1 kubaseKorinthe 10:10 - Siswati 1996 Bible

¹⁰ Ningakhononi njengalabanye kubo labakhonona, babhujiswa ngumbhubhisi.

1 kubaseKorinthe 10:10 Referencias Cruzadas

2 Samuweli 24:16

Kwatsi nje ingilosi yaSimakadze nayelula sandla sayo seyitawubhubhisa iJerusalema, Simakadze wadzabuka, nakabona lobusacasaca bekufa kwesive sakhe, wase ukhuluma kulengilosi yakhe leyayibulala labantfu, watsi: “Sekwenele! Susa sandla sakho!” Ngaleso sikhatsi lengilosi yaSimakadze yase ime ebaleni lekubhulela kolo laka-Arawuna, umJebhusi.

1 Tikhronike 21:15

Nkulunkulu watfumela ingilosi kutsi iyewubhubhisa iJerusalema. Kodvwa ingilosi yatsi isakwenta loko, Simakadze wakubona, wadzabuka ngalobusacasaca lobabehlela bantfu bakhe, wase utsi kulengilosi leyayibhubhisa bantfu: “Sekwenele! Susa sandla sakho.” Ngaleso sikhatsi ingilosi yaSimakadze yase ime ngasebaleni lekubhulela kolo laka-Arawuna, umJebhusi.

2 Tikhronike 32:21

Simakadze wase utfumela ingilosi, yafike yawabhubhisa ngenkemba onkhe emachawe lanemandla, nebaholi, netindvuna, yabacedza bonkhe lababelapho enkambu yenkhosi yase-Asiriya. Senaheribi wabuyela emuva eveni lakhe ajojobele. Watsi uyawungena ethempelini lalonkulunkulu wakhe, lamanye emadvodzana akhe amenta silo sengubo, amjuba ngenkemba.

Tihlabelelo 106:25

Bakhonona basemathendeni abo, abazange balilalele livi laSimakadze.

Eksodusi 12:23

Kutawutsi Simakadze nadzabula live, atewubulala emaGibhithe, abone ingati etinsikeni nasetulu eminyango yenu, bese uyendlula angayivumeli ingilosi yekufa kutsi ingene etindlini tenu inibulale.

Eksodusi 15:24

Bantfu basola Mosi, bambuta batsi: “Sitawunatsani?”

Numeri 14:2

Onkhe ema-Israyeli asola boMosi na-Aroni atsi kubo: “Kube samane safela eGibhithe nome ehlane.

Numeri 14:37

yebo, lamadvodza lafike asakata lomoya wekusola ngekuletsa umbiko lomubi ngalelive, ashaywa ngesifo afa, embikwaSimakadze.

Numeri 16:11

Kuphambene naSimakadze kutsi wena nalabalandzeli bakho nihlangane ngekududana kanje. Ngubani yena lo-Aroni kutsi ningemelana naye nine?”

Numeri 16:41

Kwatsi ngakusasa sive sonkhe sema-Israyeli sabasola boMosi na-Aroni sitsi: “Senibulele bantfu baSimakadze.”

Numeri 17:10

Simakadze wakhuluma kuMosi, watsi: “Buyisela indvuku ya-Aroni uyibeke embikwelibhokisi lesivumelwane, igcinelwe kutsi ibe secwayiso kulabahlubukako. Loko kutawucedza kungisola nekumelana kwabo nami, khona bangetikufa.”

Numeri 17:5

Indvuku yalowo lengimkhetsile itawuhluma, ngitakucedza kanjalo kusola kwalama-Israyeli lakhononako.”

Imisebenti yebaPhostoli 12:23

Khona lapho ingilosi yeNkhosi yashaya Herodi, ngobe abengamniki Nkulunkulu ludvumo. Wadliwa tibungu waze wafa.

KubaseFiliphi 2:14

Yentani konkhe ningakhononi, ningaphikisani,

KumaHebheru 11:28

Ngekukholwa wasungula liPhasika ngekunyenyeta ingati, kuze kutsi ematubulo ema-Israyeli angabulawa ngumbulali.

YaJuda 1:16

Labantfu laba bati kukhonona nje nekusola yonkhe intfo, bahamba ngetinkhanuko tabo letimbi, bayatigabatisa, bashaya ticetse, khona kutawuphumelela bona.

Sembulo 16:1

Ngase ngiva livi lelikhulu liphuma ethempelini litjela tingilosi letisikhombisa litsi: “Hambani niyewutfululela emhlabeni letitja letisikhombisa letinelulaka lwaNkulunkulu.”