1 kubaseKorinthe 4:12 - Siswati 1996 Bible

¹² Siyaphishaneka sisebente ngetandla tetfu. Sitsi setfukwa sibe sibusisa; sitsi sitingelelwa kuhlushwa, sibe sicinisela.

1 kubaseKorinthe 4:12 Referencias Cruzadas

Matewu 5:11

“Nibusisiwe nabanetfuka, banitingele, banihluphe, bakhulume konkhe lokubi ngani, banicalele emanga ngami.

Matewu 5:44

Kodvwa mine ngitsi kini: Tsandzani titsa tenu, nibakhulekele labanitingelela kunihlupha,

Lukha 23:34

[Jesu watsi: “Batsetselele, Babe; abakwati labakwentako.”] Behlukaniselana timphahla takhe ngekwenta inkatho.

Lukha 6:28

Babusiseni labanicalekisako, bathandazeleni labo labaniphatsa kabi!

Johane 15:20

Khumbulani livi lenganitjela lona kutsi: ‘Kute sisebenti lesikhulu kunemcashi waso.’ Nangabe mine bangihlupha, nani futsi bayawunihlupha; nangabe bawagcina emavi ami, newenu bayakuwagcina.

Imisebenti yebaPhostoli 18:3

njengobe naye abenta umsebenti lofanana newabo, wekutfunga emathende, wahlala wasebentisana nabo.

Imisebenti yebaPhostoli 20:34

Nani lucobo niyati kutsi ngangisebenta ngaletandla tami, ngentela kutfola konkhe lengangikudzinga kanye nalabo ngangisebenta nabo.

Imisebenti yebaPhostoli 7:60

Waguca phansi wamemeta ngelivi lelikhulu watsi: “Nkhosi! Ungababekeli sono ngaloku labakwentako!” Wase uyafa.

KubaseRoma 12:14

Busisani labanitingelela kunihlupha; yebo, nibusise ningacalekisi.

KubaseRoma 12:20

Cha, “nangabe sitsa sakho silambile, siphe kudla, nangabe somile, sinatsise; ngobe ngekwenta njalo utawube umtsela ngemahloni ekutisola.”

KubaseRoma 8:35

Pho, ngubani-ke longasehlukanisa nelutsandvo lwaKhristu: kuhlupheka nome bulukhuni, nome kutingelwa, nome yindlala, nome kuhlubula, nome yingoti, nome kufa?

1 kubaseKorinthe 9:6

Kantsi ngimi naBhanabasi kuphela yini labafanele kutiholela ngekutisebentela?

2 kubaseKorinthe 11:8

Ngawaphamba lamanye emabandla ngekutsi ngitsatse liholo lami kuwo, kuze kutsi ngikhonte nine.

Kubase-Efesu 4:28

Lisela alingabe liseba, kepha kunaloko alikhutsale, lisebente lokuhle ngetandla talo, khona litewuba nako lelingahle likwabele labadzingako.

1 kubaseThesalonika 2:9

Bazalwane, ngiyetsemba kutsi niyayikhumbula imisebenti nemisiphalato yetfu sisebenta emkhatsini wenu busuku nemini sentela kutsi singasindzi ngisho namunye wenu ngesikhatsi sisashumayela kini liVangeli laNkulunkulu.

2 kubaseThesalonika 3:8

sasingadli sinkhwa semuntfu singakasikhokheli; kodvwa sasidla ngekukhandleka sishikashikeka imini nebusuku, kuze kutsi singasindzi ngisho namunye wenu.

1 kuThimothi 4:10

Kuze kube manje siyasebenta sishikaneke, ngobe sibeke litsemba letfu kuNkulunkulu lophilako, longuMsindzisi wabo bonkhe bantfu, ikakhulu walabo labakholwako.

1 yaPhetro 2:23

Kwatsi etfukwa, wangete waphindzisela ngenhlamba; kwatsi ahlushwa, wangete wasongela. Kodvwa watinikela kuNkulunkulu lowehlulela ngekulunga.

1 yaPhetro 3:14

Kepha nangabe nihlushwa ngenca yekwenta lokulungile, nibusisiwe. Ningesabi muntfu, ningakhatsateki.

1 yaPhetro 3:9

Ningaphindziseli lokubi ngalokubi, nome inhlamba ngenhlamba; kodvwa esikhundleni saloko busisani, ngobe nabitelwa loko kutsi nidle lifa lekubusiswa.

1 yaPhetro 4:19

Ngako-ke labo labahlupheka ngekwentsandvo yaNkulunkulu abachubeke bente lokuhle, babeke imiphefumulo yabo kuMdali lowetsembekile.

YaJuda 1:9

Ngisho naMikhayeli, ingilosi lenkhulu, mhlazane abangisana naSathane ngesidvumbu saMosi, akazange asayikhiphe inhlamba, kuze amehlule. Lakusho nje kwaba kutsi: “INkhosi ayikukhalimele.”