1 kubaseKorinthe 7:19 - Siswati 1996 Bible

¹⁹ Kusoka akusho lutfo, nekungasoki akusho lutfo. Lokusho lutfo kugcina imiyalo yaNkulunkulu.

1 kubaseKorinthe 7:19 Referencias Cruzadas

Matewu 5:19

Ngako-ke lowo lowephula munye kulemiyalo lemincanyana, aphindze afundzise labanye kanjalo, uyakuba ngulomncane embusweni welizulu; kepha loyigcinako ayifundzise, lowo kuyawutsiwa mkhulu embusweni welizulu.

Johane 15:14

Nine nitihlobo tami, nanenta loku lenginiyale ngako.

KubaseRoma 3:30

ngobe phela Nkulunkulu munye. Bekusoka bayakwemukelwa nguNkulunkulu kutsi balungile ngekukholwa; kanjalo nebekungasoki balungisiswa ngekukholwa.

1 kubaseKorinthe 8:8

Kepha kudla akusisondzeti kuNkulunkulu; ngobe nome singadli asilahlekelwa lutfo, nome sidla asibuyelwa lutfo.

KubaseGalathiya 3:28

Kute umJuda nemGriki, kute sigcili nalokhululekile, kute lomdvuna nalomsikati, nonkhe nimunye kuKhristu Jesu.

KubaseGalathiya 5:6

Ngobe kuKhristu Jesu kusoka nekungasoki akunamsebenti, kodvwa kuphela kukholwa lokusebenta ngelutsandvo.

KubaseGalathiya 6:15

Ngobe kusoka nekungasoki akusilutfo kodvwa kuphela kudalwa kabusha.

KubaseKholose 3:11

Kulabanjalo kute umehluko emkhatsini wemGriki nemJuda, walosokile nalongakasoki, wetive nemSikithi, sigcili nalokhululekile, kodvwa Khristu ungiko konkhe, futsi ukubo bonkhe.

Joshuwa 5:5

Bonkhe labo bantfu labaphuma babesokile, kodvwa bonkhe labo lababetalelwe ehlane kuloluhambo lwekusuka eGibhithe babengakasoki.

Sembulo 22:14

“Babusisiwe labo labatigezako tingubo tabo, kuze kutsi babe nelilungelo lekudla esihlahleni sekuphila, babe nelilungelo lekungena ngemasango ekhaya.

1 Samuweli 15:22

Samuweli wakhuluma watsi: “Simakadze uyajatjuliswa yini ngiminikelo yekushiswa nemihlatjelo kunekulalelwa kwelivi laSimakadze? Kulalela kuncono kunemhlatjelo, kucaphela nekunaka kuncono kunemanoni etihhanca.