1 kubaseKorinthe 13:3 - Siswati 1996 Bible

³ Nome ngingephana ngako konkhe lenginako ngondle timphuya, nome futsi nginganikela ngisho nangemtimba wami kutsi ushiswe, kodvwa nangite lutsandvo, akungisiti ngalutfo.

1 kubaseKorinthe 13:3 Referencias Cruzadas

Isaya 57:12

Ngitakudalula kulunga kwakho kanye nemisebenti yakho, futsi ingeke ikusite ngalutfo.

Jeremiya 7:8

Kodvwa bukani la, nine netsembele emavini langemanga nalangenamsebenti.

Matewu 23:5

Konkhe labakwentako kwekutiveta kubantfu. Ngobe la etinhloko tabo sebandzise emabhande lanetikhehle temabhokisana letinemavesi emiBhalo, bese belula timvakaza temijiva yabo.

Lukha 18:22

Nakakuva loko Jesu, watsi kuyo: “Kusadzingeka wente intfo yinye, tsengisa ngako konkhe lonako, bese wabela timphuya lemali, uyawuba nemcebo ezulwini, bese uyeta uyangilandzela.”

Lukha 18:28

Phetro watsi: “Buka tsine, sishiye konkhe kwetfu salandzela wena.”

Lukha 19:8

Zakewu wasukuma watsi eNkhosini: “Nkhosi, ngiyawukhipha incenye yalenginako ngenetise labaswele; futsi nakukhona lengimdlelele, ngitakubuyisela sekuphindvwe kane.”

Johane 12:43

Babetsandza kakhulu kudvunyiswa bantfu kunekudvunyiswa nguNkulunkulu.

Johane 13:37

Phetro watsi: “Nkhosi, kwanyalo kwalani kutsi ngikulandzele? Ngikulungele nekufa ngenca yakho!”

Johane 15:13

Kute umuntfu lonelutsandvo lolukhulu kunalolu kwekutsi adzele kuphila kwakhe ngenca yetihlobo takhe.

Johane 6:63

Lokunika imphilo nguMoya; inyama ayinamsebenti; emavi lengiwakhuluma kini anguMoya, futsi akuphila.

Imisebenti yebaPhostoli 21:13

Kodvwa waphendvula watsi: “Nikhalelani kanjena nize ningidzabukise enhlitiyweni? Angikalindzeli kuphela kutsi ngiboshwe eJerusalema kepha ngilungele nekutsi ngife ngenca yeNkhosi Jesu.”

KubaseGalathiya 5:26

Asingafuni ludvumo lolulite, singacansulani, futsi singabi nemona lomunye kulomunye.

KubaseFiliphi 2:3

Ningenti lutfo ngembango nangeludvumo lwelive, kepha ngekutfobeka nishaye kungatsi labanye bakhulu kunani.

1 kuThimothi 4:8

Ngobe kwetayeta umtimba ngekwelula imisipha kunenzuzo kwesikhashana nje, kodvwa kumesaba Nkulunkulu kunenzuzo etintfweni letinyenti, ngobe kucuketse setsembiso semphilo yamanje kanye nesemphilo letako.

KumaHebheru 13:9

Ningedukiswa timfundziso letingatiwa letitinhlobonhlobo. Kuhle kutsi tinhlitiyo tetfu ticiniswe ngemusa, hhayi ngekugcina imitsetfo yekudla, ngobe labo labayigcinako ayibasiti ngalutfo.