1 kubaseKorinthe 9:24 - Siswati 1996 Bible

²⁴ Anati yini kutsi labagijima ngekuncintisana bagijima bonkhe, kodvwa munye lowemukela umklomelo? Nani-ke gijimani, khona nitewutfola lomklomelo.

1 kubaseKorinthe 9:24 Referencias Cruzadas

Tihlabelelo 19:5

Lilanga liphuma licatsame njengemyeni, yebo, njengemyeni acwebetela ahlangabeta makoti wakhe; njengemgijimi lotimisele ngemncintiswano.

Umshumayeli 9:11

Kukhona lokunye lengikubonile lapha ngaphansi kwemtfunti welilanga: Ematubane lamakhulu akusiwo lenta umuntfu aphumelele emncintiswaneni, nemandla akusiwo lenta uncobe ekulweni, kantsi nekudla akutfolwa ngulabahlakaniphile bodvwa, nebunjinga abusibo balabakhaliphe ngengcondvo kuphela, nemphumelelo ayisiyo yalabanelikhono; kodvwa sikhatsi nematfuba kubehlela bonkhe.

Jeremiya 12:5

“Nangabe uke wancintisana nemadvodza ngekugijima ngetinyawo bakushiya bakuhlolela, ungancintisana kanjani nemahhashi? Nawukhubatela eveni leliphephile, ungalunga kanjani emahlatsini langaseJordane?

Hoseya 12:10

Ngakhuluma kubaphrofethi, ngabanika imibono leminyenti, ngakhuluma imifanekiso ngabo.”

KubaseRoma 6:16

Anati yini kutsi lowo lenitinikele kuye nitigcili takhe tekumlalela? Nitigcili talowo lenimlalelako, nome tesono kube kufa, nome tekulalela Nkulunkulu kube kwemukeleka kuye kutsi nilungile.

1 kubaseKorinthe 9:13

Anati yini kutsi labaphetse imisebenti yelithempeli badla emnikelweni welithempeli, nekutsi labakhonta elatini banesabelo emnikelweni?

1 kubaseKorinthe 9:23

Ngikwenta konkhe ngesimanga seliVangeli, kuze nami ngibe nesabelo kulo.

1 kubaseKorinthe 9:26

Nami-ke angigijimisi kwemuntfu longenawo umgomo, futsi nangesibhakela angigadli nje kungatsi ngigadla umoya.

KubaseGalathiya 2:2

Ngenyukela kubo njengobe Nkulunkulu abengembulele kutsi ngiye khona, ngafike ngabalandzisa liVangeli lengilishumayela kubetive, labo labatiwa ngekutsi babaholi ngabalandzisa emasitseleni, funa mhlawumbe kwenteke kutsi ngigijimele lite, nome ngagijimela lite.

KubaseGalathiya 5:7

Benigijima kahle! Pho, ngubani lona losanivimbele kutfobela liciniso?

KubaseFiliphi 2:16

nisabapha livi lekuphila. Nanenta njalo-ke, ngiyawuba nekutibonga ngelilanga laKhristu ngekutsi angigijimelanga lite nome-ke angisebentelanga lite.

KubaseFiliphi 3:12

Akusho kutsi konkhe loku sengikubambile nekutsi sengiphelelisiwe. Kepha ngicondze kutsi ngikubambe kube kwami, njengobe naKhristu wangizuza, wangenta kutsi ngibe wakhe.

KubaseFiliphi 3:14

ngibabele emgomeni, kuyakwemukela umklomelo wekuphila kwasezulwini, Nkulunkulu langibitele kuko ngaKhristu Jesu.

KubaseKholose 2:18

Akubete umuntfu lonilahla ngelicala, atsandza kutenta lotfobile, akhonte tingilosi, alibele ngimibono yakhe, atikhukhumeta ngelite engcondvweni yakhe.

KumaHebheru 12:1

Ngako-ke, njengobe situngeletwe sicumbi lesikhulu kangaka sabofakazi, asilahle konkhe lokusindzako, nesono lesigigelana njengelwanca. Asigijime ngekucinisela kulomncintiswano losembikwetfu,

YaJakobe 1:12

Ubusisiwe umuntfu lociniselako ekulingweni; ngobe nasaphumelele ekuvivinyweni kwakhe, uyakwemukeliswa umchele wekuphila lowetsenjiswa yiNkhosi kulabo labayitsandzako.

Sembulo 3:11

Ngiyeta masinyane, bambisisa loko lonako, kuze kubete umuntfu lokwemuka umchele wakho.