1 kuThimothi 3:15 - Siswati 1996 Bible

¹⁵ Kodvwa nakwenteka ngephuta, umelwe kwati kutsi umuntfu kufanele atiphatse kanjani endlini yaNkulunkulu, lekulibandla laNkulunkulu lophilako, leliyinsika nesisekelo seliciniso.

1 kuThimothi 3:15 Referencias Cruzadas

1 Emakhosi 2:2

wakhuluma kuye watsi: “Sengitakufa njengebantfu bonkhe. Ngako cina, utibonakalise uyindvodza,

1 Emakhosi 2:4

kuze naSimakadze asigcine setsembiso sakhe lasenta kimi nakatsi: ‘Nangabe titukulwane takho ticaphelisisa kutsi tiphila njani, nangabe futsi tihamba ngekwetsembeka embikwami ngayo yonkhe inhlitiyo nangawo wonkhe umphefumulo wato, ungeke umeswele umuntfu loyawuhlala esihlalweni sebukhosi saka-Israyeli.’

2 Emakhosi 19:4

Kungenteka kube Simakadze Nkulunkulu wakho utaweva onkhe emavi endvuna lenkhulu yemphi, letfunywe ngumphatsi wayo, inkhosi yase-Asiriya, kutsi itewuhlazisa Nkulunkulu lophilako, nekutsi yena utayitsetsisela emavi Simakadze Nkulunkulu wakho lawevile. Ngako-ke thandazela lensali lesolomane isasele.’ ”

1 Tikhronike 22:13

Ngaloko-ke uyawuphumelela, nawuticaphela wena unakekele tonkhe timiso nemitsetfo yaSimakadze layinike Mosi ngenca yema-Israyeli. Cina ube nesibindzi. Ungesabi, ungaphelelwa ngemandla.

Tihlabelelo 42:2

Umphefumulo wami womele Nkulunkulu, yena lowo Nkulunkulu lophilako. Ngiyawufika nini ngibonakale embikwaNkulunkulu?

Tihlabelelo 84:2

Umphefumulo wami ulangatelela emagceke akho, inhlitiyo yami nemtimba wami kuhlabela kumemete ngekujabula lokukhulu kuNkulunkulu lophilako.

Jeremiya 1:18

Lamuhla ngikwente waba lidolobha leliyinqaba, waba yinsika yensimbi nelubondza lwelitfusi kutsi utewumelana nalo lonkhe live; umelane nemakhosi akaJuda, netiphatsimandla takhona, nebaphristi bakhona kanye nesive sonkhe sakulelo live.

Jeremiya 10:10

Kodvwa Simakadze nguyena Nkulunkulu sibili, unguNkulunkulu lophilako, iNkhosi yaphakadze. Nakatfukutsele yena, kutfutfumela umhlaba, tive atikhoni kumelana nelulaka lwakhe.

Jeremiya 23:36

Kodvwa ningacali nisisho ‘siphrofetho saSimakadze’ futsi, ngobe emavi alowo nalowo muntfu aba sembulo sakhe, ngaloko nibese niyawaguculela emavi aNkulunkulu lophilako, Simakadze Somandla, Nkulunkulu wetfu.

Danyela 6:26

“Ngikhipha umtsetfosimemetelo kutsi kuyo yonkhe indzawo lelapha embusweni wami bantfu kufanele bamesabe babuye bamhloniphe Nkulunkulu waDanyela. “Ngobe unguNkulunkulu lophilako, futsi uyawuhlala akhona phakadze naphakadze; umbuso wakhe ungeke ubhujiswe, yebo, umbuso wakhe ungeke uphele.

Hoseya 1:10

“Noko ema-Israyeli ayawuba manyenti ngangesihlabatsi saselugwini lwelwandle, lesingeke sikalwe nome sibalwe. Endzaweni lapho kwakukhulunywa khona kubo kwatsiwa: ‘Nine anisiso sive sami,’ bayawubitwa ngekutsi: ‘Ngemadvodzana aNkulunkulu lophilako.’

Matewu 16:16

Simoni Phetro waphendvula watsi: “UnguKhristu, iNdvodzana yaNkulunkulu lophilako.”

Matewu 18:18

“Ngicinisile, ngitsi kini: Konkhe leniyakubopha lapha emhlabeni kuyawube kuboshiwe nasezulwini; nako konkhe leniyakukhulula lapha emhlabeni kuyawube kukhululiwe nasezulwini.

Johane 1:17

Umtsetfo waniketwa ngaMosi; umusa neliciniso kwavela ngaJesu Khristu.

Johane 14:6

Jesu watsi kuye: “Mine ngiyindlela, neliciniso, nekuphila. Kute longeta kuBabe nakangeti ngami.

