1 kuThimothi 1:17 - Siswati 1996 Bible

¹⁷ Kuyo iNkhosi yetikhatsi, lengabhubhi, nalengabonwa ngemehlo enyama, nalekungiyo yodvwa lenguNkulunkulu, akube ludvumo nebukhosi phakadze naphakadze. Amen.

1 kuThimothi 1:17 Referencias Cruzadas

1 Tikhronike 29:11

Yebo, Simakadze bukhulu nemandla kwakho. Inkhatimulo nebukhosi kwakho, nebumengemenge bakho; ngobe konkhe lokusezulwini nalokusemhlabeni kwakho. Yebo, Simakadze, umbuso nawo wakho. Wena uphakeme wengamela konkhe.

Nehemiya 9:5

LamaLevi lekwakuboJeshuwa, naKhadmiyeli, naBani, naHashabneya, naSherebiya, naHodiya, naShebaniya kanye naPhethahiya bakhuluma batsi: “Sukumani nidvumise Simakadze Nkulunkulu wenu kusukela phakadze kuze kube nguphakadze. Alidvunyiswe Libito lakhe lelikhatimulako, Libito lelaphakanyiswa laba ngetulu kwato tonkhe tindvumiso netibongo.”

Tihlabelelo 10:16

Simakadze uyiNkhosi, phakadze naphakadze, impela emahedeni ayakunyamalala eveni lakhe.

Tihlabelelo 106:48

Akabongwe Simakadze, Nkulunkulu wema-Israyeli, kusukela phakadze kuze kube phakadze! Sive sonkhe asitsi: “Amen!” Haleluya! Dvumisani Simakadze!

Tihlabelelo 145:13

Umbuso wakho ungumbuso lome kuze kube phakadze, lombuso uyawuhlala ukhona, titukulwane ngetitukulwane. Simakadze wetsembekile kuto tonkhe tetsembiso takhe. Unemusa kuyo yonkhe imisebenti yakhe.

Tihlabelelo 41:13

Akabongwe Simakadze, Nkulunkulu wema-Israyeli, kusukela phakadze kuze kube phakadze. Amen! Yebo, Amen!

Tihlabelelo 45:1

Inhlitiyo yami itsintsekile ngalendzaba, ngigeceta nginkentete; ngibalisa ngetibongo enkhosini, lulwimi lwami lunjengelutsi lwekubhala lwalobhala ngebungcweti.

Tihlabelelo 45:6

Sihlalo sakho sebukhosi, Nkulunkulu, saphakadze naphakadze, kubusa kwakho kumsulwa, akukhetsi.

Tihlabelelo 57:11

Nkulunkulu, phakama ube ngetulu kwemazulu, inkhatimulo yakho yengamele umhlaba wonkhe.

Tihlabelelo 90:2

Ngaphambi kwekudalwa kwetintsaba, yebo, ungakawudali nemhlaba, kusukela phakadze kuze kube phakadze, wena Nkulunkulu ukhona.

Jeremiya 10:10

Kodvwa Simakadze nguyena Nkulunkulu sibili, unguNkulunkulu lophilako, iNkhosi yaphakadze. Nakatfukutsele yena, kutfutfumela umhlaba, tive atikhoni kumelana nelulaka lwakhe.

Danyela 2:44

“Ngesikhatsi salawo makhosi, Nkulunkulu welizulu uyawumisa umbuso longasoze wabhujiswa lutfo, futsi ngeke unikwe labanye bantfu. Uyawupitjita yonkhe leminye imibuso uyicedze, kodvwa wona uyawukuma kuze kube phakadze.

Danyela 4:34

“Ekugcineni kwaleso sikhatsi mine, Nebukhadnezari, ngaphakamisela emehlo ami ngabheka ngasezulwini, kukhanyelwa kwengcondvo yami kwabuyiselwa kimi. Ngabe sengidvumisa Longetulu Kwako Konkhe. Ngamhlonipha ngamdvumisa lowo lophila kuze kube phakadze. “Umbuso wakhe ungumbuso waphakadze; bukhosi bakhe buyawuhlala bumile titukulwane ngetitukulwane.

Danyela 4:37

Manje, mine Nebukhadnezari, ngibabata ngiphakamise ngekudvumisa iNkhosi yelizulu, ngobe konkhe lekwentako kulungile, nato tonkhe tindlela tayo tiphelele ngekulunga. Labo labahamba ngekutigcabha, uyakwati kubatfobisa.”

Danyela 7:14

Wanikwa emandla ekubusa, nenkhatimulo, nebukhosi. Bonkhe bantfu, netive, nebantfu bato tonkhe tilwimi bakhotsama kuye bamkhonta. Kubusa kwakhe kukubusa kwaphakadze naphakadze lokungasoze kwaphela, nembuso wakhe ngulowo longasoze wacitfwa.”

Mikha 5:2

Simakadze utsi: “Betlehema Efratha, nome ungulomunye wemiti lemincane yakaJuda, kodvwa ngiyawuveta kuwe umbusi loyawubusa sive saka-Israyeli. Lusendvo lwakhe luyawusukela kulolo lwaluvele lukhona kwasekucaleni.”

Malakhi 1:14

“Ucalekisiwe umuntfu lotsi anesifuyo lesemukelekako lesidvuna emhlambini wakhe, afunge kutsi utawunikela ngaso, kodvwa bese uyesuka lapho unikela kuSimakadze ngalesinye lesinesici. Ngobe mine ngiyinkhosi lenkhulu, neLibito lami liyesatjwa etiveni tonkhe,” kusho Simakadze longuSomandla.

