1 kubaseKorinthe 13:6 - Siswati 1996 Bible

⁶ alukujabuleli lokubi, kodvwa lujabulela liciniso.

1 kubaseKorinthe 13:6 Referencias Cruzadas

Tihlabelelo 10:3

Lomubi utigabatisa ngetinkhanuko takhe; uyamtusa lohlazisako, yebo, lomubi wedzelela Nkulunkulu.

Tihlabelelo 119:136

Emehlo ami ageleta tinyembeti, ngobe bantfu abawugcini umtsetfo wakho.

Eksodusi 18:9

Jethro wajabula kakhulu nasalandziswe ngako konkhe lokuhle ema-Israyeli labekwentelwe nguSimakadze, nekuwakhulula kwakhe esandleni semaGibhithe.

Taga 14:9

Lababi abanandzaba nome bona; kodvwa bantfu labacotfo bayemukeleka kuNkulunkulu.

Jeremiya 13:17

Kodvwa naningalaleli, ngiyawukhala emasitseleni ngenca yeligcabho lenu. Emehlo ami ayawukhala kabuhlungu kabi agobhote tinyembeti, ngobe umhlambi waSimakadze uyawube utfunjiwe.

Jeremiya 20:10

Ngiva bayahebeta labanyenti batsi: “Sesabiso yonkhe indzawo! Mcebe! Asimcebe!” Bonkhe bangani bami balindzele mine kutsi ngishelele, batsi: “Mhlawumbe utawuyengeka; khona sitawube sesiyamehlula, sitiphindzisele kuye.”

Jeremiya 9:1

Kube mane inhloko yami beyisiyalu semanti nemehlo ami abe ngumtfombo wetinyembeti, bengitawukhala busuku nemini, ngenca yekubulawa ngesihluku kwesive sami!

Hoseya 4:8

Batondla ngetono tebantfu bami, bajatjuliswe bubi babo.

Hoseya 7:3

“Bajabulisa inkhosi ngebubi babo, bajabulise nebabusi ngemanga abo.

Mikha 7:8

Titsa tetfu kute letingasicoloshela ngako. Nome sesiwile, sitawuvuka futsi. Nome sesisebumnyameni kwanyalo, kodvwa Simakadze utawuba kukhanya kwetfu.

Matewu 18:13

Nginitjela ngitsi: Nakayitfola, utfokota kakhulu ngayo kunaleti letingema-99 lebetingakalahleki.

Lukha 22:5

Bajabula bavumelana kutsi batambhadala imali.

KubaseRoma 1:32

Bayawati umtsetfo waNkulunkulu lotsi bantfu labenta tintfo letinje bafanele kufa, kepha bona abagcini ngekutenta kuphela kodvwa besuka bavumelana nalabo labatentako.

KubaseRoma 12:9

Lutsandvo kufanele lubete kutentisa. Tondzani lokubi, nibambisise lokuhle.

KubaseFiliphi 1:18

Kepha kunani? Nome labanye bashumayela Khristu ngekutentisa, nome labanye bamshumayela ngeliciniso, lokumcoka kimi kutsi Khristu uyashunyayelwa nome nganguyiphi indlela. Loko-ke kuyangitfokotisa, futsi ngiyawuhlala ngitfokota.

KubaseFiliphi 1:4

Ngetikhatsi tonkhe, ekuncuseni kwami, nginithandazela nonkhe ngekutfokota.

KubaseFiliphi 3:18

Phela labanyenti lenganitjela kanyenti ngabo, nanyalo nginitjela ngetinyembeti ngabo ngitsi, sebahamba batitsa tesiphambano saKhristu.

2 kubaseThesalonika 2:12

Ngako-ke bonkhe labo labangazange balikholwe liciniso, kodvwa baba nenjabulo kuloko lokungakalungi, bayakwehlulelwa ngekulahlwa.

2 yaJohane 1:4

Maye, ngajabula, nangikhandza kutsi labanye bebantfwabakho bahamba ecinisweni, njengobe sayalwa nguBabe.