1 kubaseKorinthe 10:1 - Siswati 1996 Bible

¹ Ngitsandza kutsi nati, bazalwane bami, kutsi kwentekani kubokhokho betfu. Bonkhe babengephansi kwelifu, futsi bonkhe balwewela lwandle.

1 kubaseKorinthe 10:1 Referencias Cruzadas

Nehemiya 9:19

“Noko ngenca yesihawu sakho lesikhulu awuzange ubashiye bodvwa ehlane. Emini insika yelifu ayizange iyekele kubahola endleleni yabo, kanjalo nasebusuku insika yemlilo ayizange iyekele kubakhanyisela indlela lababefanele bahambe ngayo.

Tihlabelelo 105:39

Wendlala lifu, laba ngumpheme wekubambonya, wabentela umlilo wekubakhanyisela ebusuku.

Tihlabelelo 66:6

Lwandle walugucula lwaba ngumhlabatsi lowomile, bokhokho bewela umfula ngetinyawo. Wotani sijabule kuye.

Tihlabelelo 78:53

Wabahola baphepha bangesabi lutfo, kepha lwandle lwatimbonya titsa tabo.

Eksodusi 14:29

Kodvwa ema-Israyeli wona abewele emhlabatsini lowomile elwandle, futsi nemanti ajinge achubeka kuma tindvonga ngesekudla nangesancele.

Eksodusi 40:34

Lifu lasibekela lithende lekuhlangana, inkhatimulo yaSimakadze yagcwalisa lithende lekukhontela.

Numeri 14:14

Loko ayakukutjela letive letakhe kulelive. Nabo labantfu bakulesive sebevile kutsi wena, Simakadze, usemkhatsini walesive nekutsi wena, Simakadze, ubonakala kuso buso nebuso; lifu lakho lihlala etikwabo, nekutsi emini uhamba embikwabo ngensika yelifu, bese kutsi ebusuku uhambe embikwabo ngensika yemlilo.

Numeri 33:8

Esuka ePhi Hahirothi, adzabula lwandle ekhatsi ewelela ehlane, atsi kube ahambe emalanga lamatsatfu eHlane lase-Ethamu, emisa eMara.

Johane 4:20

Bokhokho betfu bemaSamariya bebakhonta Nkulunkulu kuyo lentsaba, nine maJuda-ke nitsi iseJerusalema indzawo lapho kufanele kukhontelwe Nkulunkulu khona.”

KubaseRoma 1:13

Kufanele nati, bazalwane bami, kutsi sengemahlandla lamanyenti kanganani ngetama kunivakashela, kodvwa bengisolomane ngivimbeleka, kwadzimate kwaba ngulamuhla. Kukhona lengifuna kubazuza baphendvuke emkhatsini wenu, njengobe ngentile nakulabanye betive,

KubaseRoma 11:21

Ngobe nangabe Nkulunkulu angazange awaphephise emagala emvelo, kuyakhanya kutsi nawe angeke akuphephise.

KubaseRoma 4:11

Wasoka muva, lokusoka kwaba luphawu lwekucinisa kutsi ngenca yekukholwa kwa-Abrahama Nkulunkulu abesamemukele ngekutsi ulungile, ngaphambi kwekutsi asoke. Ngako-ke Abrahama waba nguyise wabo bonkhe labakholwa nguNkulunkulu bese bemukelwa nguye kutsi balungile, nome bangakasoki.

1 kubaseKorinthe 12:1

Kepha macondzana netiphiwo taMoya, bazalwane, angitsandzi kutsi ningati lutfo ngato.

1 kubaseKorinthe 14:38

Kepha umuntfu nangakunaki loku, akanganakwa naye.

KubaseGalathiya 3:29

Nangabe-ke nibaKhristu, niyintalelwana ya-Abrahama, nitindlalifa ngekwesetsembiso.

Dutheronomi 1:33

labehamba embikwenu, ngemlilo ebusuku nangelifu emini. Loko abekwentela kunifunela tindzawo lapho ningemisa khona, nekutsi anikhombise indlela lekufanele nihambe ngayo.”

KumaHebheru 11:29

Ngekukholwa ema-Israyeli ewela Lwandle Lolubovu, kwaba shangatsi kusemhlabatsini lowomile; atsi emaGibhithe ayakwenta loko, acwila, afa.

Joshuwa 4:23

Ngobe Simakadze Nkulunkulu wenu wawomisa umfula iJordane embikwenu, naze newela nonkhe naphelela. Simakadze Nkulunkulu wenu wenta eJordane kona loko lakwenta eLwandle Lolubovu, ngesikhatsi alomisa embikwetfu, saze sewela sonkhe saphelela.