1 kubaseKorinthe 2:9 - Siswati 1996 Bible

⁹ Kodvwa njengobe kubhaliwe kutsi: “Loko liso lelingazange selikubone, nendlebe lengazange seyikuve, lokungazange kuphume enhlitiyweni yemuntfu, Nkulunkulu wakulungiselela labamtsandzako.”

1 kubaseKorinthe 2:9 Referencias Cruzadas

Tihlabelelo 31:19

Maye, kuyaphuphuma kulunga kwakho, lokulunga lokugcinele labo labakwesabako, ukwente kulabo labakhosele kuwe, ukubonakalise embikwebantfu.

Isaya 64:4

Kusukela kadzenidzeni kute lowase weva, kute nendlebe leyase yeva, kute liso lelase labona lomunye Nkulunkulu ngaphandle kwakho, lomelela labo labalindzele yena.

Isaya 65:17

“Buka la, ngiyawudala emazulu lamasha nemhlaba lomusha. Tintfo takadzeni tingeke tikhunjulwe, futsi tingeke tisabuya nasengcondvweni.

Matewu 20:23

Jesu watsi: “Yebo-ke, nitayinatsa leyo ndzebe, kantsi kuhlala ngesekudla sami nangesancele akusiko kwami kutsi ngephane ngako, kodvwa kwalabo labakulungiselelwe nguBabe.”

Matewu 25:34

“Lapho-ke iNkhosi iyawutsi kulabo labangesekudla sayo: ‘Wotani, nine lenibusiswe nguBabe! Wotani nitewudla lifa lembuso, lenawulungiselelwa seloku kwasekelwa umhlaba.

Johane 3:16

Nkulunkulu walitsandza live kakhulu kangangekutsi wadzimate wanikela ngeNdvodzana yakhe lekukuphela kwayo, kuze kutsi nome ngubani lokholwa ngiyo angabhubhi, kodvwa abe nekuphila lokuphakadze.

KubaseRoma 8:28

Siyati kutsi Nkulunkulu usebentisa konkhe kube lusito kulabo labamtsandzako, lababitwe ngekwenjongo yakhe.

KumaHebheru 11:16

Esikhundleni saloko, babelangatelela live lelincono, lokusho kutsi: lizulu. Ngako-ke Nkulunkulu akanamahloni kutibita ngekutsi nguNkulunkulu wabo, ngobe ubalungiselele lelo khaya.

YaJakobe 1:12

Ubusisiwe umuntfu lociniselako ekulingweni; ngobe nasaphumelele ekuvivinyweni kwakhe, uyakwemukeliswa umchele wekuphila lowetsenjiswa yiNkhosi kulabo labayitsandzako.

YaJakobe 2:5

Ase nilalele, bazalwane bami labatsandzekako! Nkulunkulu akabakhetsanga yini labaphuyile lapha emhlabeni kutsi babe ngulabacebile ekukholweni, netindlalifa embusweni lawetsembisa labo labamtsandzako?

1 yaPhetro 1:12

Bona bembulelwa kutsi tiphrofetho tabo tatingakacondzani nabo, taticondzene nani, njengobe babekhuluma ngaloko nani lese nikuve ngalabo labanishumayela liVangeli ngaMoya Longcwele lophuma ezulwini. Ngisho netingilosi tiyafisa kutibona letintfo.

1 yaJohane 4:19

Tsine sitsandza, ngobe kwacala yena wasitsandza.