1 kubaseKorinthe 4:1 - Siswati 1996 Bible

¹ Kufanele satiwe kutsi sitikhonti taKhristu nebaphatsi betimfihlakalo taNkulunkulu.

1 kubaseKorinthe 4:1 Referencias Cruzadas

Matewu 13:11

Wabaphendvula watsi: “Nine ninikiwe lwati lwetimfihlakalo tembuso welizulu, kodvwa bona abakanikwa.

Matewu 24:45

“Pho, ngubani losisebenti lesetsembekile nalesihlakaniphile, inkhosi yaso lesimise etikwebendlu yayo, kutsi sibanike kudla ngesikhatsi lesifanele?

Makho 4:11

Waphendvula watsi: “Nine niphiwe imfihlakalo yembuso waNkulunkulu, kodvwa laba labangephandle konkhe bakutfola ngemifanekiso,

Lukha 1:2

Bakubhala loko lesakutjelwa baphatsi belivi lababetibona letintfo kusukela ekucaleni kwato.

Lukha 12:42

INkhosi yaphendvula yatsi: “Ngubani-ke losisebenti lesetsembekile nalesihlakaniphile lesiyawutfunywa kutsi sicize indlu yenkhosi kanye nekunika letinye tisebenti kudla lokutifanele nangesikhatsi lesifanele?

Lukha 8:10

Wabatjela watsi: “Nine niphiwe lwati lwetimfihlakalo tembuso waNkulunkulu, kodvwa kulabanye kushunyayelwa ngemifanekiso, kuze batsi bayabona kodvwa bangabonisisi, batsi bayeva kantsi abevisisi kahle.”

KubaseRoma 11:25

Bazalwane, ngitsandza kutsi niyati lemfihlakalo yeliciniso; ngobe naningayati, ningahle nicabange kutsi nihlakaniphile. Lemfihlakalo kutsi labanye bema-Israyeli behlelwa bulukhuni khona kutewutsi betive bahlunyeleliswe ngalokuphelele.

KubaseRoma 16:25

Asimdvumise Nkulunkulu! Nguye lonemandla ekunicinisa ngeliVangeli lami nangetinshumayelo ngaJesu Khristu, ngekwesembulo semfihlakalo yeliciniso lelalifihlakele kusukela phakadze,

1 kubaseKorinthe 2:7

Kodvwa sikhuluma inhlakanipho yaNkulunkulu leyimfihlo lefihlekile, Nkulunkulu layimisa umhlaba ungakasekelwa, kutsi ibe ludvumo lwetfu.

1 kubaseKorinthe 3:5

Pho, uyini Apolosi? Uyini Pawula? Batisebenti nje taNkulunkulu lenakholwa ngato, letisebenta njengekwaba kweNkhosi kuleso nakuleso sato.

1 kubaseKorinthe 4:13

Sitsi sinyembenywa, sibe sikhuluma ngemoya lomuhle. Kuze kube ngulamuhla sentiwa tibi temhlaba, nekungcola kwetintfo tonkhe.

1 kubaseKorinthe 4:2

Futsi-ke baphatsi kufuneka kutsi batfolakale betsembekile.

2 kubaseKorinthe 11:23

Batisebenti taKhristu yini? Mine ngingulesincono. Loku sengikukhuluma njengeluhlanya. Ngasebenta kakhulu kunabo, ngidvonsa matima, ngaboshwa kanyenti, ngashaywa kanyenti, ngabasengotini yekufa.

2 kubaseKorinthe 12:6

Kube bengifuna kutigabatisa, bengingeke ngibente bulima, ngobe ngitabe ngikhuluma liciniso. Kodvwa ngiyativimba kuloko, kuze phela kubete longibeka ngetulu kwaloko langibona nome langiva nginguko.

2 kubaseKorinthe 4:5

Asitishumayeli tsine, kodvwa sishumayela kutsi Khristu Jesu uyiNkhosi, tsine-ke sitisebenti tenu ngenca yakhe.

2 kubaseKorinthe 6:4

Esikhundleni saloko konkhe lesikwentako sikwenta sikhombisa kutsi sitisebenti taNkulunkulu ngekutsi konkhe sikumele: ngekucinisela lokukhulu ekuhlushweni, nasebulukhunini, nasekugongonyekeni,

Kubase-Efesu 1:9

Nkulunkulu wakubona kufanele kutsi asatise imfihlakalo yentsandvo yakhe, labeyimisile ngaKhristu kwasekucaleni.

Kubase-Efesu 6:19

Ningithandazele nami, khona ngitewuphiwa livi, ngitsi nangivula umlomo wami ngiyishumayele ngaso sonkhe sibindzi imfihlakalo yeliVangeli.

KubaseKholose 2:2

Loko ngikwentela kutsi tinhlitiyo tabo tikhutsateke tidvudvuteke, bahlanganiswe babe munye elutsandweni, babe nekuciniseka konkhe kwekwati lokuphelele, bayati kahle imfihlakalo yaNkulunkulu lenguKhristu.

KubaseKholose 4:3

Nisikhulekele natsi kuNkulunkulu, kutsi asinike ematfuba ekushumayela livi lakhe, sitekwati kukhuluma imfihlakalo yaKhristu, mine lengisiboshwa ngenca yayo.

1 kuThimothi 3:16

Siyavuma kutsi yinkhulu kakhulu imfihlakalo yenkholo yetfu yekutsi: Wabonakaliswa angumuntfu, wafakazelwa nguMoya, wabonwa tingilosi, washunyayelwa kubetive, wakholeka emhlabeni, wenyukela enkhatimulweni.

1 kuThimothi 3:6

Umbonisi akukafaneli kube ngumuntfu losandza kuphendvuka funa atigcabhe, bese-ke Sathane uyamwisa.

1 kuThimothi 3:9

Emaciniso lembulekile ekukholwa kufanele bawaphatse nganembeza lomhlophe.

kuThithusi 1:7

Umholi, njengobe asisebenti saNkulunkulu, kufanele angasoleki, angatigcabhi, abete lulaka, angabi sidzakwa, abete luchweba, futsi angahaleli inzuzo ngebubi.

1 yaPhetro 4:10

Lowo nalowo lowemukele sipho semusa, akasisebentise ekukhonteni labanye njengenceku lenhle yemusa lomnyenti waNkulunkulu.