1 kubaseKorinthe 15:5 - Siswati 1996 Bible

⁵ nekutsi wabonwa nguKhefase, wase ubonwa ngulabali-12.

1 kubaseKorinthe 15:5 Referencias Cruzadas

Makho 16:14

Emvakwaloko Jesu watibonakalisa kubafundzi bakhe labebali-11, wabakhandza basadla. Wabasola ngekungakholwa kwabo nangebulukhuni betinhlitiyo tabo. Phela bebangabakholwa labo lababetsi bambonile kutsi sewuvukile.

Johane 1:42

Wamyisa kuJesu, Jesu wambuka, watsi: “Wena unguSimoni, umsa waJohane. Libito lakho sekutaba nguKhefase.” (Lelibito lisho kutsi: “Phetro, lidvwala.”)

Imisebenti yebaPhostoli 10:41

noko akabonwanga ngabo bonkhe bantfu, kodvwa ngitsi kuphela lesibofakazi, tsine lesasivele sikhetfwe nguNkulunkulu. Sadla sanatsa naye ngemuva kwekuvuswa kwakhe nguNkulunkulu ekufeni.

1 kubaseKorinthe 1:12

Ngisho loku kwekutsi lomunye utsi: “Mine ngiwakaPawula,” lomunye atsi: “Mine ngiwaka-Apolosi,” nalomunye atsi: “Mine ngiwakaKhefase,” nalomunye atsi: “Mine ngiwakaKhristu.”

1 kubaseKorinthe 3:22

Nome nguPawula, nome ngu-Apolosi, nome nguKhefase, nome live, nome kuphila, nome kufa, nome ngulokukhona, nome ngulokusetawuba khona, konkhe kwenu.

1 kubaseKorinthe 9:5

Site yini lilungelo lekutsi lowo nalowo ahambe nemkakhe lokholwako, njengalabanye baphostoli, nabomnakabo beNkhosi, naKhefase?