Johane 18:37

Ngako Philatu watsi: “Ngempela ungiyo yini inkhosi?” Jesu waphendvula watsi: “Uyasho wena kutsi ngiyiNkhosi. Mine ngatalelwa kona loko, futsi ngetela kona loko kulomhlaba kuze ngifakazele liciniso. Lowo loweliciniso uyaliva livi lami.”

Johane 6:69

Nyalo sesiyati, futsi siyakholwa, kutsi wena unguLongcwele waNkulunkulu.”

Imisebenti yebaPhostoli 1:2

kwaze kwaba lilanga latsatfwa ngalo mhlazana aya ezulwini. Angakenyukeli ezulwini wanika imiyalo ngemandla aMoya Longcwele kubaphostoli labebakhetsile.

Imisebenti yebaPhostoli 14:15

“Madvodza, nikwentelani loku? Natsi sibantfu nje, labafanana nani! Site lapha kuniletsela liVangeli, kuze nigucuke nisuke kuletintfo letingenamsebenti niye kuNkulunkulu lophilako, lowenta lizulu, nemhlaba, nelwandle, nako konkhe lokukuko.

KubaseRoma 3:2

Vele kusita ngalokuphelele. Kwekucala Nkulunkulu emavi akhe wawaphatsisa emaJuda.

KubaseRoma 9:26

Nakuleyo ndzawo, lapho batjelwa khona kutsi: ‘Anisibo bantfu bami,’ bayawubitwa ngekutsi: ‘Ngemadvodzana aNkulunkulu lophilako.’ ”

1 kubaseKorinthe 10:32

Ningabi sikhubekiso kumaJuda nakumaGriki, nakulo libandla laNkulunkulu,

1 kubaseKorinthe 3:16

Anati yini kutsi nine nilithempeli laNkulunkulu nekutsi Moya waNkulunkulu uhlala ekhatsi kini?

2 kubaseKorinthe 3:3

Kuyakhanya kutsi niyincwadzi yaKhristu leletfwe ngitsi, lengakabhalwa ngenki, kepha ngaMoya Longcwele, waNkulunkulu lophilako, hhayi etibhelekeceni tematje kepha etinhlitiyweni tebantfu.

2 kubaseKorinthe 6:16

Nhlanganyelo yini lesemkhatsini welithempeli laNkulunkulu netithico? Ngobe tsine silithempeli laNkulunkulu lophilako; njengobe Nkulunkulu watsi: “Ngiyawuhlala kubo, ngihambe emkhatsini wabo; ngiyawuba nguNkulunkulu wabo, bona bayawuba sive sami.”

2 kubaseKorinthe 6:7

nangelivi leliciniso, nangemandla aNkulunkulu. Kuko konkhe loku tikhali tetfu tikulunga lesikuphetse ngesandla sangesekudla nangesandla sangesancele.

KubaseGalathiya 2:9

Batsi kube boJakobe, naPhetro, naJohane, labebatiwa ngekutsi batinsika, babone umusa lengiwuphiwe banika tsine naBhanabasi sandla sekudla sebudlelwane kutsi siye kubetive, bona baye kumaJuda.

KubaseGalathiya 3:1

Hhawu, maGalathiya lalibele! Seniyengwe ngubani? Akusini yini lenakhonjiswa emehlweni enu kutsi Jesu Khristu wabetselwa?

Kubase-Efesu 4:21

nangabe-ke nimvile nafundziswa futsi kuye, njengobe liciniso likuJesu.

Dutheronomi 31:23

Simakadze wanika lowo myalo kuJoshuwa, umsa waNuni, watsi: “Cina ube nesibindzi, ngobe nguwe lotawungenisa ema-Israyeli eveni lengabetsembisa lona ngesifungo, mine matfupha ngiyawuba nawe.”

Dutheronomi 5:26

Kwase kwenteka yini kutsi umuntfu lobhubhako eve liphimbo laNkulunkulu lophilako likhuluma emlilweni, njengatsi, abuye aphile?

KubaseKholose 1:5

Sibonga litsemba lenibekelwe lona ekhaya ezulwini, leneva ngalo kucala ngesikhatsi kushunyayelwa kini livi leliciniso, liVangeli.

1 kubaseThesalonika 1:9

Ngobe bona ngekwabo babika ngatsi kutsi nasemukela kahle kangakanani, nekutsi naphendvukela kanjani kuNkulunkulu, nashiya tithico tenu, kuze nikhonte Nkulunkulu lophilako nalonguye sibili.

1 kuThimothi 3:14

Nome ngikubhalela ngaletintfo nje, ngiyetsemba kutsi ngitawufika lapho kuwe masinyane.

