1 kubaseKorinthe 1:10 - Siswati 1996 Bible

¹⁰ Bazalwane bami labatsandzekako, ngiyanincenga ngelibito leNkhosi yetfu Jesu Khristu kutsi nivumelane ngantfo yinye nonkhe; kubete kwehlukana emkhatsini wenu, kodvwa nipheleliswe emcondvweni munye nasembonweni munye.

1 kubaseKorinthe 1:10 Referencias Cruzadas

Tihlabelelo 133:1

Maye, kuhle kumnandzi kuhlalisana kwebazalwane ngekuvana.

Jeremiya 32:39

Ngiyawubanika inhlitiyo yebunye nekwenta intfo yinye, khona batewuhlala bangesaba mine, loko kube lusito kubo nakubantfwababo emvakwabo.

Matewu 9:16

“Kute umuntfu lochibela ingubo lendzala ngesichibi lesisha; ngobe lesichibi sitayidzabula lengubo, sente imbobo lenkhulu.

Makho 2:21

“Ingubo lendzala ayichitjelwa ngesichibi lesisha. Nakungentiwa njalo, lesichibi lesisha singadzabula lengubo lendzala, kwenteke imbobo lenkhulu kuneyakucala.

Makho 3:24

Nangabe umbuso wehlukene ekhatsi, lowo mbuso ngeke ume.

Johane 10:19

Kwaphindze kwaba khona kwehlukana futsi emkhatsini wemaJuda ngalamavi akhe.

Johane 17:23

mine ngikubo, nawe ukimi, bapheleliswe ebunyeni, kuze live lati kutsi wangitfuma nekutsi nabo uyabatsandza, njengobe nami wangitsandza.

Johane 7:43

Ngako lesicumbi sase sehlukana ekhatsi ngaye.

Johane 9:16

Labanye baFarisi batsi: “Lomuntfu lowente loku akaphumi khona kuNkulunkulu, ngobe naku akawuhloniphi umtsetfo weliSabatha.” Labanye batsi: “Umuntfu losoni angatenta kanjani tibonakaliso letinje?” Kwaba khona kwehlukana emkhatsini wabo.

Imisebenti yebaPhostoli 4:32

Lesicumbi semakholwa sasimcondvo munye nanhlitiyo yinye. Akekho labetsi kwakhe ngekwakhe yedvwa, kodvwa bonkhe benetisana ngako konkhe labebanako.

KubaseRoma 1:13

Kufanele nati, bazalwane bami, kutsi sengemahlandla lamanyenti kanganani ngetama kunivakashela, kodvwa bengisolomane ngivimbeleka, kwadzimate kwaba ngulamuhla. Kukhona lengifuna kubazuza baphendvuke emkhatsini wenu, njengobe ngentile nakulabanye betive,

KubaseRoma 12:1

Ngako-ke, bazalwane, njengobe Nkulunkulu ube nesihawu lesikhulu kangaka kitsi, ngiyanincenga ngitsi nikelani imitimba yenu ibe ngumnikelo lophilako, nalongcwele, nalowemukeleka kuNkulunkulu; leyo-ke nguyona nkonzo yenu sibili.

KubaseRoma 12:16

Nibambisane ngamoya munye nonkhe. Ningafisi lokuphakeme, kodvwa nibe nebudlelwane nalabatfobekile. Ningacabangi kutsi nihlakaniphile.

KubaseRoma 15:30

Ngiyanincenga, bazalwane, ngeNkhosi yetfu Jesu Khristu nangelutsandvo lwaMoya kutsi nilwe kanye nami ekungikhulekeleni kwenu, kuNkulunkulu.

KubaseRoma 16:17

Ngiyanincenga, bazalwane bami, kutsi nicaphele labo lababanga kwehlukana netikhubekiso, baphambane nemfundziso lenayemukela; labo bagegeni.

1 kubaseKorinthe 1:11

Loku ngikusho ngobe sengivile ngani, bazalwane bami, ngitjelwe bendlu yakaKlowe, kutsi kukhona siphitsiphitsi sekwehlukana emkhatsini wenu.

