1 kubaseKorinthe 5:10 - Siswati 1996 Bible

¹⁰ Angisho bona bantfu labangakholwa labatingwadla netiphingi, nome lababukhali, nebaphangi, nome labakhonta tithico. Loko bekungasho kutsi kufanele nisuke ningabikho emhlabeni.

1 kubaseKorinthe 5:10 Referencias Cruzadas

Lukha 18:11

“UmFarisi wakhwesha wema yedvwa wathandaza watsi: ‘Ngiyakubonga, Nkulunkulu, kutsi mine angifanani nalabanye bantfu labatigebengu, nalabangakalungi, netiphingi, nanjengalomtselisi.

Johane 15:19

Kube benibelive, live belitanitsandza. Kodvwa anisibo belive, ngobe nganikhetsa eveni. Ngako-ke live liyanitondza.

Johane 17:6

“Ligama lakho ngilatisile kulabo longiphe bona. Babevele babakho, wangipha bona. Baligcinile livi lakho.

Johane 17:9

“Ngiyabathandazela, Babe; angithandazeli lona live, kodvwa labo longiphe bona, ngobe babakho.

Johane 8:23

Watsi kubo: “Nine navela phansi, mine ngavela etulu. Nine nibelive, kodvwa mine angisiye wakulelive.

1 kubaseKorinthe 1:20

Siphi sihlakaniphi? Siphi sati semtsetfo? Uphi umphikisi walesikhatsi? Nkulunkulu akakwenti bulima yini kuhlakanipha kwalelive?

1 kubaseKorinthe 10:27

Nangabe lomunye kulabangakholwa animema, nitsandza kuya, nibodla konkhe lakubeka embikwenu ningabuti lutfo ngenca yanembeza.

1 kubaseKorinthe 5:11

Kepha manje nginibhalele ngatsi ningahlanganyeli nemuntfu lekutsiwa ungumzalwane kantsi uyingwadla, nome siphingi, nome ngulobukhali, nome ngulokhonta tithico, nome ngulowetfukanako, nome sidzakwa, nome sigebengu; ningete nadla ngisho nekudla nemuntfu lonjalo.

1 kubaseKorinthe 5:9

Nganibhalela encwadzini yami kutsi ningahlanganyeli netingwadla netiphingi.

2 kubaseKorinthe 4:4

Ngobe kubo labangakholwa nkulunkulu walomhlaba uphumphutsekise tingcondvo tabo, kuze kungasi kubo kukhanya kweliVangeli lenkhatimulo yaKhristu, lofute Nkulunkulu.

Kubase-Efesu 2:2

lebenikadze nihamba kuto ngekwendlela yalomhlaba, ngekwembusi wemandla emkhatsi, umoya losasebenta kubantfu labangalaleli Nkulunkulu.

KubaseFiliphi 2:15

kuze nibe ngulabangasoleki, nalabangenacala, bantfwana baNkulunkulu labangenasici emkhatsini wesitukulwane lesigwegwile nalesiphambene. Kufanele nikhanye kuso lesitukulwane njengetinkhanyeti letikhanyisa esibhakabhakeni,

1 yaJohane 4:5

Bona belive, ngako-ke nalabakukhulumako kwaseveni, futsi nelive liyabeva.

1 yaJohane 4:7

Batsandzekako, asitsandzaneni ngobe lutsandvo luvela kuNkulunkulu; wonkhe umuntfu lonelutsandvo usuke atelwe nguNkulunkulu, futsi uyamati Nkulunkulu.

1 yaJohane 5:19

Siyati kutsi sibaNkulunkulu nekutsi umhlaba wonkhe ungephansi kwemandla aLomubi.

Sembulo 12:9

Nyokangwenya lomkhulu walahlelwa phansi, leya nyoka yasemandvulo, lebitwa ngekutsi nguMhlebi nome nguSathane, uMkhohlisi wemhlaba wonkhe. Wajikijelwa phansi emhlabeni kanye netingilosi takhe.