1 kubaseKorinthe 6:15 - Siswati 1996 Bible

¹⁵ Anati yini kutsi imitimba yenu ititfo taKhristu? Pho, ngingatsatsa titfo taKhristu ngitente titfo tengwadla nome tesiphingi? Cha, ngeke!

1 kubaseKorinthe 6:15 Referencias Cruzadas

Genesisi 44:17

Josefa watsi: “Cha, ngingeke ngikwente loko! Sigcili sami kutawuba ngulona lekutfolakale kuye indzebe. Kodvwa nine labanye hambani ngekuthula niye kuyihlo.”

Lukha 20:16

Wachubeka watsi: “Uyawubuya atibulale leticashi ayinike labanye lensimi.” Nabakuva loko bantfu, base batsi: “Cha, empeleni akungabi njalo!”

KubaseRoma 12:5

kanjalo-ke, natsi sibanyenti nje singumtimba munye kuKhristu, sititfo letehlukene lesinye kulesinye.

KubaseRoma 3:31

Pho, siyawulahla yini umtsetfo ngalokukholwa? Cha, asiwulahli, esikhundleni saloko siyawusekela umtsetfo.

KubaseRoma 3:6

Cha, akunjalo. Pho, nangakalungi Nkulunkulu, angawehlulela kanjani umhlaba?

KubaseRoma 6:15

Pho-ke, sitakona yini, ngobe singekho ngaphansi kwemtsetfo, singaphansi kwemusa? Cha, ngeke.

KubaseRoma 6:2

Cha, akungabi njalo. Tsine lesesafa sehlukana nesono, pho, singachubeka kanjani siphile kuso?

KubaseRoma 7:13

Pho, loko lokuhle kwaletsa kufa yini kimi? Cha, akuzange. Loko kwentiwa sono, ngobe ngekusebentisa lokuhle sangiletsela kufa, khona kutekwembuleka sono kutsi sisono. Ngobe ngemyalo sono sibonakaliswa sisono kakhulu.

KubaseRoma 7:7

Pho, siyawutsini-ke? Sitakutsi umtsetfo usono? Cha, awusiso. Kodvwa-ke sono ngabe angizange ngisati kutsi siyini kube akufikanga umtsetfo. Ngabe angizange sengati nekutsi kuyini kona kufisa kube umtsetfo awuzange usho kutsi: “Ungafisi.”

1 kubaseKorinthe 11:3

Kepha-ke ngitsandza kutsi nati kutsi, inhloko yawo onkhe emadvodza nguKhristu, nenhloko yemfati yindvodza, nenhloko yaKhristu nguNkulunkulu.

1 kubaseKorinthe 12:27

Kepha nine ningumtimba waKhristu netitfo ngabanye.

1 kubaseKorinthe 6:13

Labanye batsi: “Kudla kwentelwe sisu, nesisu sentelwe kudla,” kodvwa Nkulunkulu uyawukubhubhisa kokubili. Umtimba awukentelwa bugwadla, nekujuma, nebuphingi, ngobe umtimba weNkhosi, neNkhosi yemtimba.

1 kubaseKorinthe 6:17

Kepha lotihlanganisa neNkhosi uyawuba moya munye nayo.

1 kubaseKorinthe 6:19

Anati yini kutsi umtimba wenu ulithempeli laMoya Longcwele lohlala kini, lenamemukela kuNkulunkulu, nekutsi futsi anisibo benu? Nine nibaNkulunkulu,

1 kubaseKorinthe 6:3

Anati yini kutsi siyakwehlulela ngisho netingilosi? Kanganani-ke emacala alokuphila kwalamuhla!

KubaseGalathiya 2:17

Nangabe tsine sifuna kwemukeleka kuNkulunkulu kutsi silungile ngaKhristu tsine ngekwetfu sibe sitfolakala sitoni, ngabe kambe naKhristu usikhonti sesono yini? Cha, akasiso.

KubaseGalathiya 3:21

Pho, ngabe kusho kutsi umtsetfo uphambene yini netetsembiso taNkulunkulu? Cha, akunjalo. Ngobe nangabe ubekiwe umtsetfo longaphilisa, nakanjani kulunga bekungatfolakala ngekwenta lokufunwa ngumtsetfo.

KubaseGalathiya 6:14

Kodvwa akube khashane nami kutigabatisa ngaphandle kwesiphambano seNkhosi yetfu Jesu Khristu; ngesiphambano sakhe live lifile kimi, nami ngifile kulo.

Kubase-Efesu 4:12

Loko wakwentela kutsi labangcwele bahlonyiselwe umsebenti wabo wekukhonta, kuze kwakheke umtimba waKhristu,

Kubase-Efesu 5:23

Ngobe indvodza iyinhloko yemfati, njengobe naKhristu ayinhloko yelibandla, yena unguMsindzisi welibandla lelingumtimba wakhe.

Kubase-Efesu 5:30

ngobe singemalunga emtimba wakhe.

KubaseKholose 2:19

Lowo sewuyekele kusima kuKhristu loyinhloko, lokusitwa ngaye umtimba wonkhe, uhlanganiswe ngemalunga nemisipha, ukhule ngekukhula kwaNkulunkulu.