1 kubaseKorinthe 6:2 - Siswati 1996 Bible

² Anati yini kutsi labangcwele bayakwehlulela umhlaba? Nangabe-ke umhlaba uyakwehlulelwa ngini, ningehlulwa yini kwehlulelana emacaleni enu lamancane kangaka?

1 kubaseKorinthe 6:2 Referencias Cruzadas

Tihlabelelo 49:14

Banjengetimvu letimele kubulawa, babhekene nekufa. Labacotfo bayawubabusa ngemuso, tidvumbu tabo tibole ethuneni, balahlekelwe nangemakhaya abo.

Danyela 7:18

Kodvwa labangcwele balowo Longetulu Kwako Konkhe bayawunikwa umbuso loyawuba ngewabo phakadze naphakadze, yebo, waphakadze naphakadze.’

Danyela 7:22

kwadzimate kwefika loLophila Phakadze Naphakadze, wakhipha sigwebo avikela labangcwele bakhe Longetulu Kwako Konkhe, kwase kufika sikhatsi lapho batsatsa khona umbuso waba ngewabo.

Zakhariya 14:5

Niyawubalekela ngasesigodzini sentsaba yami, ngobe lesigodzi siyawufikela e-Aseli. Yebo, niyawubaleka njengamhlazane nibalekela kutamatama kwemhlaba ngesikhatsi sa-Uziya, inkhosi yakaJuda. Simakadze-ke longuNkulunkulu wami uyawube sewuyefika kanye nabo bonkhe labangcwele bakhe.

Matewu 19:28

Jesu watsi kubo: “Ngicinisile, ngitsi kini: Nine leningilandzelako, kuyawutsi nakudalwa kabusha tintfo tonkhe, ngesikhatsi iNdvodzana yeMuntfu seyihleti esihlalweni senkhatimulo yebukhosi bayo, nani niyawuhlala etihlalweni tebukhosi letili-12, nehlulele tive letili-12 taka-Israyeli.

Lukha 22:30

Niyawudla ninatse etafuleni embusweni wami, niyawuhlala etihlalweni nehlulele tive tema-Israyeli letili-12.”

KubaseRoma 6:16

Anati yini kutsi lowo lenitinikele kuye nitigcili takhe tekumlalela? Nitigcili talowo lenimlalelako, nome tesono kube kufa, nome tekulalela Nkulunkulu kube kwemukeleka kuye kutsi nilungile.

1 kubaseKorinthe 1:20

Siphi sihlakaniphi? Siphi sati semtsetfo? Uphi umphikisi walesikhatsi? Nkulunkulu akakwenti bulima yini kuhlakanipha kwalelive?

1 kubaseKorinthe 1:21

Ngobe phela ekuhlakanipheni kwaNkulunkulu live alizange limati Nkulunkulu ngekuhlakanipha kwalo. Kwaba kuhle kuye kusindzisa labakholwako ngenshumayelo lebulima.

1 kubaseKorinthe 6:4

Nangabe ninalawo macala enu, niwayiselani kubantfu labangakabalwa nekubalwa ebandleni?

2 kubaseKorinthe 4:18

Tsine asibheki lokubonakalako kodvwa lokungabonakali, ngobe loko lokubonakalako kwesikhashana nje, kepha loko lokungabonakali kwaphakadze.

1 kubaseThesalonika 3:13

kuze kutsi icinise tinhlitiyo tenu tingabi nacala, kodvwa tibe ngcwele ebukhoneni baNkulunkulu, longuBabe, nakufika iNkhosi yetfu Jesu nabo bonkhe labangcwele bakhe.

Sembulo 20:4

Ngase ngibona tihlalo tebukhosi, labo bebahleti kuto banikwa emandla ekwehlulela. Ngabona nemiphefumulo yalabo bebancunywe tinhloko ngenca yekufakaza kwabo ngaJesu, nangenca yekushumayela kwabo livi laNkulunkulu. Abazange bavume kusikhonta lesilo nome umfanekiso waso, abazange balwemukela neluphawu lwaso emabuntini abo nasetandleni tabo. Bavuka ekufeni, babusa naKhristu iminyaka leyinkhulungwane.

Sembulo 3:21

“ ‘Lowo loncobako, ngiyawumhlalisa kanye nami esihlalweni sami sebukhosi, njengobe nami ngancoba ngahlala naBabe esihlalweni sakhe sebukhosi.