1 Emakhosi 9:6 - Siswati 1996 Bible

⁶ “Kodvwa nangabe nine nome emadvodzana enu nigucuka, nisuka kimi, ningayigcini imiyalo yami netimiso tami lengininike tona, nisuke kuto niyewukhonta labanye bonkulunkulu nikhuleke kubo,

1 Emakhosi 9:6 Referencias Cruzadas

2 Emakhosi 18:12

Loku kwenteka, ngobe babengakamlaleli Simakadze Nkulunkulu wabo, kodvwa basephula sivumelwane sakhe, konkhe loko Mosi, inceku yaSimakadze, labebayale ngako. Abazange balalele imiyalo yakhe, futsi abahambanga nangayo.

2 Emakhosi 22:17

Njengobe bangikhohliwe mine, batfuncisa imphepho kulabanye bonkulunkulu, bangitfukutselisa ngato tonkhe letithico labatente ngetandla tabo, intfukutselo yami itawuvutsela lendzawo, futsi ingeke icisheke.’

1 Tikhronike 28:9

“Wena-ke, Solomoni, ndvodzana yami, yenta Nkulunkulu weyihlo abe ligugu kuwe, umkhonte ngayo yonkhe inhlitiyo yakho nangengcondvo levumako, ngobe Simakadze uhlolisisa tonkhe tinhlitiyo acondzisise tonkhe tinjongo temicabango. Nawumfuna, utamtfola; kodvwa nawumlahla, naye utakuyekela phakadze naphakadze.

2 Tikhronike 15:2

Wahamba waya kuyawuhlangana nenkhosi Asa, wafike kuye watsi: “Lalela lapha kimi, nkhosi Asa, nani nonkhe nine bakaJuda nebakaBhenjamini. Simakadze unani, uma ninaye. Nanimfuna, nitamtfola, kodvwa nanimlahla, naye uyakunilahla.

Tihlabelelo 89:30

“Nangabe bantfwabakhe bawulahla umtsetfo wami, bangahambi ngendlela yetincumo tami,

Tihlabelelo 89:31

bedzelela timiso tami, bangayigcini imiyalo yami,

Tihlabelelo 89:32

ngiyawube sengibafaka luswati, ngibajezise ngenca yekona kwabo, ngibanike imivimba ngenca yebubi babo.

Jeremiya 26:4

Khuluma kubo utsi: ‘Naku lokushiwo nguSimakadze, utsi: Naningalaleli kimi nilandzele umtsetfo wami lengiwubeke embikwenu,

Sililo 1:8

IJerusalema yone kakhulu, ngaloko seyisinengiso. Bonkhe lababeyihlonipha sebayayedzelela, ngobe sebabubonile bungcunu bayo; yona cobo lwayo iyabubula ifulatsele.

1 Samuweli 15:11

“Sengiyatisola kutsi Sawula ngamenta inkhosi, ngobe sewungihlubukile, wangete wayigcina imiyalo yami.” Samuweli wakhatsateka kakhulu, wakhala kuSimakadze bonkhe lobo busuku.

1 Samuweli 2:30

“Ngaloko-ke Simakadze, Nkulunkulu wema-Israyeli, ukhuluma utsi: ‘Ngetsembisa ngatsi indlu yakho nendlu yeyihlo iyawukhonta embikwami phakadze naphakadze.’ Kodvwa nyalo Simakadze utsi: ‘Kungeke kusaba njalo! Ngobe labo labangihloniphako ngiyakubahlonipha, kodvwa labo labangedzelelako nabo bayakwedzeleleka.