1 kubaseKorinthe 12:27 - Siswati 1996 Bible

²⁷ Kepha nine ningumtimba waKhristu netitfo ngabanye.

1 kubaseKorinthe 12:27 Referencias Cruzadas

KubaseRoma 12:5

kanjalo-ke, natsi sibanyenti nje singumtimba munye kuKhristu, sititfo letehlukene lesinye kulesinye.

1 kubaseKorinthe 1:2

Iya ebandleni laNkulunkulu leliseKhorinte, kubo labangcwelisiwe kuKhristu Jesu, babitelwa kuba ngulabangcwele kanye nabo bonkhe, etindzaweni tonkhe, labakhuleka egameni laJesu Khristu, loyiNkhosi yabo neyetfu.

1 kubaseKorinthe 10:17

Sinkhwa sinye, ngako-ke tsine sonkhe singumtimba munye, ngobe sonkhe sihlanganyela esinkhweni sinye.

1 kubaseKorinthe 12:12

Njengobe nemtimba umunye, kepha unetitfo letinyenti, naloku titinyenti nje, kodvwa tingumtimba munye, unjalo-ke naKhristu.

1 kubaseKorinthe 12:26

Nangabe kuhlupheka sitfo sinye, kuhlupheka titfo tonkhe kanye naso; nangabe kudvunyiswa sitfo sinye, kujabula titfo tonkhe kanye naso.

1 kubaseKorinthe 6:15

Anati yini kutsi imitimba yenu ititfo taKhristu? Pho, ngingatsatsa titfo taKhristu ngitente titfo tengwadla nome tesiphingi? Cha, ngeke!

Kubase-Efesu 1:23

Libandla lingumtimba waKhristu, lokuphelela kwakhe kuphelelisa konkhe kuko konkhe.

Kubase-Efesu 4:12

Loko wakwentela kutsi labangcwele bahlonyiselwe umsebenti wabo wekukhonta, kuze kwakheke umtimba waKhristu,

Kubase-Efesu 5:23

Ngobe indvodza iyinhloko yemfati, njengobe naKhristu ayinhloko yelibandla, yena unguMsindzisi welibandla lelingumtimba wakhe.

Kubase-Efesu 5:30

ngobe singemalunga emtimba wakhe.

KubaseKholose 1:18

Yona iyinhloko yemtimba wayo, libandla; ngiyo lesicalo, nelitubulo kulabafile, kuze kutsi kuko konkhe ibe yekucala.

KubaseKholose 1:24

Namanje ngijabulela kuhlushwa kwami ngenca yenu, emtimbeni wami ngiphelelisela loko lokwasilela elusizini lwaJesu Khristu, ngenca yemtimba wakhe lolibandla.

KubaseKholose 2:19

Lowo sewuyekele kusima kuKhristu loyinhloko, lokusitwa ngaye umtimba wonkhe, uhlanganiswe ngemalunga nemisipha, ukhule ngekukhula kwaNkulunkulu.