1 kubaseKorinthe 9:12 - Siswati 1996 Bible

¹² Nangabe labanye banalo lilungelo kini, pho, tsine asinalo kakhulu yini? Noko asilisebentisanga lelo lungelo, kepha sibeketelela nome yini, kuze singalivimbeli liVangeli laKhristu.

1 kubaseKorinthe 9:12 Referencias Cruzadas

Genesisi 24:56

Kepha inceku yatsi kubo: “Ningangibambeleli, ngobe Simakadze uyiphumelelisile indzaba yami. Ngikhululeni ngiye enkhosini yami.”

Nehemiya 4:8

Ngako bahlangana bonkhe ndzawonye, bakha luzungu lwekutsi bete batekulwa neJerusalema basuse lutfutfuva kuyo.

Lukha 11:52

“Maye kini, tati temtsetfo! Nitsatse sikhiya sekuvula umnyango welwati, nine matfupha anikangeni ngekhatsi, konje nibavimbele labo labafuna kungena ngekhatsi.”

Imisebenti yebaPhostoli 18:3

njengobe naye abenta umsebenti lofanana newabo, wekutfunga emathende, wahlala wasebentisana nabo.

KubaseRoma 15:22

Nguko nje sekungemahlandla lamanyenti ngivimbeleka kuta kini.

1 kubaseKorinthe 13:7

Lutsandvo lubeketelela tintfo tonkhe, lukholwa tintfo tonkhe, lwetsemba tintfo tonkhe, lukhutsatelela tintfo tonkhe.

1 kubaseKorinthe 6:7

Kwakona loko nje kutsi nibe niloku nimangalelana, kukhomba kona kwehluleka. Yini kungabi ncono kini kutsi noniwe? Yini kungabi ncono kini kutsi nidlelelwe?

1 kubaseKorinthe 9:14

Kuyafanana-ke, iNkhosi ikubekile kutsi labamemetela liVangeli baphile ngekweliVangeli.

1 kubaseKorinthe 9:15

Kepha mine angiwasebentisanga lawo malungelo, futsi loko angikubhaleli kutsi kwentiwe kimi. Ngobe kimi kungaba ncono kutsi ngife kunekutsi ngemukeke ludvumo lwami lengilufanele.

1 kubaseKorinthe 9:16

Nangishumayela liVangeli, angikafaneli kutigabatisa, ngobe vele ngimelwe kulishumayela. Kodvwa maye kimi, nangingalishumayeli liVangeli!

1 kubaseKorinthe 9:18

Pho, uyini umvuzo wami? Ungunaku: kutsi nangishumayela liVangeli ngingaholi lutfo, futsi ngingasebentisi lilungelo lami lenginalo eVangelini.

1 kubaseKorinthe 9:2

Nome ngingesiye umphostoli kulabanye, kodvwa kini nginguye, ngobe ngini luphawu lwebuphostoli bami eNkhosini.

2 kubaseKorinthe 11:12

Kodvwa ngitawuchubeka ngente loku lengikwentako, kuze kutsi bangalitfoli litfuba lekutiveta labo labalifunako, labenta shangatsi benta umsebenti lofanana newetfu njengobe bona basho.

2 kubaseKorinthe 11:20

Niyambeketelela nome ngubani lonigcilatako, nalonichwagako, nalonicaphatako, nalotichayisako, nalonimukula ebusweni.

2 kubaseKorinthe 2:12

Mhlazana ngifika eThrowasi kuyawushumayela liVangeli laKhristu, umnyango wawungivulekele kabanti kutsi ngisebentele iNkhosi.

2 kubaseKorinthe 6:3

Kute lesimbekele sikhubekiso endleleni, kuze kutsi kubete liphutsa lelitfolakala emsebentini wetfu.