1 kubaseKorinthe 3:10 - Siswati 1996 Bible

¹⁰ Ngemusa waNkulunkulu lengiwuphiwe, nanjengachwephesha wetekwakha, ngabeka sisekelo sendlu, lomunye wakha etikwaso. Kodvwa akube ngulowo nalowo acaphelisise kahle kutsi wakhela njani etikwaso.

1 kubaseKorinthe 3:10 Referencias Cruzadas

2 Tikhronike 2:12

Akabongwe Simakadze, Nkulunkulu wema-Israyeli, uMdali welizulu nemhlaba. Uphe inkhosi Davide indvodzana lehlakaniphile, legcwele emasu ekuhlakanipha nekucondza, nyalo seyitilungiselela kwakha lithempeli laSimakadze, itakhele nesigodlo sayo.

Eksodusi 36:4

Ngako-ke nguleyo naleyo ndvodza leyayinelikhono lekusebenta leyayakha indzawo lengcwele, yasukuma phansi yashiya umsebenti wayo,

Taga 12:8

Umuntfu udvunyiswa ngekunakekela kwakhe; kodvwa lonenhlitiyo lembi ubukeleka phansi.

Taga 9:1

Kuhlakanipha kwakhe indlu yako, kwayisimisa ngetinsika letisikhombisa.

Umshumayeli 12:9

Wachubeka kanjalo-ke uMshumayeli afundzisa bantfu ngekuhlakanipha kwakhe konkhe lakwatiko naye. Abecabangisisa aphenyisise, aphindze atihlelise kahle taga letinyenti engcondvweni yakhe,

Danyela 12:3

Labo labahlakaniphile bayawucwebetela njengekumanyatela kwemazulu, nalabo labaholele labanye ekulungeni, bakhanye njengetinkhanyeti kuze kube nguphakadze naphakadze.

Zakhariya 4:9

“Tandla taZerubhabheli tibeke sisekelo salelithempeli; netandla takhe futsi titalicedza. Nine-ke niyawube seniyati kutsi Simakadze longuSomandla ungitfume kini.

Matewu 24:45

“Pho, ngubani losisebenti lesetsembekile nalesihlakaniphile, inkhosi yaso lesimise etikwebendlu yayo, kutsi sibanike kudla ngesikhatsi lesifanele?

Matewu 7:24

“Ngako-ke wonkhe umuntfu lova lamavi ami awente, ufanana nendvodza lehlakaniphile, leyakha indlu yayo etikwelidvwala.

Lukha 11:35

Caphelani-ke kutsi lokukhanya lokukini kungabi bumnyama.

Lukha 21:8

Jesu watsi: “Caphelani, ningedukiswa. Kuyawufika bantfu labanyenti egameni lami, batsi: ‘Nginguye!’ batsi: ‘Sikhatsi sesifikile!’ Kodvwa ningabalandzeli!

Imisebenti yebaPhostoli 18:27

Kwatsi nasafuna kwewelela eGrisi, bazalwane bamkhutsata, base babhalela bazalwane kutsi babomemukela. Watsi kube efike, waba lusito lolukhulu kulabo bese bakholiwe ngemusa waNkulunkulu;

KubaseRoma 1:5

Ngaye loJesu semukele umusa nebuphostoli, kuze kutsi egameni lakhe bantfu etiveni tonkhe sibaholele ekukholweni nasekutfobeleni Nkulunkulu.

KubaseRoma 12:3

Ngenca yesipho semusa saNkulunkulu kimi, ngitsi kini nonkhe: Ningacabangi kutsi nibakhulu kunaloku leningiko. Esikhundleni saloko zitsani ekucabangeni kwenu, ngulowo nalowo atehlulele ngebungako bekukholwa kwakhe lakunikwe nguNkulunkulu.

KubaseRoma 15:15

Kepha nginibhalele ngesibindzi kulokunye ngentela kunikhumbuta ngenca yemusa lengiwuphiwe nguNkulunkulu

KubaseRoma 15:20

Ngihlala nginenshisekelo lenkhulu yekushumayela liVangeli etindzaweni lapho Khristu angazange eviwe khona, khona ngingetukwakha esisekelweni lesibekwe ngulomunye umuntfu,

1 kubaseKorinthe 3:11

Ngobe kute lomunye longabuye abeke lesinye sisekelo, ngaphandle kwaleso lesibekiwe lesinguJesu Khristu.

1 kubaseKorinthe 9:2

Nome ngingesiye umphostoli kulabanye, kodvwa kini nginguye, ngobe ngini luphawu lwebuphostoli bami eNkhosini.

2 kubaseKorinthe 10:15

Asitigabatisi ngephandle kwemaphetselo ngalokwentiwe ngulabanye, kodvwa siyetsemba kutsi nisakhula ekukholweni, nemsebenti wetfu utakwandza emkhatsini wenu,

Kubase-Efesu 2:20

Lendlu yakhelwa etikwesisekelo sebaphostoli nebaphrofethi; Jesu Khristu lucobo ulitje lelisimise lendlu.

KubaseKholose 1:29

Ngisebentela loko ngishikashikeka ngekusebenta kwakhe, lokusebenta ngemandla kimi.

KubaseKholose 4:17

Nitjele Akhipho nitsi: “Caphela kufeza lowo msebenti lowawemukela eNkhosini.”

1 kubaseThesalonika 3:2

sase sinitfumelela Thimothi, umzalwane wetfu, lesibambisene naye emsebentini waNkulunkulu wekushumayela liVangeli laKhristu. Samtfumela kutsi atenicinisa anikhutsate ekukholweni kwenu,

1 kuThimothi 4:16

Uticaphele wena nekufundzisa kwakho, ungesuki kuko; ngobe ngekwenta njalo utawube utisindzisa wena kanye nalabakuvako.

2 kuThimothi 2:15

Khutsalela kutiveta wemukelekile kuNkulunkulu, ube sisebenti lesetsembekile kuye lesite emahloni nalesiliphakela kahle livi leliciniso.

YaJakobe 3:1

Bazalwane bami, akukuhle kutsi linyenti lenu libe bafundzisi, nati kutsi tsine lesifundzisako siyakwemukeliswa kwehlulelwa lokumatima.

1 yaPhetro 4:11

Nangabe umuntfu akhuluma, akakhulume ngekwemavi aNkulunkulu; nangabe umuntfu akhonta, akakhonte ngemandla lawanikwa nguNkulunkulu, kuze kutsi kuko konkhe kudvunyiswe Nkulunkulu ngaJesu Khristu, lekukuye bukhosi nemandla phakadze naphakadze. Amen.

2 yaPhetro 3:15

Kubeketela kweNkhosi nibokutsatsa ngekutsi kunentela ematfuba ekusindziswa, njengobe nemzalwane wetfu lotsandzekako longuPawula anibhalele ngekuhlakanipha laphiwe kona.

Sembulo 21:14

Lolubondza lwalelikhaya lwalunetisekelo tematje lali-12; etikwawo bekubhalwe emabito lali-12 ebaphostoli beliWundlu.

Sembulo 21:19

Tisekelo talolubondza lwalelikhaya betihlotjiswe ngematje laligugu nalatinhlobonhlobo: Litje lesisekelo sekucala bekuyijasiphi, lesibili kuyisafire, lesitsatfu kuyikhalkedoni, lesine kuyisimaragidu,