1 kubaseKorinthe 12:18 - Siswati 1996 Bible

¹⁸ Kodvwa manje Nkulunkulu umisile titfo tonkhe, nguleso naleso emtimbeni, njengekutsandza kwakhe.

1 kubaseKorinthe 12:18 Referencias Cruzadas

Tihlabelelo 110:3

Sive sakho siyawutinikela mhlazana ulwa netitsa takho, emabutfo akho ayawuta kuwe ahlobe ngemvunulo lengcwele, ayawuvela njengematolo asentsatsakusa.

Tihlabelelo 135:6

Konkhe Simakadze lakutsandzako uyakwenta emazulwini nasemhlabeni, etilwandle kanye nasekujuleni konkhe.

Isaya 46:10

Ngimemetela siphetfo kusukela ekucaleni, kusukela etikhatsini takadzeni ngimemetela loko lokutakwenteka. Ngitsi mine: ‘Injongo yami iyakuma, ngiyawukwenta konkhe loko lese ngikuhlelile.’

Jona 1:14

Ngako base bakhala kuSimakadze, batsi: “Awu, Simakadze waJona, siyakuncenga, ungasibhubhisi ngenca yalomuntfu! Ungalibeki etikwetfu licala lengati lengenacala! Nguwe, Simakadze waJona, lowente konkhe loku!”

Lukha 10:21

Ngaso leso sikhatsi Jesu wajabula kuMoya Longcwele, watsi: “Yebo, Babe, Nkhosi yelizulu nemhlaba, konkhe loku utifihlele tati netihlakaniphi, kodvwa wakwembula kubantfwana. Yebo, Babe, loko kwaba yintsandvo yakho.

Lukha 12:32

“Ningesabi, mhlambi lomncane, ngobe uYihlo utfokotela kona kutsi aninike umbuso.

KubaseRoma 12:3

Ngenca yesipho semusa saNkulunkulu kimi, ngitsi kini nonkhe: Ningacabangi kutsi nibakhulu kunaloku leningiko. Esikhundleni saloko zitsani ekucabangeni kwenu, ngulowo nalowo atehlulele ngebungako bekukholwa kwakhe lakunikwe nguNkulunkulu.

KubaseRoma 12:6

Ngako kufanele sisebentise tipho tetfu letehlukene ngekwemusa lesinikwe wona: Nakusekuphrofetha, asisisebentise ngekwesilinganiso sekukholwa kwetfu;

1 kubaseKorinthe 12:11

Konkhe loko kusetjentwa nguye lowo Moya munye, ababela ngulowo nalowo njengekutsandza kwakhe.

1 kubaseKorinthe 12:17

Kube umtimba wonkhe bewuliso, ngabe uva ngani? Kube umtimba wonkhe bewuyindlebe, ngabe liphunga liviwa ngani?

1 kubaseKorinthe 12:19

Kube kambe titfo tonkhe betisitfo sinye, umtimba ngabe uphi?

1 kubaseKorinthe 12:24

kunaleto lesingenamahloni ngato. Kepha Nkulunkulu wawuhlanganisa umtimba, wanika leti letedzelelekile ludvumo lolukhulu kakhulu,

1 kubaseKorinthe 12:28

Nkulunkulu umise labatsite ebandleni: kucala baphostoli, kwesibili baphrofethi, kwesitsatfu bafundzisi, bese kuba ngulabenta imisebenti yemandla, nalabanetiphiwo temusa tekuphilisa, nebasiti, nebaholi, nalabakhuluma ngetilimi.

1 kubaseKorinthe 15:38

Kepha Nkulunkulu unika inhlanyelo simo sayo ngekutsandza kwakhe, ngulolo nalolo luhlobo lwenhlanyelo lunesimo salo.

1 kubaseKorinthe 3:5

Pho, uyini Apolosi? Uyini Pawula? Batisebenti nje taNkulunkulu lenakholwa ngato, letisebenta njengekwaba kweNkhosi kuleso nakuleso sato.

Kubase-Efesu 1:5

Nkulunkulu wavele wasikhetsanchanti ngekwenjongo yentsandvo yakhe, wasenta emadvodzana akhe ngaJesu Khristu.

Kubase-Efesu 1:9

Nkulunkulu wakubona kufanele kutsi asatise imfihlakalo yentsandvo yakhe, labeyimisile ngaKhristu kwasekucaleni.

Sembulo 4:11

“Ufanele wena, Nkulunkulu, loyiNkhosi yetfu, kutsi wemukele bukhosi, neludvumo, nemandla, ngobe konkhe kwadalwa nguwe. Konkhe kwenteka ngentsandvo yakho, kwadalwa ngayo.”