1 kubaseKorinthe 16:6 - Siswati 1996 Bible

⁶ Mhlawumbe ngingahle ngihlale lapho kini kudzimate kwendlule lobusika, kumbe ningangisita ekuchubekeni kwami, nome kukuphi la ngiya khona.

1 kubaseKorinthe 16:6 Referencias Cruzadas

Imisebenti yebaPhostoli 15:3

Endleleni yabo batfunywe libandla, basadzabula eFenisiya naseSamariya babika kutsi betive baphendvukela kanjani kuNkulunkulu; letindzaba taletsa kujabula lokukhulu kubazalwane bonkhe.

Imisebenti yebaPhostoli 17:15

Labo labaphekeletela Pawula bahamba naye baze bambeka e-Athene. Nase babuyela emuva eBheriya, babuya nemlayeto waboSilasi naThimothi uvela kuPawula kutsi babononopha befike kuye.

Imisebenti yebaPhostoli 20:38

Babedzabukiswe kakhulu ngemavi akhe labekawashito ekutsi ngeke baphindze babubone buso bakhe. Base bayamphekeletela baya naye emkhunjini.

Imisebenti yebaPhostoli 21:5

Kepha kwatsi kube kuphele sikhatsi sekuhlala kwetfu nabo, sabashiya sachubeka neluhambo lwetfu. Basiphekeletela bonkhe kanye nalabasikati nebantfwana, baze basibeka ngephandle kwalelidolobha. Sefika elugwini saguca sathandaza.

Imisebenti yebaPhostoli 27:12

Ngobe-ke kwakuyingoti nekuhlala kuleso sikhumulo ebusika labanyenti bebancokombele kona kutsi akuchutjekwe kwetanywe kuyawufika eFeniksi, nakwenteka. Leso bekusikhumulo saseKhrethe lesasibheke eNshonalanga yeNingizimu neNshonalanga yeNyakatfo, lapho bebangahle bacitse khona lobo busika.

Imisebenti yebaPhostoli 28:11

Ngemvakwetinyanga letintsatfu sesuka ngemkhumbi wase-Alekzandriya, lowawubitwa ngekutsi: “Emaphahla Asezulwini.” Wawucitse busika esichingini.

KubaseRoma 15:24

ngiyetsemba kutsi ngitakwendlula nginibone nase ngiya eSpaniya. Nase ngijabule nani sikhashane ngetsemba kutsi niyawungisita ngemalungiselelo nasengichubeka neluhambo lwami.

1 kubaseKorinthe 16:11

Ngako-ke kubete lomedzelelako, nimelekelele ngekumphekeletela endleleni naseta kimi, ngobe tsine nebazalwane simbhekile.

2 kubaseKorinthe 1:16

Ngangitimisele kwendlula kini, ngisaya eMasedoniya nome sengibuya khona, kuze ningisite nase ngiya eJudiya.

kuThithusi 3:12

Nase ngitfumele Athemasi nome Thikhikhusi lapho kuwe, ubosheshe ute kimi eNikhopolisi, ngobe sengincume kubucitsa khona busika.