1 kubaseKorinthe 1:8 - Siswati 1996 Bible

⁸ Yena uyawunicinisa nani, kudzimate kube ngusekupheleni, nitfolakale nite licala mzukwana welilanga leNkhosi yetfu Jesu Khristu.

1 kubaseKorinthe 1:8 Referencias Cruzadas

Tihlabelelo 37:17

Emandla alababi ayawukwephulwa, kodvwa Simakadze uyabaphasa labalungile.

Tihlabelelo 37:28

Ngobe Simakadze uyakutsandza kwenta tintfo ngendlela lefanele, angeke abayekelele labangcwele bakhe. Labalungile bayawulondvoloteka phakadze naphakadze; kodvwa bantfwana balomubi bayawushabalaliswa.

Lukha 17:24

Njengembane ubaneka uvundla kabili esibhakabhakeni, iyawuba njalo neNdvodzana yeMuntfu ngelilanga layo.

Lukha 17:30

Kuyawuba njalo nangelilanga leyiyakwembulwa ngalo iNdvodzana yeMuntfu.

KubaseRoma 14:4

Ungubani wena kutsi ungehlulela sisebenti salomunye? Kuma nekuwa kwaso kwenkhosi yaso; kodvwa siyakuma ngobe iNkhosi inemandla ekusimisa.

KubaseRoma 16:25

Asimdvumise Nkulunkulu! Nguye lonemandla ekunicinisa ngeliVangeli lami nangetinshumayelo ngaJesu Khristu, ngekwesembulo semfihlakalo yeliciniso lelalifihlakele kusukela phakadze,

KubaseRoma 8:19

Indalo yonkhe ilindzele ngekulangatelela lokukhulu kutsi Nkulunkulu embule emadvodzana akhe.

1 kubaseKorinthe 3:13

Kepha umsebenti walowo nalowo uyawuvela ebaleni; ngobe lilanga leNkhosi liyakuwuhlakata liwembule ngemlilo. Yebo, kuyawuhlolwa ngemlilo kutsi umsebenti walowo nalowo unjani.

1 kubaseKorinthe 5:5

lowo muntfu mnikeleni kuSathane ekufeni kwemtimba wakhe, khona kuyawusindziswa umoya wakhe ngelilanga leNkhosi Jesu.

2 kubaseKorinthe 1:13

Sinibhalele loku, lokutawutsi nanikufundza, nikuve. Ngiyetsemba kutsi niyawukuva kahle, kudzimate kube ngusekugcineni,

2 kubaseKorinthe 1:14

njengaloku senibonabona kutsi tsine singaba ligugu lenu, nani nibe ligugu letfu ngalelo langa lekubuya kweNkhosi yetfu Jesu.

2 kubaseKorinthe 1:21

NguNkulunkulu losicinisako tsine kanye nani kuKhristu. NguNkulunkulu futsi lowasigcoba,

Kubase-Efesu 5:27

khona atetimisela libandla lelinebukhosi, lingabi nabala nome sici nome yini lokunjalo; kodvwa libe ngcwele lingabi nacala.

KubaseFiliphi 1:10

nize nikwati kwehlukanisa lokuncono, nibe msulwa nibete sici, kuze kube lilanga laKhristu.

KubaseFiliphi 1:6

Nginelitsemba leliphelele kutsi lowo lowacala umsebenti lomuhle kini, uyakuwufeza kuze kube lilanga laKhristu Jesu.

KubaseKholose 1:22

Kodvwa nyalo Nkulunkulu sewubuyisene nani ngekucitsa ingati yaJesu esiphambanweni, kuze kutsi animise ningcwele, ningenasici, ningenacala embikwakhe.

KubaseKholose 2:7

nisime ngekugcila, futsi nakhelwe kuye, niciniswe ekukholweni, njengaloku nifundzisiwe, nivame kubonga.

1 kubaseThesalonika 3:13

kuze kutsi icinise tinhlitiyo tenu tingabi nacala, kodvwa tibe ngcwele ebukhoneni baNkulunkulu, longuBabe, nakufika iNkhosi yetfu Jesu nabo bonkhe labangcwele bakhe.

1 kubaseThesalonika 5:2

Ngobe nine ngekwenu nati kahle kamhlophe kutsi lilanga leNkhosi liyawufika, njengelisela lifika ebusuku.

2 kubaseThesalonika 2:2

kutsi ningasheshi nidvungeke engcondvweni yenu, ningetfuswa ngumoya nome ngemavi, nome yincwadzi lekungatsi iphuma kitsi. Konkhe loku kunganetfusi kutsi lilanga leNkhosi selifikile.

2 kubaseThesalonika 3:3

Kodvwa iNkhosi yetsembekile, iyawunicinisa, ineluse, iniphephise kuLomubi.

2 kuThimothi 1:12

kungako nje ngihlupheka nanyalo. Kodvwa ngite emahloni, ngobe ngiyamati lengetsembele kuye, futsi ngineliciniso kutsi yena unawo emandla ekukulondvolota loko lakubeke kimi, kuze kube ngalelo langa.

2 kuThimothi 1:18

futsi uyayati kahle yonkhe imisebenti yakhe lemihle labetinikele kuyo e-Efesu. Shangatsi iNkhosi ingamhawukela ngalelo langa!

1 yaPhetro 5:10

Emvakwekuhlupheka kwalesikhashana Nkulunkulu wemusa wonkhe, lowanibitela kutsi nihlanganyele naKhristu ebukhosini baphakadze, yena matfupha uyawuniphelelisa, anakhe anicinise, anitintise.

2 yaPhetro 3:10

Kepha lilanga leNkhosi liyawufika njengelisela, mhlazana emazulu ayakwendlula ngekuhlokoma; tonkhe tisekelo temkhatsi tiyakusha tincibilike, umhlaba nemisebenti lekuwo kuyawusha.

2 yaPhetro 3:14

Ngako-ke, batsandzekako, njengobe nisalindzele leto tintfo, yentani konkhe lokusemandleni enu, kutsi anikhandze ninekuthula, ningenasici ningenabala.