1 kuThimothi 1:19 - Siswati 1996 Bible

¹⁹ ngekubambelela ekukholweni uhlale unanembeza lomsulwa. Labanye batsi ngekungalaleli lonembeza wabo bephukelwa ngumkhumbi wabo wekukholwa.

1 kuThimothi 1:19 Referencias Cruzadas

Matewu 6:27

Kukhona yini emkhatsini wenu longatengetela umzuzwana ebudzeni bemphilo yakhe ngekutihlupha kwakhe?

1 kubaseKorinthe 11:19

Ngobe vele kubhekekile kutsi kube khona kwehlukana emkhatsini wenu, kuze kutsi labetsembekile babonakale.

KubaseGalathiya 5:4

Nine lenifuna kwemukeleka kuNkulunkulu kutsi nilungile ngekwenta lokufunwa ngumtsetfo nitehlukanisile naKhristu, ningephandle kwemusa waNkulunkulu.

1 kuThimothi 1:5

Empeleni injongo yemyalo wetfu kuvusetela lutsandvo loluphuma enhlitiyweni lemhlophe, nakunembeza lomsulwa, nasekukholweni lokute kutentisa.

1 kuThimothi 3:9

Emaciniso lembulekile ekukholwa kufanele bawaphatse nganembeza lomhlophe.

1 kuThimothi 6:12

Lwani kulwa lokuhle kwekukholwa, kuze uzuze kuphila lokuphakadze lowabitelwa kuko, wavuma kuvuma lokuhle embikwabofakazi labanyenti.

1 kuThimothi 6:21

ngobe labanye batsi ngekulwemukela balahlekelwa ngumgomo wekukholwa. Umusa awube nani.

1 kuThimothi 6:9

Kodvwa labo labafisa bunjinga bawela ekulingweni, naselugibeni, nasetinkhanukweni letinyenti tebulima, naletiyingoti letigcumukisela bantfu ekufeni nasekubhujisweni.

2 kuThimothi 2:18

lese baphambukile ecinisweni batsi kuvuka kulabafile sekwendlula. Bacitsisa labanye kukholwa kwabo.

2 kuThimothi 4:4

Bayawufulatselisa tindlebe tabo ecinisweni baphambukele etinganekwaneni.

kuThithusi 1:9

Kufanele abe ngulobambelele evini leletsembekile njengobe lalifundzisiwe, khona atekwati kuyala ngekwemfundziso lephilile nekubehlula labo labamphikisako.

KumaHebheru 3:14

Ngobe sihlanganyela naKhristu kuphela, nasibambelele etsembeni letfu lakucala kuze kube ngusekupheleni.

1 yaJohane 2:19

Baphuma emkhatsini wetfu, kodvwa babevele bangesibo bakitsi, ngobe kube bebabakitsi, ngabe bachubeka kanye natsi. Noko kwakufanele kutsi kubonakale kutsi kute namunye wabo labewakitsi.

Sembulo 3:10

Njengobe uligcinile livi lami lekucinisela ngekubeketela, ngitakugcina ngesikhatsi sekulingwa lesitawufika emhlabeni wonkhe, sitewulinga bonkhe labo labahlala emhlabeni.

Sembulo 3:3

Khumbula-ke loko lokwemukele wakuva, ukugcine, uphendvuke. Nangabe awuvuki ucaphele, ngitawuta kuwe ngikutume njengelisela, ngeke usati sikhatsi lengiyawukufikela ngaso.

Sembulo 3:8

Ngiyayati imisebenti yakho. Lalela la, ngikuvulele umnyango, kute namunye longawuvala; ngiyati kutsi unemandla lamancane, kantsi livi lami uligcinile, nelibito lami awuzange uliphike.