1 kubaseKorinthe 15:3 - Siswati 1996 Bible

³ Ngobe nami nganinika loko lokubalulekile lengakwemukela, kutsi Khristu wafa ngenca yetono tetfu, njengaloko isho imiBhalo,

1 kubaseKorinthe 15:3 Referencias Cruzadas

Genesisi 3:15

Ngitawubeka butsa emkhatsini wakho nemfati, nasemkhatsini wentalo yakho nentalo yemfati. Yona iyawufihlita inhloko yakho, wena uyawuluma sitsendze sayo.”

Hezekeli 3:17

“Ndvodzana yemuntfu, sengikubeke kutsi ube ngumlindzi wendlu yaka-Israyeli; ngako-ke vani livi lengilikhulumako, ubanike secwayiso lesiphuma kimi.

Zakhariya 13:7

“Awu nkemba, vuka umelane nemelusi wami, umelane nemuntfu longumngani wami,” kusho Simakadze longuSomandla. “Shaya umelusi umbulale, timvu tiyawuhlakateka. Ngiyawugucula sandla sami etikwaletincane, ngimelane nato.”

Matewu 26:24

INdodzana yeMuntfu itawufa kambe, njengobe kubhaliwe ngayo, kepha maye kulowo muntfu, iNdvodzana yemuntfu letawutsengiswa nguye! Bekuyawuba ncono kulowo muntfu kube fane akatalwanga!”

Matewu 26:28

ngobe loku kuyingati yami yesivumelwane, lecitselwe labanyenti kube kutsetselelwa kwetono.

Lukha 24:25

Jesu wase utsi kubo: “Maye, nilibele, nekukholwa kwenu kubutsakatsaka ekwemukeleni loko lokwashiwo baphrofethi!

Johane 1:29

Ngakusasa Johane wabona Jesu eta kuye watsi: “Nalo liWundlu laNkulunkulu lelisusa sono selive!

Imisebenti yebaPhostoli 17:2

Njengemvamisa Pawula wangena esinagogeni, waphikisana nabo ngetemiBhalo emaSabatha lamatsatfu,

Imisebenti yebaPhostoli 3:18

Nkulunkulu wakumemetela kucala ngabo bonkhe baphrofethi kutsi Khristu abefanele kuhlupheka; nembala loko sekugcwalisekile ngalendlela.

Imisebenti yebaPhostoli 8:32

Abefundza indzawana emBhalweni lapho kutsi: “Njengemvu ilandzelwe kuyawuhlatjwa, nome lizinyane lemvu embikwemhhuli walo lithulile, akazange awuvule umlomo wakhe.

KubaseRoma 3:25

Nkulunkulu wamnikelela kutsi abe yinhlawulo ngengati yakhe; lenhlawulo-ke yemukeleka ngekukholwa. Ngalendlela Nkulunkulu sewubonakalise kulunga kwakhe ngekutsi ngaJesu ahlawule tono letatentiwa kadzeni Nkulunkulu angakatehluleli,

KubaseRoma 4:25

Wanikelelwa kutsi afe ngenca yetiphambuko tetfu, wavuswa khona atewusenta semukeleke kuNkulunkulu kutsi silungile.

1 kubaseKorinthe 11:2

Ngiyanincoma ngobe ningikhumbula etintfweni tonkhe, nibambelele etimfundzisweni lenganifundzisa tona.

1 kubaseKorinthe 11:23

Ngobe mine ngakwemukela eNkhosini loko lenganinika kona, kutsi iNkhosi Jesu ngalobo busuku latsengiswa ngabo, watsatsa sinkhwa,

2 kubaseKorinthe 5:21

Khristu abengenasono. Noko Nkulunkulu wamenta kutsi abe sono ngenca yetfu, kuze kutsi ngaye semukeleke kuNkulunkulu kutsi silungile.

KubaseGalathiya 1:12

Ngobe angilinikwanga ngumuntfu, kantsi futsi angilifundziswanga ngumuntfu, kodvwa ngalembulelwa nguJesu Khristu.

KubaseGalathiya 1:4

Nguye lowatinikela ngenca yetono tetfu, kuze kutsi ngentsandvo yaNkulunkulu longuBabe asephule kulesikhatsi lesibi.

KubaseGalathiya 3:13

Khristu wasihlenga esicalekisweni lesasiletfwe ngumtsetfo, ngekutsi abe sicalekiso endzaweni yetfu; ngobe kubhaliwe kutsi: “Ucalekisiwe wonkhe umuntfu lolenga emtsini.”

Kubase-Efesu 1:7

Ngengati yaJesu sinekuhlengwa nekutsetselelwa kwetono, ngekwengcebo yemusa,

Kubase-Efesu 5:2

Niphile imphilo yelutsandvo, njengobe naKhristu asitsandza watinikela ngenca yetfu, waba ngumnikelo nemhlatjelo loliphunga lelimnandzi kuNkulunkulu.

KumaHebheru 5:1

Lowo nalowo mPhristi Lomkhulu ukhetfwa emkhatsini webantfu amiselwe kumela bantfu kuNkulunkulu, kuze anikele tipho nemihlatjelo ngenca yetono.

KumaHebheru 5:3

Ngenca yalobo butsakatsaka bakhe, naye kudzingekile kutsi ente iminikelo yetono takhe, njengobe abentela labanye bantfu.

1 yaPhetro 1:11

Moya waKhristu abesavele asebenta kubo abakhombisa tinhlupheko lebetitakwehlela Khristu; waphindze wabakhombisa nebukhosi lobebutawulandzela leto tinhlupheko. Babehlolisisa kutsi kuyakwenteka nini loko, nekutsi kuyakwenteka kanjani.

1 yaPhetro 2:24

Khristu cobo lwakhe wetfwala tono tetfu emtimbeni wakhe, emtsini, kuze kutsi tsine singabe sisabuswa tono kodvwa siphile ekulungeni. “Niphiliswe ngemivimbo yakhe.”

1 yaPhetro 3:18

Khristu wafela tono tetfu, kwaba kanye, kwenela. Yena lolungile wafela labangakalungi, kuze animikise kuNkulunkulu. Wabulawa ngekwemtimba, kepha wavuswa ngaMoya waNkulunkulu.

1 yaJohane 2:2

nguye loyinhlawulo yetono tetfu, hhayi tetfu sodvwa, kodvwa netemhlaba wonkhe.

Sembulo 1:5

nakuJesu Khristu, fakazi lowetsembekile, litubulo lalabafile nembusi wemakhosi onkhe emhlaba. Kuye, lositsandzako nalowasikhulula etonweni tetfu ngengati yakhe,