1 kubaseKorinthe 4:10 - Siswati 1996 Bible

¹⁰ Tsine sitilima ngenca yaKhristu, kodvwa nine nihlakaniphile kuKhristu. Tsine sibutsakatsaka ngenca yaKhristu, kepha nine ninemandla. Nine niyadvunyiswa, kepha tsine siyanyembenywa.

1 kubaseKorinthe 4:10 Referencias Cruzadas

2 Emakhosi 9:11

Watsi Jehu nakaphumela kulabangani bakhe, lomunye wabo wambuta watsi: “Kusahamba kahle yini? Loluhlanya belutekwentani lapha kuwe?” Jehu wamphendvula, watsi: “Niyamati lomuntfu kanye naletintfo latikhulumako.”

Taga 11:12

Umuntfu longenangcondvo umbukela phansi makhelwane wakhe; kodvwa umuntfu lohlakaniphile uyalubamba lulwimi lwakhe.

Isaya 53:3

Yedzelelwa yaliwa bantfu, umuntfu wetinsizi labekwetayele kuhlupheka. Njengemuntfu bantfu labangafuni kumbuka, yedzelelwa, asizange siyishaye mkhuba.

Hoseya 9:7

Emalanga esijeziso ayeta, yebo emalanga emphindziselo asasondzele, Israyeli kufanele akwati loko. Njengobe tono tenu titinyenti kangaka nebutsa benu bubukhulu kangaka, umphrofethi sewutsatfwa njengesilima, umuntfu wesembulo atsatfwe njengeluhlanya.

Matewu 24:9

“Lapho-ke bayawuninikela etinhlungwini, banibulale. Tonkhe tive tiyawunitondza ngenca yelibito lami.

Matewu 5:11

“Nibusisiwe nabanetfuka, banitingele, banihluphe, bakhulume konkhe lokubi ngani, banicalele emanga ngami.

Lukha 10:16

Wase utsi kubafundzi bakhe: “Lonilalelako, ulalela mine; longanemukeli, akemukeli mine; nalowo longangemukeli, akamemukeli nalowo longitfumile.”

Lukha 18:9

Jesu wabatjela futsi nankhu umfanekiso acondzise kubantfu labetsemba kulunga kwabo bese bababukela phansi labanye bantfu:

Lukha 6:22

“Nibusisiwe, bantfu nabanitondza banishalatela ngekuninyembenya, banetfuka banigceke batsi anikalungi, ngenca yeNdvodzana yeMuntfu.

Imisebenti yebaPhostoli 17:18

Letinye tati letitsite tema-Ephikhuri nemaStoyiki taphikisana naye. Letinye tatsi: “Lesibhungayeti setama kutsini?” Letinye tatsi: “Shangatsi ushumayela ngabonkulunkulu labangatiwa.” Takusho loku ngobe Pawula abeshumayela ngaJesu nangekuvuka kwalabafile.

Imisebenti yebaPhostoli 17:32

Kwatsi nabamuva akhuluma ngekuvuka kulabafile, labanye bamhleka bulima, kepha labanye batsi: “Sitawubuye sikuve nawukhuluma ngaloko.”

Imisebenti yebaPhostoli 26:24

Asabeka inkhulumo yekutivikela Pawula, Festusi wamemeta watsi: “Suka Pawula, uyahlanya! Lokufundza kakhulu kwakho kuyakuhlanyisa.”

Imisebenti yebaPhostoli 9:16

Mine ngekwami ngitamkhombisa konkhe lafanele ahlupheke ngako ngelibito lami.”

1 kubaseKorinthe 1:21

Ngobe phela ekuhlakanipheni kwaNkulunkulu live alizange limati Nkulunkulu ngekuhlakanipha kwalo. Kwaba kuhle kuye kusindzisa labakholwako ngenshumayelo lebulima.

1 kubaseKorinthe 1:23

Kodvwa tsine sishumayela Khristu abetselwe esiphambanweni, losikhubekiso kumaJuda nebulima kubetive.

1 kubaseKorinthe 1:25

Ngobe bulima baNkulunkulu buhlakaniphile kunekuhlakanipha kwebantfu, nebutsakatsaka baNkulunkulu bunemandla kunemandla ebantfu.

1 kubaseKorinthe 10:12

Ngako-ke lotsi umile, akacaphele kutsi angawi.

1 kubaseKorinthe 2:14

Umuntfu wemvelo akakwemukeli lokukwaMoya, ngobe kubulima kuye, futsi angeke akuve, ngobe kuphenyisiswa ngaMoya.

1 kubaseKorinthe 2:3

Ngangihleti nani nginebutsakatsaka nekwesaba nekutfutfumela lokukhulu.

1 kubaseKorinthe 3:18

Akubete lotiyengako, nangabe umuntfu atsi uhlakaniphile emkhatsini wenu kulesikhatsi, akabe silima, khona atewuba ngulohlakaniphile.

1 kubaseKorinthe 3:2

Nganondla ngelubisi. Anginiphanga kudla lokucinile; ngobe nanisengakakulungeli kukudla, ngisho nanyalo nisengakakulungeli.

1 kubaseKorinthe 4:8

Senenele! Seninjingile! Senitente emakhosi ngaphandle kwetfu! Maye, ngifisa shangatsi ngabe ningemakhosi sibili, sitewuhlephunelana nani lokubusa!

2 kubaseKorinthe 10:10

Labanye batsi: “Tincwadzi takhe tinemandla nesisindvo, kodvwa bukhona bakhe abunasitfunti, nenkhulumo yakhe imalula.”

2 kubaseKorinthe 11:19

Maye, niyajabula ngekubeketelela tilima nibe nine nihlakaniphile!

2 kubaseKorinthe 11:29

Nakukhona lobutsakatsaka, angitfwalisani naye yini kulobutsakatsaka bakhe? Nakukhona lowako ekukholweni, angimveli buhlungu yini?

2 kubaseKorinthe 13:9

Ngobe tsine siyajabula nangabe nine nicinile nome tsine sibutsakatsaka. Sithandazela kutsi nine nipheleliswe kuKhristu.

2 kubaseKorinthe 4:12

Kanjalo-ke kitsi kusebenta kufa, kepha kini kusebenta kuphila.

2 kubaseKorinthe 6:8

Siyadvunyiswa, sihhalatiswe. Siyasolwa, sibongwe. Sitsatfwa njengebakhohlisi, kantsi sibeliciniso.

1 kubaseThesalonika 4:8

Ngako-ke lomelana naloku, akamelani namuntfu, kodvwa umelene naNkulunkulu lonipha Moya wakhe Longcwele.

1 yaPhetro 4:14

Nibusisiwe nanetfukwa ngenca yelibito laKhristu, ngobe loko kukhombisa kutsi Moya webukhosi, lowaNkulunkulu, unifukamele.