1 kubaseKorinthe 11:18

Ngobe kwekucala nje, nanihlangana njengelibandla, ngiva kutsi kuyaye kube khona kwehlukana emkhatsini wenu, lengicishe ngikukholwe.

1 kubaseKorinthe 12:25

kuze kubete kwehlukana emtimbeni kepha titfo tonkhe tinakekelane ngalokufananako.

1 kubaseKorinthe 3:3

Nine nisebantfu benyama; ngobe nangabe nisenemona nekubangisana, anisibo yini benyama? Anilingisi bantfu bemvelo yini?

1 kubaseKorinthe 4:16

Ngako-ke ngiyanincenga kutsi nilingise mine.

2 kubaseKorinthe 10:1

Mine, Pawula matfupha, ngiyanincenga ngebumnene nangebubele baKhristu. Nginguye yena loPawula lenimtsatsa ngekutsi uyatikhobosa nasemkhatsini wenu, kodvwa abe nesibindzi kini nangekho embikwenu.

2 kubaseKorinthe 13:11

Kwekugcina-ke bazalwane, ngitsi: Salani kahle. Lungisani imihambo yenu, netsabele kwemukela imiyalo, nivumelane, nihlalisane ngekuthula, khona Nkulunkulu wekuthula newelutsandvo atewuba nani.

2 kubaseKorinthe 13:9

Ngobe tsine siyajabula nangabe nine nicinile nome tsine sibutsakatsaka. Sithandazela kutsi nine nipheleliswe kuKhristu.

2 kubaseKorinthe 5:20

Ngako singemancusa aKhristu; Nkulunkulu uncusa ngatsi. Sinincenga egameni laKhristu sitsi: “Buyisanani naNkulunkulu.”

2 kubaseKorinthe 6:1

Njengobe sibambisene naNkulunkulu emsebentini wakhe, siyanincenga sitsi: Yemukelani umusa waNkulunkulu, ningawenti lite.

KubaseGalathiya 4:12

Bazalwane, ngiyanincenga kutsi nibe njengami, njengobe nami nginjengani. Kute kona lenangona ngako;

KubaseFiliphi 1:27

Kuphela hambani ngalokufanele liVangeli laKhristu, kuze kutsi nome ngita nginibona, nome ngingekho, ngive tindzaba letimnandzi ngani kutsi nime nicinile emoyeni munye, kukholwa liVangeli nikulwele ngebunye.

KubaseFiliphi 3:16

Kuphela nje kutsi lesesifikile kuko, asihambe ngemkhondvo wako.

1 kubaseThesalonika 5:13

Bahlonipheni ngelutsandvo lolukhulu ngenca yemsebenti wabo. Hlalisanani ngekuthula.

2 kubaseThesalonika 2:1

Bazalwane, macondzana nekubuya kweNkhosi yetfu Jesu Khristu nekuhlangana kwetfu kuye sinincenga,

1 kuThimothi 5:21

Ngiyakuyalisisa, embikwaNkulunkulu, naKhristu Jesu, netingilosi letikhetsiwe, kutsi lemiyalo uyigcine ngebucotfo ungavuni muntfu; ungakhetsi muntfu.

2 kuThimothi 4:1

Ngiyakuyala embikwaNkulunkulu naKhristu Jesu, lotakwehlulela labaphilako nalabafile, ngikuyalisisa ngekubonakala kwakhe nembuso wakhe, ngitsi:

Joshuwa 22:15

Lamadvodza efika eGileyadi, esiveni sakaRubeni, nesakaGadi kanye nasencenyeni yesive sakaManase, akhuluma atsi:

1 yaPhetro 2:11

Batsandzekako, ngiyanincenga, njengobe nitihambi nalabendlulako kulomhlaba, kutsi nitikhweshele tinkhanuko tenyama letilwa nemphefumulo.

1 yaPhetro 5:10

Emvakwekuhlupheka kwalesikhashana Nkulunkulu wemusa wonkhe, lowanibitela kutsi nihlanganyele naKhristu ebukhosini baphakadze, yena matfupha uyawuniphelelisa, anakhe anicinise, anitintise.