Matewu 25:34

“Lapho-ke iNkhosi iyawutsi kulabo labangesekudla sayo: ‘Wotani, nine lenibusiswe nguBabe! Wotani nitewudla lifa lembuso, lenawulungiselelwa seloku kwasekelwa umhlaba.

Matewu 28:20

nibafundzise kugcina konkhe lenginiyale ngako. Nibokwati kutsi mine nginani onkhe emalanga, kuze kube ngusekupheleni kwetikhatsi.”

Matewu 6:13

Ungasingenisi ekulingweni, kodvwa usisindzise kulokubi. [Ngobe umbuso wakho, nemandla, nebukhosi, kuze kube phakadze. Amen.]’

Johane 1:18

Kute lowase wabona Nkulunkulu, ngaphandle kweNdvodzana letelwe yodvwa lenguNkulunkulu, lesesifubeni seYise, ngiyo lembonakalisile.

Johane 5:44

Ningakholwa kanjani nine nidvumisana nodvwana nje, ningalufuni ludvumo loluvela kuNkulunkulu, lokunguye yedvwa?

KubaseRoma 1:20

Kusukela ekudalweni kwemhlaba nemkhatsi emandla akhe laphakadze nebuNkulunkulu bakhe bebufihlekile emehlweni ebantfu; noko bebukhona etingcondvweni kutsi bubonakale etintfweni latentile. Ngako-ke bate taba;

KubaseRoma 1:23

bashiya bukhosi baNkulunkulu longabhubhi, bakhonta umfanekiso wemuntfu lobhubhako, newetinyoni, newetilwane letihamba ngetinyawo letine, newaletihamba ngesisu.

KubaseRoma 11:36

Ngobe konkhe kuvela kuye, kukhona ngaye, kukhonela yena. Akube kuye ludvumo nini nanini! Amen.

KubaseRoma 16:27

KuNkulunkulu, lokunguye yedvwa lonekuhlakanipha, akube ludvumo ngaJesu Khristu phakadze naphakadze. Amen.

KubaseRoma 2:10

Kepha kuyawuba khona inkhatimulo, neludvumo, nekuthula kubo bonkhe labenta lokuhle, kucale emaJuda bese-ke kulandzela betive.

KubaseRoma 2:7

Labanye bantfu bachubeka benta lokuhle, bafuna tibusiso, neludvumo nekuphila lokungabhubhi; labo-ke Nkulunkulu uyawubanika kuphila lokuphakadze.

KubaseKholose 1:15

INdvodzana ingumfanekiso waNkulunkulu longabonwa ngemehlo enyama, futsi ngiyo yematubulo ayo yonkhe indalo.

KumaHebheru 11:27

Ngekukholwa Mosi wesuka eGibhithe, angesabi kutfukutsela kwenkhosi yakhona; wacinisela kwaba shangatsi uyambona longabonwa.

KumaHebheru 2:7

Wamenta kutsi abe mncane kunetingilosi, sikhashana lesifishane nje. Wametfwesa umchele webukhosi neludvumo, [wammisa etikwemisebenti yetandla takho].

1 yaPhetro 5:11

Kuye akube ngemandla phakadze naphakadze. Amen.

2 yaPhetro 3:18

Kodvwa khulani emseni nasekuyatini iNkhosi neMsindzisi wetfu Jesu Khristu. Ludvumo alube kuye manje kuze kube phakadze. Amen.

1 yaJohane 4:12

Kute umuntfu lowase wabona Nkulunkulu; nasitsandzana-ke, Nkulunkulu uhlala kitsi, nelutsandvo lwakhe luphelelisiwe kitsi.

YaJuda 1:25

yebo, kuNkulunkulu lokunguye yedvwa, uMsindzisi wetfu ngaJesu Khristu iNkhosi yetfu, akube ludvumo, nebukhosi, nemandla, neligunya, ngaphambi kwetikhatsi, manje, naphakadze. Amen.

Sembulo 15:3

Babehlabela ingoma yaMosi, sisebenti saNkulunkulu, nengoma yeliWundlu, batsi: “Tinkhulu tiyamangalisa tento takho, Nkhosi, Nkulunkulu, Somandla! Tilungile tiliciniso tindlela takho, Nkhosi yetive tonkhe.

Sembulo 17:14

Ayawulwa neliWundlu; kodvwa liyakuwehlula, ngobe liyiNkhosi yemakhosi neMbusi webabusi. Liyawuwancoba likanye nalababitiwe balo, labakhetsiwe nalabetsembekile.”

Sembulo 19:1

Emvakwaloko ngeva shangatsi livi lelikhulu lesicumbi lesikhulu sihlabela ezulwini sitsi: “Haleluya! Insindziso, nenkhatimulo, nemandla kwaNkulunkulu wetfu;

Sembulo 19:16

Engutjeni yakhe nasetsangeni lakhe kubhalwe libito lelitsi: “INkhosi yemakhosi, uMbusi webabusi.”

Sembulo 19:6

Ngase ngiva lokwakungatsi livi lesicumbi lesikhulu sebantfu, linjengemsindvo wemanti lamanyenti nanjengekudvuma lokukhulu litsi: “Haleluya! INkhosi yetfu, Nkulunkulu Somandla, iyabusa.

Sembulo 7:12

tatsi: “Amen! Sibusiso, nebukhosi, nekuhlakanipha, nekubongwa, neludvumo, nemandla, nekuncoba akube kuNkulunkulu phakadze naphakadze! Amen!”