1 kubaseKorinthe 8:1 - Siswati 1996 Bible

¹ Mayelana nalokuhlatjelwe tithico siyabona sonkhe, njengaloku nisho nitsi: “Sonkhe sinalo lwati.” Kwati kuyakhukhumeta, kantsi lutsandvo luyakha.

1 kubaseKorinthe 8:1 Referencias Cruzadas

Isaya 47:10

Wetsembele ebubini bakho, watsi: ‘Kute namunye longibonako.’ Kuhlakanipha nekwati kwakho kuyakonisa, nawuticabanga utsi: ‘Ngimi ngimi, kute lomunye ngaphandle kwami.’

Isaya 5:21

Maye kulabo labatibona bahlakaniphile emehlweni abo, batibone bona kutsi bahlakaniphile.

Numeri 25:2

Laba labasikati bawamema lamadvodza kutsi ete atekwenta umhlatjelo kubonkulunkulu babo. Lamadvodza adla, akhotsama, akhonta labonkulunkulu bemaMowabi.

Imisebenti yebaPhostoli 15:10

Pho, nifunelani kulinga Nkulunkulu ngekubeka lijoko emahlombe emakholwa lokungazange bokhokho nome tsine sibe nemandla ekuletfwala?

Imisebenti yebaPhostoli 15:29

Ningakudli kudla lokungcoliswe ngekunikelwa etithicweni, ningayidli ingati, ningadli lokucumbelene; nibalekele bugwadla. Niyawube nente kahle naniyigcinile lemiyalo. Salani kahle.”

Imisebenti yebaPhostoli 21:25

Kepha-ke mayelana nebetive labakholwako sibatfumelele incwadzi, sabatjela kutsi bangakudli kudla lokwentelwe tithico, nengati, nesilwane lesitifele, nekutsi babalekele bugwadla.”

KubaseRoma 11:25

Bazalwane, ngitsandza kutsi niyati lemfihlakalo yeliciniso; ngobe naningayati, ningahle nicabange kutsi nihlakaniphile. Lemfihlakalo kutsi labanye bema-Israyeli behlelwa bulukhuni khona kutewutsi betive bahlunyeleliswe ngalokuphelele.

KubaseRoma 12:16

Nibambisane ngamoya munye nonkhe. Ningafisi lokuphakeme, kodvwa nibe nebudlelwane nalabatfobekile. Ningacabangi kutsi nihlakaniphile.

KubaseRoma 14:10

Wena-ke umehlulelelani umzalwane wakho? Nawe-ke umeyiselani umzalwane wakho? Empeleni sonkhe siyakuma embikwesihlalo sekwehlulela saNkulunkulu.

KubaseRoma 14:14

Njengobe mine ngiseNkhosini Jesu, ngiyati futsi ngicinisekile kutsi kute lutfo lolungcolile ngekwalo; kodvwa kukhona lokungcolile kunome ngubani locabanga kutsi kungcolile.

KubaseRoma 14:19

Ngako-ke, asilangatelele lokuletsa kuthula nekwakhana.

KubaseRoma 14:22

Kukholwa lonako kugcine emkhatsini wakho naNkulunkulu. Ubusisiwe lowo longatilahli ngaloko lakubone kutsi kufanele.

KubaseRoma 14:3

Lodla konkhe angabombukela phansi longadli konkhe, kantsi nalongadli konkhe angamehluleli lona lodla konkhe; ngobe Nkulunkulu umemukele naye.

KubaseRoma 15:14

Mine ngekwami ngenelisekile ngani, bazalwane bami, kutsi nine ngekwenu nigcwele kulunga, nagcwaliswa nangalo lonkhe lwati, niyakwati nekuyalana.

1 kubaseKorinthe 1:5

kutsi nicetjiswe ngetindlela tonkhe kuye, ekukhulumeni konkhe naselwatini lonkhe.

1 kubaseKorinthe 10:15

Ngikhuluma kini njengakubantfu labahlakaniphile; phenyisisani kahle kutsi ngisho kutsini.

1 kubaseKorinthe 10:28

Kepha nangabe lomunye atsi kini: “Loku kuhlatjelwe tithico,” ningakudli, ngenca yakhe, nangenca yanembeza.

1 kubaseKorinthe 14:20

Bazalwane, ningaboba bantfwana ekucabangeni, kodvwa ebubini niboba tinswane, ekucabangeni nibe ngulabakhule impela.

1 kubaseKorinthe 15:34

Sangulukani; ningaphindzi none, ngobe labanye abamati Nkulunkulu. Ngikusho loko khona nitewuba nemahloni.

1 kubaseKorinthe 4:10

Tsine sitilima ngenca yaKhristu, kodvwa nine nihlakaniphile kuKhristu. Tsine sibutsakatsaka ngenca yaKhristu, kepha nine ninemandla. Nine niyadvunyiswa, kepha tsine siyanyembenywa.

1 kubaseKorinthe 4:18

Kepha labanye sebayatikhukhumeta, shangatsi angiseyikuta lapho kini.

1 kubaseKorinthe 4:6

Loku-ke, bazalwane, ngikucondzise kimi naku-Apolosi ngenca yenu. Fundzani kitsi kutsi ningengcisi kulokubhaliwe, ningagungubali ngalomunye umuntfu nidzele lomunye.

1 kubaseKorinthe 5:2

Kodvwa ngulapho niyatikhukhumeta! Anikhali ngani, kutsi lowo lowente lentfo lembi nimkhiphe emkhatsini wenu?

1 kubaseKorinthe 5:6

Kutibonga kwenu kubi. Kantsi anati yini kutsi imbiliso lencane ibilisa inhlama yonkhe?

1 kubaseKorinthe 8:2

Nangabe umuntfu atsi kukhona lakwatiko, akati njengaloku kufanele ati.

1 kubaseKorinthe 8:4

Ngako-ke macondzana nekudla kudla lokuhlatjelwe tithico siyati kutsi: “Kute sithico lesiphilako,” nekutsi: “Nkulunkulu munye kuphela, kute lomunye.”

1 kubaseKorinthe 8:7

Kepha akusibo bonkhe bantfu labakwatiko loko. Labanye betayele tithico ngisho nalamuhla, bakudla nje shangatsi kuhlatjelwe sithico; ngaloko-ke nembeza wabo lobutsakatsaka uyabalahla.

Kubase-Efesu 4:16

Umtimba wonkhe uhlanganiswe ngaye, ubambene ngekwelekelelana kwemalunga onkhe awo, njengekusebenta lokulinganiselwe lelo nalelo lunga kukhuliswe umtimba, wakhelwe elutsandvweni.

KubaseKholose 2:18

Akubete umuntfu lonilahla ngelicala, atsandza kutenta lotfobile, akhonte tingilosi, alibele ngimibono yakhe, atikhukhumeta ngelite engcondvweni yakhe.

Sembulo 2:14

Kodvwa tsine nawe sehlukana la ekutseni kusenebantfu labanemfundziso yaBhalamu emkhatsini wenu. Phela Bhalamu wafundzisa Bhalaki kutsi abekele baka-Israyeli lugibe, ngekubadlisa kudla lokunikelwe etithicweni, wabafundzisa kuphinga nebugwadla.

Sembulo 2:20

Kodvwa tsine nawe sehlukana la ekutseni wena uyamvumela lomfati longuJezebeli, lotibita ngekutsi ungumphrofethikati, edukise tinceku tami ngekutifundzisa buphingi, nebugwadla, nekudla kudla lokuhlatjelwe tithico.