1 kubaseKorinthe 2:16 - Siswati 1996 Bible

¹⁶ UmBhalo utsi: “Ngubani lowati umcondvo weNkhosi? Ngubani longayifundzisa?” Kodvwa tsine sinawo umcondvo waKhristu.

1 kubaseKorinthe 2:16 Referencias Cruzadas

Genesisi 1:12

Umhlaba waveta konkhe lokumilako lokutsela tinhlavu, netihlahla tetitselo letitsela tinhlavu letiyinhlanyelo ngetinhlobo tato. Nkulunkulu wabona kutsi loko kuhle.

Jobe 15:8

Uyalalela yini nangabe Nkulunkulu akhuluma nelibandla lakhe? Ucabanga kutsi kuhlakanipha kuphelela lapha kuwe yini?

Jobe 22:2

“Umuntfu angaba ngilo yini lusito kuNkulunkulu? Umuntfu lohlakaniphile yena angaba lusito yini kuye?

Jobe 40:2

“Lona lophikisana naSomandla angamkhombisa yini indlela? Lowo lobeka Nkulunkulu licala akamphendvule!”

Jeremiya 23:18

“Kodvwa ngubani emkhatsini wabo loke wema ebandleni laSimakadze kutsi abone nome eve livi lakhe? Ngubani lolalele weva livi lakhe?

Johane 15:15

Kusukela manje angisete nganibita ngekutsi nitisebenti, ngobe phela sisebenti asati kutsi umphatsi waso wentani. Esikhundleni saloko nginibita ngekutsi nitihlobo tami, ngobe senginitjele konkhe lengikuve kuBabe.

KubaseRoma 11:34

“Ngubani lowase wati ingcondvo yeNkhosi, nome-ke, lowase waba ngumeluleki wayo?

1 kubaseKorinthe 12:8

Lomunye uphiwa ngaMoya livi lekuhlakanipha, kepha lomunye livi lekwati, ngaye yena lowo Moya,