1 kubaseKorinthe 2:4 - Siswati 1996 Bible

⁴ Kukhuluma kwami nekushumayela kwami akuzange kube ngemavi ekuhlakanipha lokuhunganako, kodvwa kwaba sibonakaliso saMoya nesemandla.

1 kubaseKorinthe 2:4 Referencias Cruzadas

Taga 20:19

Inhlebo ivumbulula timfihlo; ngako-ke mgweme umuntfu lokhulumela futsi.

Taga 7:21

Ngako wavele wayimelela kutsi iphambukele kuye, wayihuha ngemavi akhe.

Jeremiya 20:10

Ngiva bayahebeta labanyenti batsi: “Sesabiso yonkhe indzawo! Mcebe! Asimcebe!” Bonkhe bangani bami balindzele mine kutsi ngishelele, batsi: “Mhlawumbe utawuyengeka; khona sitawube sesiyamehlula, sitiphindzisele kuye.”

Hezekeli 13:6

Imibono yabo iyinkhohliso, nekubhula kwabo kungemanga. Bakhuluma batsi: “Kusho Simakadze,” abe Simakadze angazange asabatfume; kunjalo nje, babheke kutsi lamavi abo agcwaliseke.

Imisebenti yebaPhostoli 20:27

Ngobe angizange nginifihlele lutfo lwentsandvo yaNkulunkulu.

Imisebenti yebaPhostoli 26:28

Agripha wase utsi kuPawula: “Cishe wangenta umKhristu ngesikhashana!”

KubaseRoma 15:13

Shangatsi Nkulunkulu, longumtfombo welitsemba, anganigcwalisa ngako konkhe kujabula nekuthula ekukholweni, kuze niphuphume etsembeni ngemandla aMoya Longcwele.

KubaseRoma 15:19

abesebenta ngemandla etibonakaliso netimangaliso, nangemandla aMoya Longcwele. Ngako-ke, ngacala eJerusalema ngahamba ngijikeleta ngaze ngefika nangase-Ilirikhu ngihamba ngishumayela liVangeli laKhristu kuto tonkhe tindzawo.

KubaseRoma 16:18

Ngobe labo labenta njalo, abakhonti yena Khristu iNkhosi yetfu, kodvwa bakhonta tisu tabo; nangemavi lamahle nalamnandzi bayenga tinhlitiyo talabo labangakahlakaniphi.

1 kubaseKorinthe 1:17

Ngobe mine Khristu akangitfumelanga kona kuyawubhabhatisa, kodvwa wangitfumela kutsi ngiyewushumayela liVangeli, hhayi ngekuhlakanipha kwemavi, funa sentiwe lite siphambano sakhe.

1 kubaseKorinthe 2:1

Nami, bazalwane, ekufikeni kwami, indzaba yaNkulunkulu leyimfihlakalo, angizange ngiyimemetele ngebungcweti nangenhlakanipho.

1 kubaseKorinthe 2:13

Lesikhuluma ngako futsi akusiwo emavi lafundziswa bantfu ngekuhlakanipha, kodvwa afundziswa nguMoya, ngobe sichaza emaciniso aMoya ngaMoya kubantfu labanaMoya.

1 kubaseKorinthe 4:20

Ngobe umbuso waNkulunkulu awuyi ngemagama ekutjelwa, kodvwa uya ngemandla.

2 kubaseKorinthe 6:6

nangekuhlanteka, nangelwati, nangekubeketela, nangemusa, nangaMoya Longcwele, nangelutsandvo lolujulile,

KubaseGalathiya 1:10

Kungabe kambe ngitincengela kubantfu yini nome kuNkulunkulu? Nome ngetama kujabulisa bantfu yini? Nangabe ngisajabulisa bantfu, bengingeke ngibe sisebenti saKhristu.

KubaseKholose 2:4

Loku nginitjela khona kutebate muntfu loniyenga ngetinkhulumo temanga.

1 kubaseThesalonika 1:5

Ngobe liVangeli lesanishumayela lona alifikanga kini ngemavi kuphela, kodvwa lefika ngemandla, nangaMoya Longcwele, seneliseka kutsi inshumayelo yetfu iliciniso. Niyati kutsi sasitiphatsa kanjani ngesikhatsi sisemkhatsini wenu. Konkhe loko sasikwenta ngenca yenu.

1 yaPhetro 1:12

Bona bembulelwa kutsi tiphrofetho tabo tatingakacondzani nabo, taticondzene nani, njengobe babekhuluma ngaloko nani lese nikuve ngalabo labanishumayela liVangeli ngaMoya Longcwele lophuma ezulwini. Ngisho netingilosi tiyafisa kutibona letintfo.

2 yaPhetro 1:16

Empeleni sasingalandzeli tinganekwane tebucili, ngesikhatsi sinatisa emandla nekufika kweNkhosi yetfu Jesu Khristu, kodvwa sasingulabo labawabona emandla ebukhosi bakhe.

2 yaPhetro 2:18

Bakhuluma emagama lalite, bayenge ngetinkhanuko nangemanyala labo labasandza kuphunyula kulabedukako.

Tikhulu 14:15

Ngelilanga lesine bakhuluma kumkaSamsoni, batsi: “Ncenga lendvodza yakho wena, khona itesichazela inshokutsini yalesiphicaphicwana sayo, ngaphandle kwaloko sitawushisa wena kanye nawo wonkhe umndeni weyihlo, nife. Kantsi nisimemele kutesikhuthuza lapha kini?”

Tikhulu 16:5

Baholi bemaFilisti baya kuyo, bafike batsi: “Buka la, nawungamwunga aze asikhombise imfihlakalo yalamandla akhe lamakhulu, nekutsi singamncoba njani kuze simkhunge, simbambe ngulowo nalowo wetfu angakunika isiliva lengemakhilogremu langaba li-13, amunye.”