1 kubaseKorinthe 16:7 - Siswati 1996 Bible

⁷ Angeke nginibone kwamanje ngisetakwendlula, ngobe ngifuna kufike ngihlale lapho kini sikhatsi, iNkhosi nayivuma.

1 kubaseKorinthe 16:7 Referencias Cruzadas

Taga 19:21

Umuntfu angaba netinhloso letinyenti engcondvweni yakhe; kodvwa kugcina kuphumelele inhloso yaSimakadze.

Jeremiya 10:23

Awu, Simakadze, ngiyati kutsi kute umuntfu lotiphatsele yena imphilo yakhe. Akusiko kwemuntfu kutsi aticondzisele yena tinyatselo takhe.

Matewu 3:15

Kodvwa Jesu wamphendvula watsi: “Vuma nyalo, ngobe kufanele sigcwalise kanjalo intsandvo yaNkulunkulu.” Ngako wase uyamvumela.

Imisebenti yebaPhostoli 18:21

kodvwa nasabavalelisa watsi: “Ngitawubuye ngite kini, Nkulunkulu nakavuma.” Wantjweza ngemkhumbi losuka e-Efesu.

KubaseRoma 1:10

Sonkhe sikhatsi emikhulekweni yami ngincusa kutsi Nkulunkulu, ngentsandvo yakhe, awente ematfuba ekutsi nginivakashele nome nini.

1 kubaseKorinthe 4:19

Kodvwa ngitawufika lapho kini masinyane, iNkhosi nayivuma, ngitetibonela, hhayi emavi alabo labatikhukhumetako, kodvwa emandla abo.

2 kubaseKorinthe 1:15

Kucala ngangifisa kuta kini, kuze nitewutfola umusa ngalokuphindziwe.

YaJakobe 4:15

Esikhundleni saloko ngabe nitsi: “INkhosi nayivuma, sitawuphila sente loku nalokwa.”