1 kubaseKorinthe 5:8 - Siswati 1996 Bible

⁸ Ngako-ke asigubhe umkhosi wetfu, hhayi ngembiliso lendzala yekushinga nebubi, kodvwa ngesinkhwa lesite imbiliso, lesinebucotfo neliciniso.

1 kubaseKorinthe 5:8 Referencias Cruzadas

Tihlabelelo 32:2

Ubusisiwe umuntfu Nkulunkulu langambaleli tiphambuko takhe, lonenhlitiyo lete inkhohliso.

Tihlabelelo 42:4

Nangikhumbula emuva, inhlitiyo yami iyabibitseka ngekhatsi kwami. Ngangihamba nesicuku lesikhulu ngisihola embili ngiya endlini yaNkulunkulu sihlabela ngekujabula lokukhulu.

Eksodusi 12:15

Simakadze wachubeka watsi: “Sinkhwa lesinembiliso ningabosidla kuze kuphele emalanga lasikhombisa; nibodla sinkhwa lesite imbiliso kuphela. Ngelilanga lekucala niboyisusa yonkhe imbiliso etindlini tenu, ngobe lotawudla lokufakwe imbiliso emkhatsini welilanga lekucala kuze kube lilanga lesikhombisa, utawuncunywa emkhatsini wesive sema-Israyeli.

Eksodusi 12:19

Kuyawuze kuphele emalanga lasikhombisa imbiliso ingatfolakali etindlini tenu; lowo loyawutfolakala kutsi udle lokufakwe imbiliso, uyawuncunywa esiveni sema-Israyeli, nome ngabe wekutalwa, nome ngabe wekuhamba kulelo live.

Eksodusi 12:8

Kulobo busuku inyama ibokosiwa idliwe kanye nemibhidvo lebabako kanye nesinkhwa lesite imbiliso.

Eksodusi 13:6

Niyakudla sinkhwa lesite imbiliso emalanga lasikhombisa; ngelilanga lesikhombisa kufanele kube nemkhosi wekudvumisa Simakadze.

Eksodusi 13:7

Sinkhwa lesite imbiliso niyakusidla emalanga lasikhombisa. Kufanele nibete sinkhwa lesinembiliso, ingabonakali ngisho nekubonakala imbiliso eveni lenu lonkhe.

Isaya 25:6

Kulentsaba Simakadze longuSomandla utakwentela bantfu bonkhe lidzili lalokukhuluphele, lelimnandzi, yebo, lidzili leliwayini lelidzala lakadzeni, inyama lenhle kakhulu, netinhlobo letimnandzi teliwayini.

Isaya 30:29

Niyawuhlabela njengalobo busuku lenenta ngabo lidzili lelingcwele, tinhlitiyo tenu tiyawujabula njengesikhatsi bantfu bakhuphuka ngemintjingo, bakhuphukela eNtsabeni yaSimakadze, eDvwaleni lema-Israyeli.

Levithikusi 23:6

Ngelilanga leli-15 kuleyo nyanga kuyawucala uMkhosi waSimakadze weSinkhwa Lesingenambiliso; kuyawuze kuphele emalanga lasikhombisa nidla sinkhwa lesingenambiliso.

Matewu 16:12

Base bayabona bafundzi kutsi abengasho yona imbiliso yesinkhwa, kepha abesho timfundziso tebaFarisi nebaSadusi.

Matewu 16:6

Jesu watsi kubo: “Nibocaphela, ningangenwa yimbiliso yebaFarisi nebaSadusi!”

Makho 8:15

Jesu wabadvonsa ngendlebe watsi: “Caphelani imbiliso yebaFarisi neyaHerodi.”

Lukha 12:1

Tatsi lapho ticumbi tebantfu tisondzela madvutane, bantfu banyatselana ngenca yebunyenti, Jesu wase utsi kubafundzi bakhe kucala: “Caphelani imvubelo yebaFarisi yekutentisa.

Johane 1:47

Jesu wabona Nathanayeli eta kuye, wakhuluma ngaye watsi: “Bheka, nango-ke um-Israyeli wangempela, lekute bucili kuye.”

1 kubaseKorinthe 3:3

Nine nisebantfu benyama; ngobe nangabe nisenemona nekubangisana, anisibo yini benyama? Anilingisi bantfu bemvelo yini?

1 kubaseKorinthe 5:1

Kubikiwe ngempela kimi kutsi kukhona bugwadla nebuphingi emkhatsini wenu, futsi buphingi lobungazange sebubekhona ngisho nakulabangakholwa, ngobe kutsiwa umuntfu ushenda nemkayise.

1 kubaseKorinthe 5:6

Kutibonga kwenu kubi. Kantsi anati yini kutsi imbiliso lencane ibilisa inhlama yonkhe?

2 kubaseKorinthe 1:12

Kutibonga kwetfu kunye, kutsi nembeza wetfu umhlophe embikwebantfu, ikakhulu kini. Ekutiphatseni kwetfu besimsulwa sesaba Nkulunkulu ngeliciniso, hhayi ngekuhlakanipha kwetfu, kepha ngemusa waNkulunkulu.

2 kubaseKorinthe 2:17

Tsine-ke asinjengabo bantfu labanyenti labenta livi laNkulunkulu libe yindali; kodvwa tsine lesikuKhristu sikhuluma kwaNkulunkulu ngekuciniseka ebukhoneni bakhe.

2 kubaseKorinthe 8:8

Loko ngikusho, hhayi njengemtsetfo kodvwa kunitjela ngekukhutsatela kwalabanye, ngetama kutfola kahle kutsi lutsandvo lwenu lungilo sibili yini.

Kubase-Efesu 6:24

Umusa awube nabo bonkhe labatsandza iNkhosi yetfu Jesu Khristu ngelutsandvo lolungapheli.

Dutheronomi 16:16

“Onkhe emadvodza esive sakini kufanele ete katsatfu ngemnyaka atetibonakalisa kuSimakadze Nkulunkulu wenu kuleyo ndzawo Simakadze latayikhetsa: eMkhosini Wesinkhwa Lesingenambiliso, naseMkhosini Wemaviki, naseMkhosini Wemadlangala. Kufanele kubete indvodza leyawuta itetibonakalisa kuSimakadze ingakaphatsi lutfo.

Dutheronomi 16:3

LeliPhasika ningalidli kanye nesinkhwa lesinembiliso. Kuyawuze kuphele emalanga lasikhombisa solomane nidla sinkhwa lesite imbiliso, sinkhwa selusizi, ngobe naphuma ngekuphutfuma lokukhulu eGibhithe. Loko kuyakwenta kutsi nihlale nilikhumbula njalo lilanga lenaphuma ngalo eGibhithe, yonkhe imphilo yenu.

Joshuwa 24:14

“Ngako yesabani Simakadze nimkhonte ngekwetsembeka konkhe. Balahleni bonkulunkulu bebakhontwa bokhokho benu ngesheya kweMfula, naseGibhithe, nikhonte Simakadze.

1 yaPhetro 4:2

Ngako ngesikhatsi nisesemhlabeni, ningabe nisaphila ngetinkhanuko talelive, kodvwa ngentsandvo yaNkulunkulu.