1 kuThimothi 4:10 - Siswati 1996 Bible

¹⁰ Kuze kube manje siyasebenta sishikaneke, ngobe sibeke litsemba letfu kuNkulunkulu lophilako, longuMsindzisi wabo bonkhe bantfu, ikakhulu walabo labakholwako.

1 kuThimothi 4:10 Referencias Cruzadas

Tihlabelelo 107:2

Labahlengwe nguSimakadze abasho njalo, bona labo labahlengwe emandleni ebacindzeteli babo.

Tihlabelelo 118:8

Kuncono kuphephela kuSimakadze kunekwetsembela kumuntfu.

Tihlabelelo 36:6

Kulunga kwakho kunjengetintsaba letinkhulu, tincumo takho tijule njengelwandle. Simakadze, ulondvolota bantfu netilwane.

Tihlabelelo 37:40

Simakadze uyabasita abakhulule, ubephula abasindzise kulababi, ngobe babalekela kuye, abe siphephelo sabo.

Tihlabelelo 52:8

Kodvwa-ke mine ngifana nesihlahla lesiluhlata, nemncumo losendlini yaNkulunkulu. Umusa waNkulunkulu lomile ngetsembele kuwo phakadze naphakadze.

Tihlabelelo 84:12

Yebo, Simakadze wemabandla! Ubusisiwe umuntfu lowetsembele kuwe!

Isaya 12:2

Impela, Nkulunkulu uyinsindziso yami; ngiyakumetsemba ngingesabi, Simakadze, Simakadze ungemandla ami nengoma yami; nguye loyinsindziso yami.”

Isaya 50:10

Ngubani emkhatsini wenu lowesaba Simakadze nalolalela livi lenceku yakhe? Lowo lohamba ebumnyameni, longenako kukhanya, aketsembele kulo Libito laSimakadze, asime kuNkulunkulu wakhe.

Jeremiya 17:7

“Kodvwa ubusisiwe umuntfu lowetsembela kuSimakadze, lotsemba lakhe linguSimakadze.

Danyela 3:28

Nebukhadnezari-ke wakhuluma watsi: “Akadvunyiswe Nkulunkulu waboShadraki, naMeshaki, na-Abednego lotfume ingilosi yakhe kutsi itewulamlela tinceku takhe! Babemetsembile bangete bawutsatsa umyalo wenkhosi, batimisela kulahlekelwa nakuphila kwabo kunekutsi bakhonte nome bakhotsamele lomunye nkulunkulu ngaphandle kwaNkulunkulu wabo.

Nahume 1:7

Simakadze ulungile, usiphephelo ngetikhatsi tekuhlupheka. Uyabanakekela labo labakhosela kuye.

Matewu 16:16

Simoni Phetro waphendvula watsi: “UnguKhristu, iNdvodzana yaNkulunkulu lophilako.”

Matewu 27:43

Wetsembele kuNkulunkulu. Akamehlise phela loNkulunkulu wakhe namtsandza! Ngobe watsi: ‘NgiyiNdvodzana yaNkulunkulu.’ ”

Johane 1:29

Ngakusasa Johane wabona Jesu eta kuye watsi: “Nalo liWundlu laNkulunkulu lelisusa sono selive!

Johane 4:42

Base batsi kulomfati: “Manje asisakholwa ngobe kushito wena, kodvwa ngobe natsi nje, matfupha, sesitivele futsi sesitibonele kutsi nguye ngempela uMsindzisi welive.”

Johane 5:24

“Ngicinisile, ngicinisile, ngitsi kini: Lowo lova livi lami akholwe ngulongitfumile, unekuphila lokuphakadze. Akayi ekwehlulelweni, kodvwa sewuphumile ekufeni, wangena ekuphileni.

1 kubaseKorinthe 15:10

Kepha ngemusa waNkulunkulu nginguloku lengingiko, nemusa wakhe kimi awuzange ube lite, kodvwa ngasebenta kakhulu kunabo bonkhe, noko kungesimi, kodvwa kungumusa waNkulunkulu lonami.

2 kubaseKorinthe 1:10

Nkulunkulu wasikhulula kuleyo ngoti yekufa. Nanyalo usetawusikhulula futsi. Litsemba letfu silibeke kuye kwekutsi uyawusikhulula nangemuso,

1 kuThimothi 2:3

Loku kuhle, kuyemukeleka kuNkulunkulu uMsindzisi wetfu,

1 kuThimothi 2:4

lofisa kutsi bonkhe bantfu basindziswe bafinyelele ekulatini liciniso.

1 kuThimothi 2:6

lowatinikela kutsi abe yinhlawulo yabo bonkhe, loko kwaba bufakazi ngesikhatsi lesifanele.

1 kuThimothi 3:15

Kodvwa nakwenteka ngephuta, umelwe kwati kutsi umuntfu kufanele atiphatse kanjani endlini yaNkulunkulu, lekulibandla laNkulunkulu lophilako, leliyinsika nesisekelo seliciniso.

1 kuThimothi 6:17

Yala labacebile kulelive lamanje kutsi bangatikhukhumeti, bangabeki nematsemba abo kulomcebo lophelako, kodvwa bawabeke kuNkulunkulu losipha konkhe ngalokuphelele, kuze sitfokote ngako.

KumaHebheru 11:26

Wabona kutsi kwetfukwa ngenca yaKhristu kwakungumcebo loncono kunemcebo waseGibhithe, ngobe phela abebheke umvuzo.

KumaHebheru 13:13

Ngako-ke asiphumele kuye ngephandle kwenkambu setfwalisane naye lihlazo lakhe;

1 yaPhetro 1:21

Ngaye loKhristu nakholwa kuNkulunkulu, lowamvusa kulabafile, wamnika bukhosi, kuze kutsi nibheke kuNkulunkulu ngelitsemba nangekukholwa.

1 yaJohane 2:2

nguye loyinhlawulo yetono tetfu, hhayi tetfu sodvwa, kodvwa netemhlaba wonkhe.

1 yaJohane 4:14

Tsine sitibonele, sifakaza kutsi uYise utfumele iNdvodzana yakhe kutsi itewuba nguMsindzisi welive.