1 kubaseKorinthe 16:1 - Siswati 1996 Bible

¹ Macondzana neminikelo lebutselwa kusita labangcwele, njengobe ngayala emabandla aseGalathiya, yentani njalo nani.

1 kubaseKorinthe 16:1 Referencias Cruzadas

Imisebenti yebaPhostoli 11:28

Lomunye wabo longu-Agabusi wasukuma ngemandla aMoya wabatjela ngendlala leyayitawufika emhlabeni wonkhe. Yaze yaba khona ngesikhatsi sekubusa uMbusi Klawudiyusi.

Imisebenti yebaPhostoli 11:30

Bakwenta loko batfumela imali kubabonisi belibandla ngaboBhanabasi naSawula.

Imisebenti yebaPhostoli 16:6

Base badzabula live laseFrigiya nelaseGalathiya, ngobe Moya Longcwele wabalela kushumayela livi leNkhosi eveni lase-Asiya.

Imisebenti yebaPhostoli 18:23

Emvakwekuhlala sikhashana lapho wase uyesuka udzabula tigodzi tetifundza taseGalathiya naseFrigiya ahambe akhutsata bonkhe bazalwane.

Imisebenti yebaPhostoli 24:17

“Emvakweminyaka leminyenti ngahamba, bengibuyele kuletsa tipho esiveni sakitsi kanye nekunikela imihlatjelo.

Imisebenti yebaPhostoli 9:13

Kepha Ananiyase waphendvula watsi: “Nkhosi, bantfu labanyenti sebangitjelile ngalendvodza, nangabo bonkhe budlova lebentile kubantfu bakho eJerusalema.

Imisebenti yebaPhostoli 9:41

Phetro wambamba ngesandla wamsukumisa. Wase ubita emakholwa nebafelokati, wabanika yena asaphilile.

KubaseRoma 12:13

Hlanganyelani nalabangcwele ekwesweleni kwabo, nikhutsale ekungeniseni tihambi.

1 kubaseKorinthe 11:34

Nakukhona lolambile, abodla ekhaya, khona ningetiwubutsanela kulahlwa. Lokunye lokusalako sengiyawukusho, nangifika lapho.

1 kubaseKorinthe 16:15

Bazalwane, niyati kutsi bakaStefanasi baba bekucala kubase-Akhaya labaphendvuka nekutsi batimisela kukhonta labangcwele.

1 kubaseKorinthe 4:17

Ngaloko-ke sengitfumele kini Thimothi, longumntfwanami lengimtsandzako nalowetsembekile eNkhosini. Nguye-ke lotanikhumbuta ngekuhamba kwami lokukuKhristu Jesu, njengobe ngifundzisa etindzaweni tonkhe nasemabandleni onkhe.

KubaseGalathiya 1:2

Iphuma kimi nakubo bonkhe bazalwane lenginabo. Iya emabandleni aseGalathiya.

KubaseGalathiya 2:10

Batsi nje kumelwe sikhumbule labamphofu, lebekungiyonantfo nami lebengiyikhutsalele.

kuFilemoni 1:5

ngobe sengivile ngelutsandvo lwakho kubantfu baNkulunkulu, ngeva nangekukholwa kwakho lonako eNkhosini Jesu.

kuFilemoni 1:7

Lutsandvo lwakho luyangijabulisa, futsi luyangikhutsata, mzalwane wami. Tinhlitiyo talabanyenti labangcwele tihlunyelelisiwe ngalo.

KumaHebheru 6:10

Ngobe phela Nkulunkulu akakhetsi, futsi angeke ayikhohlwe imisebenti yenu nelutsandvo lenilukhombise ekusiteni labangcwele, njengobe nenta namanje.

1 yaJohane 3:17

Nangabe umuntfu anako kwelive bese ubona umzalwane wakhe loswele, angamhawukeli, angasho kanjani kutsi lutsandvo lwaNkulunkulu luhlala enhlitiyweni yakhe?