1 Emakhosi 9:1 - Siswati 1996 Bible

¹ Watsi kube Solomoni acedze kwakha lithempeli laSimakadze kanye nesigodlo sakhe, asakufeze konkhe labefise kukwenta,

1 Emakhosi 9:1 Referencias Cruzadas

1 Emakhosi 3:1

Solomoni wakha buhlobo naFaro, inkhosi yaseGibhithe, washada nendvodzakati yakhe. Wayitsatsa wayibeka eDolobheni laDavide, waze wacedza kwakha sigodlo sakhe, nelithempeli laSimakadze kanye netibondza letatitungelete iJerusalema.

1 Emakhosi 6:37

Sisekelo selithempeli laSimakadze sabekwa ngemnyaka wesine enyangeni yaZivu.

1 Emakhosi 7:1

Solomoni kwamtsatsa iminyaka leli-13 kutsi acedze kwakha sigodlo sakhe.

1 Emakhosi 7:2

Wakha indlu lekwakutsiwa Lihlatsi laseLebanoni. Yayingemamitha labengaba ngema-46 budze, nemamitha labengaba ngema-23 bubanti, nemamitha labengaba li-13 nesigamu kuphakama. Yayinetinhlu letintsatfu tetinsika nemishayo yemsedari leyayisetikwato.

1 Emakhosi 7:51

Kwatsi nase kuphele wonkhe umsebenti inkhosi Solomoni labewentele lithempeli laSimakadze, wase ungenisa ngekhatsi tonkhe tintfo letatinikelwe nguyise, Davide. Bekuyisiliva, negolide, nato tonkhe timphahla. Wakubeka konkhe endlini yengcebo ethempelini laSimakadze.

1 Emakhosi 8:66

Kwatsi ngelilanga lelilandzelako wabe sewuyabacitsa bantfu. Batsi kube bantfu bayibusise inkhosi, babuyela emakhaya abo bajabule kakhulu, batsakasile etinhlitiyweni tabo ngako konkhe lokuhle Simakadze labekwentele inceku yakhe Davide kanye nesive sakhe, ema-Israyeli.

1 Emakhosi 9:10

Ekupheleni kweminyaka lengema-20 Solomoni labekakha ngayo tindlu letimbili: lithempeli laSimakadze nesigodlo senkhosi,

1 Emakhosi 9:11

inkhosi Solomoni yabe seyinika Hiramu, inkhosi yaseThire, emadolobha langema-20 aseGalile, ngobe Hiramu abemnike yonkhe imisedari, netipheshula kanye negolide labeyidzinga.

1 Emakhosi 9:19

wakha onkhe emadolobha lapho abenetingungu khona, kanye nemadolobha etincola takhe nemahhashi akhe, nako konkhe labefisa kukwakha eJerusalema, naseLebanoni, nakulo lonkhe lelo live labelibusa.

2 Tikhronike 7:1

Watsi Solomoni kube acedze kuthandaza, kwehla umlilo uvela ezulwini wadla lomnikelo wekushiswa nemihlatjelo, inkhatimulo yaSimakadze yase igcwalisa lithempeli.

2 Tikhronike 7:11

Watsi kube Solomoni acedze kwakha lithempeli laSimakadze kanye nesigodlo sakhe, asaphumelele nekukwenta konkhe labekufisa enhlitiyweni yakhe lapha ethempelini laSimakadze nakulesigodlo sakhe,

2 Tikhronike 8:1

Ekupheleni kweminyaka lengema-20 Solomoni labekakha ngayo lithempeli laSimakadze kanye nesigodlo sakhe,

2 Tikhronike 8:6

wakha kabusha neBhalathi nawo onkhe emadolobha lapho abenetingungu khona, nawo onkhe emadolobha etincola takhe, kanye newemahhashi akhe, kanye nako konkhe labefisa kukwakha eJerusalema, naseLebanoni, nakulo lonkhe lelo live labelibusa.

Umshumayeli 2:10

Konkhe emehlo ami labefisa kukubuka, ngangiwanika kona. Angizange ngitibambe ngisho nakukunye kutijabulisa. Ngatijabulisa ngawo wonkhe umsebenti wami; loku kwaba ngumvuzo wami ngawo wonkhe umsebenti wami.

Umshumayeli 2:4

Ngesukela imisebenti lemikhulu: Ngatakhela tindlu, ngahlanyela tivini.

Umshumayeli 6:9

Kuncono kweneliswa nguloko lokubona ngemehlo akho kunekushangashangiswa lutsandvo lwekudla. Nako loko kulite, kufanana nekucosha umoya.