1 kuThimothi 3:16

Siyavuma kutsi yinkhulu kakhulu imfihlakalo yenkholo yetfu yekutsi: Wabonakaliswa angumuntfu, wafakazelwa nguMoya, wabonwa tingilosi, washunyayelwa kubetive, wakholeka emhlabeni, wenyukela enkhatimulweni.

1 kuThimothi 3:2

Umbonisi kufanele kube yindvodza lengasoleki, lenemfati munye, letibambako, lezitsile, lehloniphekile, lephatsa kahle tihambi, lenemasu ekufundzisa,

1 kuThimothi 3:5

Kodvwa nangabe indvodza yehluleka kuphatsa umuti wayo, pho, ingaliphatsa kanjani libandla laNkulunkulu?

1 kuThimothi 4:10

Kuze kube manje siyasebenta sishikaneke, ngobe sibeke litsemba letfu kuNkulunkulu lophilako, longuMsindzisi wabo bonkhe bantfu, ikakhulu walabo labakholwako.

1 kuThimothi 6:16

Nguye yedvwa longabhubhi lohlala ekukhanyeni lekungasondzeleki kuko, longazange asabonwe ngumuntfu, nalongeke abonwe ngumuntfu. Kuye akube ludvumo nemandla aphakadze. Amen.

2 kuThimothi 2:19

Kodvwa sisekelo lesimiswe nguNkulunkulu solomane simile, sineluphawu lolutsi: “INkhosi iyabati lababayo,” nekutsi: “Wonkhe umuntfu lotibita ngelibito leNkhosi akakhweshe kulokubi.”

2 kuThimothi 2:20

Endlini lenkhulu akuhlali titja tegolide netesiliva kuphela, kodvwa kukhona netelugodvo, netelibumba. Letinye tihloniphekile, letinye tekusetjentiswa nje nome kunini.

KumaHebheru 10:21

Ngetulu kwaloko-ke tsine sesinemPhristi Lomkhulu lowengamele indlu yaNkulunkulu.

KumaHebheru 12:22

Kodvwa, esikhundleni saloko, nite entsabeni, Siyoni, ekhaya laNkulunkulu lophilako, eJerusalema yasezulwini, esibhimbini setingilosi letingenawubalwa,

KumaHebheru 3:12

Caphelani-ke, bazalwane, kutsi kubete emkhatsini wenu lonenhlitiyo lembi nalengakholwa, longahle ahlubuke loNkulunkulu lophilako.

KumaHebheru 9:14

inganihlambulula kakhulu kangakanani-ke ingati yaKhristu! Watinikela yena kuNkulunkulu ngaMoya waphakadze, watinikela ate sici. Ingati yakhe iyawuhlambulula nembeza wenu emisebentini lefile, kuze nikhonte Nkulunkulu lophilako.

Joshuwa 3:10

Joshuwa wachubeka watsi: “Nitakwati kanjena-ke kutsi Nkulunkulu lophilako usemkhatsini wenu nekutsi nakanjani utawucosha tive letinyenti embikwenu: emaKhenani, nemaHethi, nemaHivi, nemaPheresi, nemaGirigashi, nema-Amori kanye nemaJebhusi.

1 yaPhetro 2:5

Nani-ke wotani kuyo, nibe ngematje laphilile, nakhiwe nibe yindlu yaMoya, khona-ke niyawuba baphristi labangcwele bekunikela imihlatjelo yaMoya, leyemukelekako kuNkulunkulu ngaJesu Khristu.

1 yaPhetro 4:17

Ngobe sesifikile sikhatsi sekwehlulela kutsi kucale kubendlu yaNkulunkulu; kepha nakucala kitsi, pho, siyawuba njani siphetfo salabo labangalaleli liVangeli laNkulunkulu?

Sembulo 7:2

Ngase ngibona lenye ingilosi yenyuka iphuma emphumalanga, iphetse luphawu lwaNkulunkulu lophilako; yamemeta ngelivi lelikhulu, imemeta letingilosi letine letatinikwe emandla ekulimata umhlaba nelwandle,

1 Samuweli 17:26

Davide wabuta lamadvodza labeme eceleni kwakhe, watsi: “Utakwentelwani umuntfu lotawubulala lomFilisti esuse lihlazo ka-Israyeli? Ungubani yena lomFilisti longakasoki nekusoka kutsi angabita insayeya emabutfo aNkulunkulu lophilako?”

1 Samuweli 17:36

Inceku yakho yabulala libhubesi nelibhele; nalomFilisti longakasoki utawufanana nato letilwane, ngobe uwabite insayeya emabutfo aNkulunkulu lophilako.