1 kubaseKorinthe 11:4 - Siswati 1996 Bible

⁴ Nguleyo naleyo ndvodza lesuke ithandaza nome iphrofetha ifake lutfo enhloko, isuke ihlazisa inhloko yayo, Khristu.

1 kubaseKorinthe 11:4 Referencias Cruzadas

2 Samuweli 15:30

Kodvwa Davide yena wachubeka wenyuka iNtsaba Yemincumo, ahambe akhala; inhloko yakhe yayimbonyiwe, nasetinyaweni angakafaki lutfo. Bonkhe bantfu lababenaye lapho babembonye tinhloko tabo, nabo benyuka bakhala.

2 Samuweli 19:4

Inkhosi yambonya buso bayo, yadzatimula yakhala yatsi: “Awu, ndvodzana yami, Absalomu, ndvodzana yami, ndvodzana yami!”

Mikha 7:6

Kuletikhatsi emadvodzana aphatsa boyise njengetilima, nemadvodzakati aphindzilitana nabonina, bese kutsi bomakoti baphambane naboninatala; yebo, titsa temuntfu bantfu bemndeni wakhe.

Imisebenti yebaPhostoli 13:1

Ebandleni lase-Antiyokhi kwakunebaphrofethi nebafundzisi: Bhanabasi, naSimeyoni (lobitwa ngekutsi Mnyama), naLusiyusi waseSirene, naManayeni lowakhula naHerodi, umbusi, naSawula.

1 kubaseKorinthe 11:14

Imvelo yona ngekwayo ayisiyo yini lefundzisa kutsi indvodza lenetinwele letindze iyatihlazisa?

1 kubaseKorinthe 11:5

Kepha ngulowo nalowo mfati losuke athandaza nome aphrofetha, angabophi lutfo enhloko, usuke ahlazisa inhloko yakhe, indvodza yakhe, ngobe loko kuyaye kufanane nekutsi uhhulile.

1 kubaseKorinthe 12:10

lomunye kwenta imisebenti yemandla, lomunye kuphrofetha, lomunye kwehlukanisa imimoya, lomunye kukhuluma ngetilimi, lomunye kuhumusha tilimi.

1 kubaseKorinthe 12:28

Nkulunkulu umise labatsite ebandleni: kucala baphostoli, kwesibili baphrofethi, kwesitsatfu bafundzisi, bese kuba ngulabenta imisebenti yemandla, nalabanetiphiwo temusa tekuphilisa, nebasiti, nebaholi, nalabakhuluma ngetilimi.

1 kubaseKorinthe 13:2

Nome ngingaphrofetha ngati timfihlakalo tonkhe, nelwati lonkhe, nome nginekukholwa lokukhulu kangangekutsi ngingasusa tintsaba, kepha nangite lutsandvo, angisiyontfo yalutfo.

1 kubaseThesalonika 5:20

Ningakwedzeleli kuphrofetha.