1 Emakhosi 8:4 - Siswati 1996 Bible

⁴ betfwala lelibhokisi lesivumelwane saSimakadze kanye nelithende lekuhlangana kanye nato tonkhe tintfo letingcwele takhona. Betetfwelwe baphristi nemaLevi.

1 Emakhosi 8:4 Referencias Cruzadas

2 Samuweli 6:12

Inkhosi Davide bayitjela batsi: “Simakadze sewuyibusisile indlu yaka-Obedi Edomu, kanye nako konkhe kwakakhe ngenca yelibhokisi lesivumelwane saSimakadze.” Ngako Davide wase uyehla uyawulandza libhokisi lesivumelwane saNkulunkulu ekhaya ka-Obedi Edomu, weta nalo, waliletsa eJerusalema, Lidolobha laDavide, ahamba ajabula.

1 Emakhosi 3:4

Inkhosi yahamba yaya eGibeyoni yayawunikela ngemihlatjelo, ngobe leyo bekunguyona ndzawo lephakeme lemcoka. Solomoni-ke wanikela ngenkhulungwane yeminikelo yekushiswa kulelo lati.

1 Tikhronike 6:31

Lawa bekungemadvodza Davide lawabeka kutsi engamele kuhlabelela endlini yaSimakadze, nase kufakwe libhokisi lesivumelwane kuyo.

2 Tikhronike 1:3

Solomoni kanye nalo lonkhe libandla bahamba baya endzaweni lephakeme leyayiseGibeyoni, ngobe phela lithende lekuhlangana laNkulunkulu lalikhona lapho. Lelo thende ngulelo lelalakhiwe nguMosi, inceku yaNkulunkulu, basesehlane.