1 kubaseKorinthe 11:3 - Siswati 1996 Bible

³ Kepha-ke ngitsandza kutsi nati kutsi, inhloko yawo onkhe emadvodza nguKhristu, nenhloko yemfati yindvodza, nenhloko yaKhristu nguNkulunkulu.

1 kubaseKorinthe 11:3 Referencias Cruzadas

Genesisi 3:16

Watsi kumfati: “Ngitakwandzisa buhlungu ekukhulelweni kwakho, bube bukhulu kakhulu; uyawutala bantfwana kabuhlungu. Kufisa kwakho kuyawubasendvodzeni yakho, yona iyakukubusa.”

Isaya 52:13

“Buka la, inceku yami iyawuphumelela emsebentini wayo, iyawuvuswa iphakanyiselwe etulu kakhulu.

Isaya 55:4

Buka la, ngimbeke waba ngufakazi etiveni, yebo, umholi nendvuna yetive.

Matewu 28:18

Jesu wasondzela kubo watsi: “Ngiphiwe emandla onkhe ezulwini nasemhlabeni.

Johane 14:28

Ningivile ngitsi kini: ‘Ngiyahamba, kodvwa ngitawubuya ngite kini.’ Kube beningitsandza, ngabe niyajabula kutsi ngiya kuBabe, ngobe Babe mkhulu kunami.

1 kubaseKorinthe 3:23

Nine-ke nibaKhristu, Khristu waNkulunkulu.

Kubase-Efesu 4:15

Kodvwa asikhulume liciniso ngelutsandvo, kuze sikhule ngako konkhe kuye, longuyena ayinhloko, Khristu.

KubaseKholose 1:18

Yona iyinhloko yemtimba wayo, libandla; ngiyo lesicalo, nelitubulo kulabafile, kuze kutsi kuko konkhe ibe yekucala.

KubaseKholose 2:10

Nani-ke seniphelelisiwe kuye, yena loyinhloko yemibuso neyemandla onkhe.

KubaseKholose 2:19

Lowo sewuyekele kusima kuKhristu loyinhloko, lokusitwa ngaye umtimba wonkhe, uhlanganiswe ngemalunga nemisipha, ukhule ngekukhula kwaNkulunkulu.

KubaseKholose 3:18

Bafati, tfobelani emadvodza enu, njengalokufanele eNkhosini.

1 yaPhetro 3:1

Ngalokufananako-ke, nani bafati, tfobelani emadvodza enu, kuze kutsi nakukhona emadvodza langalikholwa livi, nawo azuzeke ngaphandle kwenkhulumo, azuzwe yintfobeko yebafati bawo,