1 kuThimothi 2:2 - Siswati 1996 Bible

² Khulekelani emakhosi nabo bonkhe labasetikhundleni letiphakeme, khona sitewuphila imphilo yekuthula, ngekwesaba Nkulunkulu nangako konkhe kuhlonipheka.

1 kuThimothi 2:2 Referencias Cruzadas

2 Samuweli 20:19

Tsine sibantfu bekuthula nalabetsembekile ka-Israyeli. Wena wetama kubhubhisa lidolobha lelingunina wema-Israyeli. Ufunelani kumita lifa laSimakadze?”

Ezra 6:10

khona batewunikela imihlatjelo lejabulisako kuNkulunkulu wasezulwini, kuthandazelwe inkhosi nemadvodzana ayo kutsi konkhe kubahambele kahle.

Nehemiya 1:11

Awu, Simakadze, indlebe yakho ayiwuve umthandazo wenceku yakho, iwuve nalomthandazo wetinceku takho letijabulela kuhlonipha Libito lakho. Nika inceku yakho imphumelelo lamuhla ngekuyipha kubonelelwa nekuvelwa ngulombusi.” Ngaleso sikhatsi ngangingumphatsi wesitja senkhosi.

Tihlabelelo 72:1

Awu, Nkulunkulu! Nika inkhosi likhono lakho lekwehlulela nekubusa ngebucotfo unike lomntfwanenkhosi kulunga kwakho.

Taga 24:21

Ndvodzana yami, ubohlonipha Simakadze nenkhosi yeluhlanga. Ungahambisani nalabamelene naSimakadze nenkhosi,

Jeremiya 29:7

Funani futsi kuthula nekuphumelela kulelo dolobha lenganitfumbela kulo kutsi niyewudzingiswa. Likhulekeleni kuSimakadze, ngobe naliphumelela, nani niyawuphumelela.’

Lukha 1:6

Bobabili babephila imphilo lengcwele kuNkulunkulu, babeyigcina yonkhe imiyalo nemitsetfo yeNkhosi.

Lukha 2:25

Ngaleso sikhatsi bekukhona indvodza leyayilungile yesaba Nkulunkulu, ihlala eJerusalema, libito layo kunguSimeyoni. Abelindzele indvudvuto ngensindziso yesive sema-Israyeli, Moya Longcwele abesetikwakhe.

Imisebenti yebaPhostoli 10:22

Baphendvula batsi: “Khoneliyuse, indvuna yelibutfo, usitfumile. Uyindvodza lelungile naleyesaba Nkulunkulu, futsi uhlonishwa ngiso sonkhe sive semaJuda. Watjelwa yingilosi lengcwele kutsi akumeme ute emtini wakhe, kuze atewuva emavi akho.”

Imisebenti yebaPhostoli 24:16

Ngako-ke nami ngetama ngemandla ami onkhe ngetikhatsi tonkhe, kuze kutsi ngihlale nginanembeza longenacala kuNkulunkulu nakubantfu.

KubaseRoma 12:18

Nakunekwenteka, yentani konkhe lokusemandleni enu kutsi nihlalisane ngekuthula nebantfu bonkhe.

KubaseFiliphi 4:8

Lekugcina, bazalwane, gcwalisani tinhlitiyo tenu ngako konkhe lokuliciniso, nangako konkhe lokuhloniphekako, nangako konkhe lokulungile, nangako konkhe lokumhlophe, nangako konkhe lokutsandzekako, nangako konkhe lokutusekako. Nome ngabe kukhona lokuhle, nome ngabe kukhona lokubongekako, cabangani ngaloko.

1 kubaseThesalonika 4:11

Timiseleni kuphila ngekuthula, nicaphele lokucondzene nani, nitisebentele nine ngetandla tenu, njengobe sanitjela.

KumaHebheru 12:14

Yetamani kuba nekuthula nabo bonkhe bantfu, nifune kungcweliswa, ngobe kute loyawuyibona iNkhosi angakangcweliswa.