingatsa, bakhala bamkhombisa emahembe nemajazi labentiwe nguDokhasi asengakafi.

KubaseRoma 12:13

Hlanganyelani nalabangcwele ekwesweleni kwabo, nikhutsale ekungeniseni tihambi.

Kubase-Efesu 2:10

Ngobe tsine singumsebenti waNkulunkulu. Sidalwe ngaJesu Khristu kutsi sente imisebenti lemihle, Nkulunkulu layilungisa kucala.

KubaseKholose 1:10

Sinicelela nekutsi niphile imphilo lefanele naletsandzekako eNkhosini, nitsele titselo emsebentini wonkhe lolungile, futsi nikhule nasekumatini Nkulunkulu.

1 kuThimothi 2:10

kodvwa bahlobe ngetento letinhle letifanele labasikati labatsi besaba Nkulunkulu.

1 kuThimothi 3:2

Umbonisi kufanele kube yindvodza lengasoleki, lenemfati munye, letibambako, lezitsile, lehloniphekile, lephatsa kahle tihambi, lenemasu ekufundzisa,

1 kuThimothi 3:7

Ngetulu kwaloko kufanele abe nebufakazi lobuhle kubangephandle, funa awele ehlazweni naselugibeni lwaSathane.

1 kuThimothi 5:16

Nangabe kukhona umfati lokholwako lonebafelokati labatihlobo, akabasite; lingetfweswa umtfwalo libandla, khona litekusita labo lababafelokati labeswele ngempela.

1 kuThimothi 5:25

Kanjalo tento letinhle tisebaleni, naleto letingakabonakali tingeke tihlale tifihlakele.

1 kuThimothi 6:18

Ubatjele kutsi bente lokuhle, bacebe emisebentini lemihle, babelane, bephane.

2 kuThimothi 1:5

Ngikhunjutwa kukholwa kwakho lokute kutentisa. Ngiko kona loko kukholwa lokwacala kutfolakala kugogo wakho Lowisi nakunyoko Yunisi, ngineliciniso kutsi nakuwe kukhona.

2 kuThimothi 2:21

Nangabe umuntfu atihlanta yena angabi sitja sekusetjentiswa nje nome kunini, uyabe sewuba sitja lesihloniphekile lesingcweliswe sadzimate safanela umniyo wendlu, size silungele nome ngumuphi umsebenti lomuhle.

2 kuThimothi 3:15

nekutsi kusukela ebuntfwaneni bakho wayati imiBhalo lengcwele lenemandla ekuhlakaniphisa kube kusindziswa ngekukholwa nguKhristu Jesu.

2 kuThimothi 3:17

kuze umuntfu waNkulunkulu atewuhlonyiswa alungele kwenta wonkhe umsebenti lomuhle lamiselwe wona.

kuThithusi 2:14

Yena watinikela ngenca yetfu, kuze atesihlenga ebubini bonkhe atingcwelisele sive lesisakhe, lesinenshisekelo kutsi sente imisebenti lemihle.

kuThithusi 2:7

Wena-ke ube sibonelo lesihle ngato tonkhe tindlela. Ufundzise ngebucotfo nangekutimisela,

kuThithusi 3:1

Bakhumbute kutsi batfobele babusi netiphatsimandla tabo, balalele, balungele kwenta yonkhe imisebenti lemihle.

kuThithusi 3:14

Bantfu bakitsi bakhutsalele kwenta imisebenti lemihle, kuze batewusita lapho kwesweleke lusito khona, bangabi ngulabangatseli titselo.

kuThithusi 3:8

Lelivi licinisile. Ngifisa kutsi ukugcizelele loku, kuze labo labakholwe kuNkulunkulu bakhutsalele kwenta imisebenti lemihle. Loku kuhle, futsi kunelusito kubantfu.

KumaHebheru 10:24

Ngako-ke asinakane, sisitane ngekukhutsatana elutsandvweni nasemisebentini lemihle.

KumaHebheru 13:2

Ningakhohlwa kungenisa tihambi emakhaya enu, ngobe labanye ngekwenta njalo bangenisa tingilosi bangaketeleli.

KumaHebheru 13:21

anganiphelelisa kuko konkhe lokuhle, kuze nente intsandvo yakhe, asebente kini ente ngaJesu Khristu loko lokujabulisako emehlweni akhe. Ludvumo alube kuKhristu phakadze naphakadze. Amen.

1 yaPhetro 2:12

Philani imphilo yekulunga emkhatsini wemahedeni, khona kutawutsi nome banihleba ngekutsi nenta lokubi, kodvwa batsi bangabona imisebenti yenu lemihle, badvumise Nkulunkulu ngelilanga lekubuya kwakhe.

1 yaPhetro 4:9

Nibongenisana kahle emakhaya, ningemani.

3 yaJohane 1:12

Demetriyusi unconywa ngibo bonkhe bantfu, ngisho neliciniso imbala liyamncoma; natsi siyamfakazela, futsi nawe uyati kutsi bufakazi betfu buliciniso.