1 kubaseKorinthe 11:24 - Siswati 1996 Bible

²⁴ wabonga wasihlephula, watsi: “Loku ngumtimba wami lohleshulelwe nine. Loku kwenteni kuze ningikhumbule.”

1 kubaseKorinthe 11:24 Referencias Cruzadas

Tihlabelelo 111:4

Wente timangaliso takhe kutsi tikhumbuleke. Simakadze unemusa nebubele.

Tihlabelelo 22:26

Labatitfobako bayawudla besutse, labafuna Simakadze bayawumdvumisa, bahalaliselwe kutsiwe: “Shangatsi ningaphila phakadze naphakadze!”

Tihlabelelo 22:29

Yebo, bonkhe labacebile emhlabeni, bayawudla bakhotsame embikwakhe; bonkhe labayakuya phansi elutfulini, bayawuguca embikwakhe bakhonte, yebo, nabo bonkhe labangeke batibambe kutsi bafe.

Eksodusi 12:14

Lelilanga liyawuba sikhumbuto kini, niyawuligcina libe lilanga lemkhosi kuSimakadze. Tonkhe titukulwane tenu tiyawulenta libe lilanga lemkhosi kuze kube ngunini nanini.”

Eksodusi 28:12

Lamatje ubowafaka kulemichilo lebophela lesidziya emahlombe. Aroni utabowagaca emahlombe lamabito emadvodzana aka-Israyeli njalo nje naketa kimi, kuze kube sikhumbuto.

Taga 9:5

wotani nitewudla kudla kwami, ninatse neliwayini lengilihlanganisile.

Ingoma Yetingoma 1:4

Ngitsatse ngihambe nawe, asisheshise! Inkhosi ayingingenise esigodlweni sayo. Siyajabula sikutsakasele; sitaludvumisa lutsandvo lwakho, siludvumise kwendlula liwayini. Kufanele kutsi bakutsandze.

Ingoma Yetingoma 5:1

Sengifikile engadzeni yami, dzadzewetfu, mntfwanaketfu, ngibutse imure yami nemakha ami. Ngiludlile luhlanga lwami lwetinyosi neluju; sengilinatsile liwayini lami nelubisi lwami. Dlanini, bomngami, ninatse; natsisisani lutsandvo, nine titsandzani.

Isaya 25:6

Kulentsaba Simakadze longuSomandla utakwentela bantfu bonkhe lidzili lalokukhuluphele, lelimnandzi, yebo, lidzili leliwayini lelidzala lakadzeni, inyama lenhle kakhulu, netinhlobo letimnandzi teliwayini.

Isaya 26:8

Yebo, Simakadze, sihamba endleleni yemitsetfo yakho, silindzela wena; Libito lakho neludvumo lwakho ngutona tifiso tetinhlitiyo tetfu.

Matewu 26:13

Ngicinisile, ngitsi kini: Nome ngukuphi lapho liyawushunyayelwa khona leliVangeli emhlabeni wonkhe, kuyawukhulunywa ngalesento sakhe, kube sikhumbuto ngaye.”

1 kubaseKorinthe 11:23

Ngobe mine ngakwemukela eNkhosini loko lenganinika kona, kutsi iNkhosi Jesu ngalobo busuku latsengiswa ngabo, watsatsa sinkhwa,

1 kubaseKorinthe 11:25

Ngalokufananako watsatsa indzebe emvakwekudla kwakusihlwa, watsi: “Lendzebe sivumelwane lesisha, lesentiwe ngengati yami; yentani loku ngetikhatsi tonkhe, naninatsa kuyo, kuze ningikhumbule.”

Joshuwa 4:7

bese niyabatjela kutsi emanti eJordane ema angete ageleta, ngesikhatsi kwewela libhokisi lesivumelwane saSimakadze. Latsi nalewela iJordane, emanti ema angete ageleta. Lamatje ayawuba sikhumbuto esiveni sema-Israyeli phakadze naphakadze.”