1 kubaseKorinthe 6:10 - Siswati 1996 Bible

¹⁰ nemasela, nalababukhali, netidzakwa, nalabetfukako, netigebengu, bangeke balidle lifa lembuso waNkulunkulu.

1 kubaseKorinthe 6:10 Referencias Cruzadas

Taga 7:27

Indlela leya endzaweni yalabafile icala endlini yakhe, yewuke yehlele etindlini tekufa.

Isaya 1:23

Babusi benu babahlubuki, babangani bemasela; bonkhe batsandza imidizo, balandzelana netipho. Ababavikeli labo labate boyise; ngisho nendzaba yemfelokati abayinaki.

Jeremiya 7:11

Kungabe lendlu, leneLibito lami, seyigucuke yaba ngumhume wabosidlani yini lapha kini? Kodvwa bengisolomane ngibuka! Kusho Simakadze.

Hezekeli 22:13

“ ‘Ngempela, ngiyakwetfwala imikhono enhloko ngaleyo nzuzo lembi loyitfolile, nangengati loyicitse emkhatsini wenu.

Hezekeli 22:27

Tiphatsimandla talo letisemkhatsini welive tifanana netimphisi letidladlabula tinyamatane tato; ticitsa ingati tibulale bantfu, khona titewutfola inzuzo lembi.

Hezekeli 22:29

Bantfu bakulelive baphanga nekuphanga bagcekeze nekugcekeza; bacindzetela labamphofu nalabeswele, babaphatse kabi bekuhamba, bangabaphatsi ngekwemtsetfocotfo.

Matewu 21:19

Wabona umkhiwa lowawuwodvwa eceleni kwendlela, wenyukela kuwo, kodvwa akatfolanga lutfo kuwo ngaphandle kwemacembe. Ngako wase utsi kuwo: “Akungabe kusavela sitselo kuwe!” Ngekushesha umkhiwa wabuna.

Matewu 23:13

“Maye kini, bafundzisi bemtsetfo nebaFarisi! Batentisi! Nivimbela bantfu umbuso welizulu, nibe nine ningangeni, nebantfu labafuna kungena anibavumeli kutsi bangene. [

Matewu 23:33

Tinyoka, ntalo yemabululu! Nitakubalekela njani kulahlwa esihogweni?

Johane 12:6

Abesho loku, hhayi ngobe abevelana netimphuya kodvwa ngobe abelisela, angumgcinisikhwama, eba loko bekufakwa esikhwameni.

Imisebenti yebaPhostoli 20:32

Manje-ke senginibeka esandleni seNkhosi kanye nasevini lemusa wayo, yona lenemandla ekunakha inikhulise ininike lifa labo bonkhe labahlantiwe.

1 kubaseKorinthe 15:50

Nginitjela naku, bazalwane bami, kutsi inyama nengati akunawulidla lifa lembuso waNkulunkulu, nekubola akulidli lifa lelingaboli.

1 kubaseKorinthe 5:11

Kepha manje nginibhalele ngatsi ningahlanganyeli nemuntfu lekutsiwa ungumzalwane kantsi uyingwadla, nome siphingi, nome ngulobukhali, nome ngulokhonta tithico, nome ngulowetfukanako, nome sidzakwa, nome sigebengu; ningete nadla ngisho nekudla nemuntfu lonjalo.

KubaseGalathiya 5:21

nekuhawukela, nekudzakwa, nebudli, naletinye tintfo letifanana naleti lenganitjela ngato kucala, kutsi labo labenta letintfo bangeke balidle lifa lembuso waNkulunkulu.

Kubase-Efesu 4:28

Lisela alingabe liseba, kepha kunaloko alikhutsale, lisebente lokuhle ngetandla talo, khona litewuba nako lelingahle likwabele labadzingako.

Kubase-Efesu 5:5

Nifanele nati, futsi nicondze kahle, kutsi kute umuntfu loyingwadla nome losiphingi nome longcolile, nalobukhali, lokusho kutsi ukhonta tithico, longabuye abe nelifa embusweni waKhristu naNkulunkulu.

1 kubaseThesalonika 4:6

Akubete lowonako aphambe umzalwane wakhe nome ngani, ngobe Nkulunkulu ungumphindziseli kuto tonkhe letintfo, njengobe saniyalisisa nje.

1 yaPhetro 4:15

Kodvwa akubete kini lohlupheka ngobe angumbulali, nome lisela, nome lowenta lokubi, nome lotigaca etindzabeni talabanye bantfu.