1 kubaseKorinthe 3:1 - Siswati 1996 Bible

¹ Nami-ke, bazalwane, ngangehluleka kukhuluma kini njengakubantfu baMoya; kodvwa ngangikhuluma kini njengakubantfu bemhlaba, tinswane kuKhristu.

1 kubaseKorinthe 3:1 Referencias Cruzadas

Matewu 16:23

Jesu wagucuka watsi kuPhetro: “Suka kimi, Sathane! Usitsikameti kimi, ngobe awukuboni lokukwaNkulunkulu, kodvwa ubona kwebantfu!”

KubaseRoma 7:14

Siyati kutsi umtsetfo waMoya, kodvwa mine ngingumuntfu wemhlaba, lotsengiswe esonweni.

1 kubaseKorinthe 14:20

Bazalwane, ningaboba bantfwana ekucabangeni, kodvwa ebubini niboba tinswane, ekucabangeni nibe ngulabakhule impela.

1 kubaseKorinthe 14:37

Nangabe umuntfu atsi ungumphrofethi nome atsi waMoya, kufanele ati kutsi loku lenginibhalela kona ngumyalo weNkhosi.

1 kubaseKorinthe 2:6

Kodvwa sikhuluma inhlakanipho kubantfu lasebakhulile eNkhosini. Kepha lenhlakanipho akusiyo yalesikhatsi nome yebabusi lababhubhako balesikhatsi.

KubaseGalathiya 6:1

Bazalwane, nangabe lomunye wenu asawele esonweni, nine bakaMoya, lowo mephuleni, loko nikwente ngemoya wekutfobeka; kodvwa nawe uticaphele, ngobe ungahle ulingeke.

KumaHebheru 5:13

Ngobe lowo losaphila ngelubisi usengakakhuli evini lekulunga; useluswane.

1 yaJohane 2:12

Ngibhalela nine, bantfwabami, ngobe tono tenu setitsetselelwe ngenca yaKhristu.