1 kuThimothi 5:1 - Siswati 1996 Bible

¹ Ungayikhahli indvodza lendzala, kodvwa uyiyale kube shangatsi uyala uyihlo; labadvuna labasebancane ubaphatse shangatsi uphetse bomnakenu.

1 kuThimothi 5:1 Referencias Cruzadas

Levithikusi 19:32

“ ‘Niyawutitfoba embikwalasebakhulile, nibahloniphe, nidvumise Nkulunkulu wenu. NginguSimakadze.

Matewu 23:8

Kepha nine ningabobitwa ngumuntfu ngekutsi: ‘Mfundisi,’ ngobe nonkhe nibazalwane, munye uMfundzisi wenu.

Imisebenti yebaPhostoli 14:23

Kulelo nalelo bandla babakhetsela babonisi, ngemithandazo nangekuzila babaletsa eNkhosini labayikholwako.

Imisebenti yebaPhostoli 15:4

Kwatsi nabefika eJerusalema, bemukelwa libandla, nebaphostoli, nebabonisi, babatjela ngako konkhe Nkulunkulu lakusebente ngabo.

Imisebenti yebaPhostoli 15:6

Baphostoli nebabonisi bahlangana ndzawonye kumungunya lendzaba.

Imisebenti yebaPhostoli 20:17

AseseMilethusi Pawula watfumela umlayeto e-Efesu wacela babonisi belibandla kutsi bamhlangabete.

KubaseRoma 13:7

Bonkhe banikeni lokubafanele: umtselo kulofanelwe ngumtselo, inkhokhelo kulofanele kukhokhelwa; mesabeni lofanele kwesatjwa, nihloniphe lofanele kuhlonishwa.

KubaseGalathiya 6:1

Bazalwane, nangabe lomunye wenu asawele esonweni, nine bakaMoya, lowo mephuleni, loko nikwente ngemoya wekutfobeka; kodvwa nawe uticaphele, ngobe ungahle ulingeke.

Dutheronomi 33:9

Wakhuluma ngeyise nenina watsi: ‘Anginandzaba nabo.’ Akazange abanake bomnakabo, wabatsalalisela bantfwabakhe. Kodvwa walilindza livi lakho, wasilondvolota nesivumelwane sakho.

1 kuThimothi 5:17

Babonisi belibandla labaphetse kahle bafanele kubongwa ngalokuphindziwe, ikakhulu labo labasebenta ngekushumayela nangekufundzisa.

1 kuThimothi 5:2

Labasikati labadzala ubaphatse shangatsi uphetse bonyoko, nalabasikati labasebancane ubaphatse shangatsi uphetse bodzadzewenu, ube msulwa kubo bonkhe.

kuThithusi 2:2

Uyale emadvodza lamadzala kutsi atitsibe, azitse, acondze, acine ekukholweni, naselutsandvweni, nasekuciniseleni.

kuThithusi 2:6

Ubayale nalabadvuna labasebancane kutsi batitsibe.

YaJakobe 3:17

Kodvwa kuhlakanipha lokuchamuka ngetulu kwekucala kumsulwa, bese kuba nekuthula, nekutfobeka, nekulalela, kugcwele bubele netitselo letihle; akunalo lubandlululo nekutentisa.

YaJakobe 5:14

Ukhona yini logulako emkhatsini wenu? Akabite babonisi belibandla, bamthandazele ngekumgcobisa ngemafutsa egameni leNkhosi.

1 yaPhetro 5:1

Ngako ngiyabancenga babonisi labasemkhatsini wenu, njengobe nami ngingumbonisi kanye nabo, ngingufakazi wetinhlupheko taKhristu, nemhlanganyeli ebukhosini lobutakwembulwa, ngitsi:

2 yaJohane 1:1

Lencwadzi iphuma kuMbonisi. Iya kuMake lokhetsiwe nakubantfwabakhe, lengibatsandza ngeliciniso, kungesimi ngedvwana, kodvwa nabo bonkhe labalatiko liciniso,

3 yaJohane 1:1

Lencwadzi iphuma kuMbonisi. Iya kuGayusi lotsandzekako, lengimtsandza ngeliciniso.

Sembulo 4:4

Sihlalo sebukhosi sasitungeletwe nguletinye tihlalo tebukhosi letatingema-24, lekwakuhleti kuto emalunga langema-24. Lamalunga abembetse tingubo letimhlophe, afake nemichele yegolide etinhloko tawo.