1 kubaseKorinthe 7:11 - Siswati 1996 Bible

¹¹ Kepha nangabe ehlukana nayo, akahlale angendzi, nome-ke abuyisane nendvodza yakhe; nendvodza ingamlahli umfati wayo.

1 kubaseKorinthe 7:11 Referencias Cruzadas

Isaya 50:1

Naku lokushiwo nguSimakadze, utsi: “Iphi incwadzi yenyoko yesehlukaniso, lengamcosha ngayo kutsi ahambe? Nome-ke nganitsengisa kumuphi kulengibakweledako? Natsengiswa ngenca yetono tenu, ngenca yemacala enu unyoko wacoshwa.

Jeremiya 3:1

“Nangabe indvodza ilahla umkayo, bese lomfati wendza kulenye indvodza, lendvodza ingabuyela yini kulomfati? Utsi kepha lelive lingete langcola lonkhe? Kodvwa utiphatsise kwengwababane ngekuphinga nemadvodza lamanyenti; manje sewungabuyela njani kimi?” kusho Simakadze.

Matewu 5:32

Kepha mine ngitsi: Lowo lolahla umkakhe ngaphandle kwebugwadla, uyamphingisa; nalotsatsa umfati lolahliwe, uyaphinga.”

Makho 10:12

Nalowo lodivosa indvodza yakhe bese wendza kulenye indvodza, unelicala endvodzeni yakhe lekuphinga.”

Makho 10:2

Kwase kuta baFarisi kuye batakumlinga, bambuta batsi: “Kuvumelekile yini emtsetfweni kutsi indvodza idivose umkayo?”

Lukha 16:18

“Nangabe indvodza idivosa umkayo bese iteka lomunye umfati, iyaphinga; nendvodza letsatsa umfati lodivosiwe, iyaphinga.”

1 kubaseKorinthe 7:10

Kepha labashadile ngiyabayala, kungesimi kodvwa kuyiNkhosi, kutsi umfati angehlukani nendvodza yakhe.

1 kubaseKorinthe 7:12

Kepha kulabanye kusho mine, akusho yona iNkhosi, kutsi nangabe umzalwane anemfati longakholwa, yena-ke lomfati avuma kuhlala naye, angabomlahla.

Dutheronomi 22:19

Bayawuyihlawulisa tinhlavu tesiliva letili-100, batinike uyise walentfombi, ngobe inike intfombi yem-Israyeli ligama lelibi. Lendvodzakati iyawujinge ibe ngumkayo lendvodza. Lendvodza akukafaneli iyilahle yingci nayisaphila.