1 kubaseKorinthe 7:2 - Siswati 1996 Bible

² Kodvwa-ke ngenca yebuphingi, akube nguleyo naleyo ndvodza ibe newayo umfati, nalowo mfati abe neyakhe indvodza.

1 kubaseKorinthe 7:2 Referencias Cruzadas

Taga 18:22

Lowo lotfola umfati utfole intfo lenhle, uzuze umusa kuSimakadze.

Taga 19:14

Indlu nemcebo lifa lelitfolakala kubatali, kodvwa umfati lohlakaniphile utfolakala kuSimakadze.

Malakhi 2:14

Niyabuta nitsi: “Leni?” Kungobe Simakadze abengufakazi emkhatsini wakho nemfati webusha bakho, ngobe awuketsembeki kuye, nome yena usengumkakho, umfati wesivumelwane semshado.

Matewu 5:32

Kepha mine ngitsi: Lowo lolahla umkakhe ngaphandle kwebugwadla, uyamphingisa; nalotsatsa umfati lolahliwe, uyaphinga.”

1 kubaseKorinthe 6:18

Balekelani bugwadla nebuphingi. Tonkhe tono latentako umuntfu tingephandle kwemtimba wakhe; kodvwa logwadlako nome lophingako wona umtimba wakhe.

1 kubaseKorinthe 7:1

Mayelana naloko lenangibhalela ngako, ngitsi kuhle kutsi lomdvuna angalali nalomsikati.

1 kubaseKorinthe 7:3

Indvodza ayenelise umfati wayo, nemfati ente njalo endvodzeni yakhe.

1 kubaseKorinthe 7:9

Kodvwa-ke nabangenako kutibamba, kuncono kutsi bashade, ngobe kuhle kutsi umuntfu ashade kunekutsi ashiswe yinkhanuko.

Kubase-Efesu 5:28

Emadvodza kufanele atsandze bafati bawo, njengobe atsandza imitimba yawo. Indvodza letsandza umfati wayo ititsandza yona.

Kubase-Efesu 5:33

Noko-ke, akube ngulowo nalowo atsandze umkakhe, njengobe atitsandza yena, nemfati ahloniphe indvodza yakhe.

1 kubaseThesalonika 4:4

Ngamunye ngamunye wenu kufanele akwati kutiphatsela yena umtimba wakhe, awuphatse ngebungcwele nangekuhlonipheka;

1 kuThimothi 4:3

Bayawuvimbela kushada nekuteka, batsi akuzilwe kudla lokutsite. Phela konkhe kudla kwadalwa nguNkulunkulu lekufanele kutsi labakholwako bakwemukele ngekubonga, njengobe babantfu labalatiko liciniso lonkhe.

Tikhulu 21:22

Kutawutsi boyise nabomnakabo nabakhala kitsi, tsine sibatjele sitsi: ‘Mane nisentele bubele nibasite, ngobe asizange sibatsatsele bafati ngesikhatsi semphi, futsi-ke nine aninacala, ngobe abakendziselwa ngini lamadvodzakati enu.’ ”