1 kuThimothi 4:16 - Siswati 1996 Bible

¹⁶ Uticaphele wena nekufundzisa kwakho, ungesuki kuko; ngobe ngekwenta njalo utawube utisindzisa wena kanye nalabakuvako.

1 kuThimothi 4:16 Referencias Cruzadas

1 Tikhronike 28:10

Cabangisisa-ke manje, ngobe Simakadze ukhetse wena kutsi umakhele lithempeli libe yindzawo lengcwele. Cina, uwente lowo msebenti.”

2 Tikhronike 19:6

wabayala watsi: “Lenikwentako nibokucabangisisa, ngobe lomsebenti wekwehlulela leniwentako aniwenteli umuntfu kodvwa nentela Simakadze, lonani ngaso sonkhe sikhatsi nanikhipha sigwebo.

Eksodusi 23:13

“Kulalele konkhe loku lengikushito kuwe. Ungawadvumisi emabito alabanye bonkulunkulu, ungawaphatsi ngisho nangemlomo wakho.”

Isaya 55:11

linjalo-ke nelivi lami leliphuma emlonyeni wami: Lingeke libuye kimi yabayaba, kodvwa liyawukwenta loko lengikuhlosile, liwufeze umgomo walo lengilikhiphele wona.

Jeremiya 23:22

Kodvwa kube bebeme ebandleni lami, ngabe bamemetele emavi ami kubantfu bami, futsi ngabe babancandzile etindleleni tabo letimbi kanye nasetentweni tabo letikhohlakele.”

Makho 13:9

“Ticapheleni nine, ngobe bayawunimangalela etinkantolo, niyawushaywa emasinagogeni, nimiswe embikwebabusi nemakhosi ngenca yami, nize nibeke bufakazi ngami kubo.

Lukha 21:34

“Ticaphelisiseni! Ningatifaki kakhulu emadzilini nasekunatseni lokudzakanako, nasekunakeni tintfo talomhlaba, funa lelo langa linitume;

Imisebenti yebaPhostoli 26:22

Kodvwa kuze kube ngulamuhla Nkulunkulu usangisitile. Ngako-ke namanje lo ngime la ngifakaza kubo bonkhe bantfu, labancane nalabakhulu, hhayi lokunye, kodvwa kona loko lokwashiwo baphrofethi naMosi kutsi kuyakwenteka,

Imisebenti yebaPhostoli 6:4

Tsine-ke, sitakutinika sikhatsi lesenele emthandazweni nasemsebentini wekushumayela livi.”

KubaseRoma 11:14

Mhlawumbe ngingabavusela sikhwele bantfu besive sakitsi, ngize ngisindzise labanye babo.

KubaseRoma 16:17

Ngiyanincenga, bazalwane bami, kutsi nicaphele labo lababanga kwehlukana netikhubekiso, baphambane nemfundziso lenayemukela; labo bagegeni.

KubaseRoma 2:7

Labanye bantfu bachubeka benta lokuhle, bafuna tibusiso, neludvumo nekuphila lokungabhubhi; labo-ke Nkulunkulu uyawubanika kuphila lokuphakadze.

1 kubaseKorinthe 1:21

Ngobe phela ekuhlakanipheni kwaNkulunkulu live alizange limati Nkulunkulu ngekuhlakanipha kwalo. Kwaba kuhle kuye kusindzisa labakholwako ngenshumayelo lebulima.

1 kubaseKorinthe 9:22

Kulababutsakatsaka nami ngaba butsakatsaka, kuze ngizuze lababutsakatsaka. Ngako-ke sengaba ngiko konkhe kubo bonkhe, kuze ngako konkhe ngisindzise labanye.

1 kubaseKorinthe 9:27

Kodvwa umtimba wami ngiyawucindzetela ngiwugandzaye, ngiwente sigcili, kuze mine lengishumayela labanye ngingalahlwa.

Kubase-Efesu 4:14

Ngako-ke ngeke sisaba bantfwana, sigujuteliswe ngemagagasi, sipheshulwe ngimimoya yonkhe yetimfundziso tekukhohlisa kwebantfu labanebucili bekudukisa.

KubaseKholose 4:17

Nitjele Akhipho nitsi: “Caphela kufeza lowo msebenti lowawemukela eNkhosini.”

1 kubaseThesalonika 2:16

Adzimate asivimbela nekutsi sishumayele insindziso kubetive. Ngaloko-ke imihla nemalanga atengetela tono. Kodvwa ekugcineni lulaka lwaNkulunkulu seluze lwabehlela.

1 kuThimothi 1:3

Njengobe ngakuyala, ngesikhatsi ngiya eMasedoniya, ngicela uhlale lapho e-Efesu, kukhona bantfu labanetimfundziso temanga lapho kuleyo ndzawo. Bancandze ubatjele bakuyekele loko.

1 kuThimothi 4:15

Khutsala kakhulu kuloko, khona batewubona kuchubekela kwakho embili.

1 kuThimothi 4:6

Utawuba sisebenti saKhristu lesincomekako nawungayendlulisela kubazalwane lemiyalo. Nawe utakondleka emoyeni ngemavi ekukholwa nangemfundziso yeliciniso, lobambelele kuyo.

2 kuThimothi 2:10

Ngako-ke ngicinisela kuko konkhe ngenca yalabakhetsiwe, kuze kutsi nabo batekwemukela insindziso lekuKhristu Jesu baphiwe nebukhosi baphakadze.

2 kuThimothi 3:14

Kodvwa wena chubeka kuloko lokufundzile wakukholwa, wati kutsi ukufundze kubobani,

2 kuThimothi 4:2

Shumayela livi, ulimele nome tikhatsi tivuma nome tingavumi; sola, ucwayise, uyale ngako konkhe kubeketela nekufundzisa.

kuThithusi 1:9

Kufanele abe ngulobambelele evini leletsembekile njengobe lalifundzisiwe, khona atekwati kuyala ngekwemfundziso lephilile nekubehlula labo labamphikisako.

kuThithusi 2:15

Khuluma letintfo ngekuyala nekwekhuta ngawo onkhe emandla. Akubete lokubukela phansi.

kuThithusi 2:7

Wena-ke ube sibonelo lesihle ngato tonkhe tindlela. Ufundzise ngebucotfo nangekutimisela,

kuFilemoni 1:19

Nalu-ke luphawu lwekutsi mine Pawula ngiyakumkhokhela; akudzingeki nekutsi ngibe ngikukhumbuta kutsi kwawena nje ngekwakho ungewami, nginesabelo kuwe.

KumaHebheru 12:15

Nicaphelisise kutsi kubete lophunyulako emseni waNkulunkulu; kubete “imphandze lenashevu” lemila ibange luhlupho, ibulale labanyenti.

KumaHebheru 13:9

Ningedukiswa timfundziso letingatiwa letitinhlobonhlobo. Kuhle kutsi tinhlitiyo tetfu ticiniswe ngemusa, hhayi ngekugcina imitsetfo yekudla, ngobe labo labayigcinako ayibasiti ngalutfo.

YaJakobe 5:20

yatini kutsi lowo lobuyise soni ekwedukeni kwaso, uyawusindzisa umphefumulo waso ekufeni, asibekele tono letinyenti.